BIMBINGEN PJJ Tgl 7-13 Mei 2017

BIMBINGEN PJJ Tgl 7-13 Mei 2017

Thema:GEREJA SI KUTANDAI

Ogen:Perbahanen Rasul-Rasul 11 : 19 - 30

Pdt. Maria E br Sitepu

                         

-          Penjelasen Teks

Sedekah enda, la banci terpungkiri adi sekalak-sekalak kita isungkun tentang arti gereja, enterem kalak nggo metehsa kerina arti gereja enda. Tapi sadar ntah la sadar, pengertin enda terjeng casingna saja maksudna, gereja si pahami kita bagi si gel-gel denga eme ingan kebaktin. Ingan nembah man Dibata rsdna kerina. Enterem kita lupa kepeken gereja mbelinna fungsina asangken kai si belasken kita ndai.

Ibas minggu enda, kita iajuk mulihken guna nginget ras nggejapken kai situhunna arti gereja ntah pe uga kin gereja si kutandai sedekah enda.

Tentuna adi ngerana kita erkiteken bahannta enda, siinget kitab perbahanen rasul-rasul eme kitab si nuriken uga perkembangen kalak Kristen bagepe perkembangen dahin perberita si meriah. Salah sada ibas kota antiokhia.

Antiokhia eme salah sada kota terbesar ibas 3 kota si lit i kekaisaran romawi. Ibas kota enda peribadahan nandangi dewa-dewi nggo cukup mekelek. Tapi hal enda labo ka membatasi perkembangan kalak Kristen i Antiokhia.

Bas bahan enda nuriken uga tang-tangna perkembangen kalak Kristen i antiokhia.

Ayat 19-21

Enda nuriken kepeken perpulungen i antiokhia enda turah erkiteken peniksaan man kalak si tek I Jerusalem, emakana erkiteken si e piga-piga kalak reh ku antiokhia.

Hal si enda situhunna jadi sada acuan man perpulungen, kepeken ibas kerina persoalen si terjadi ibas geluhta enda lit hal si positif si nggo irencanaken Dibata.

Ayat 22-23

Erkiteken perkembangan si idah kalak Jerusalem i Antiokhia emakana iutus barnabas guna mengembangken hal si e kerina.

Ayat 24-26

Nuriken perkembangen si terjadi i Antiokhia kenca kerehen Barnabas

Ayat 27-30

Enda nuriken uga kiniersadaan arih kerina kalak i Antiokhia guna nampati kalak si ringan I Judea  janah reh piga-piga nabi reh I Yerusalem,sekalak ibas nabi e tergelar Agabus ngerana alu cakap Kesah Sibadia maka seluruh doni terjadi kelihen .arah kiniersadan perpulungen e.terpepulung me duit guna nampati perpulungen judea e maka ikirimken duit e man pertua-pertua arah Barnabas ras Saul.

Adi siidah, lit piga-piga hal situhunna si banci jadi gambaran man  perpulungen bagepe penandaina  kai kin situhunna gereja enda?ijenda ituriken man  perpulungen sinandai  harus meteh tugas gereja e sendiri,ija tugasna eme:

1.      Bersaksi

2.      Melayani

3.      Bersekutu

-          Aplikasi

Gereja si itandai kita sedekah enda, mungkin nggo rusur ngatakenca 3 hal enda sebagai tritugas panggilan gereja. Tapi persoalenna, hal si enda terjeng ibas wacana saja, la seh ku eksekusina. Gereja e harus turun guna ngelakoken si e kerina. Tentuna posisi gundari ras nai berbeda ibas piga-piga hal, tapi kuncina eme uga kin situhunna dirinta selaku bagin gereja enda. Kai motivasinta ? adi memang tuhu kin kerina enda sidahiken guna kemuliaan Dibata lanai kita perlu penggeluh melala lampu bas gereja enda guna ersinalsal tapi penampat Dibata banci mereken terang man gerejanta.