BIMBINGEN MORIA 14 - 21 MEI 2017

BIMBINGEN MORIA  14 - 21 MEI 2017

KINIJILEN KULA RAS PUSUH

Enden-enden salomo 4 : 1 – 7; 1 Petrus 3:4

Pdt. Maria E br Sitepu

-          Penjelasen Teks

Ibas minggu enda pa morianta ngerana erkiteken hal si idam-idamken kerina diberu eme kinijilen. Engkai idamken ningku, erkiteken labo lit sada pe diberu enda atena la mejile. Siidah melala usaha si ilakoken sekalak diberu guna datken si e kerina. Emakana selaku moria kita pe harus berusaha guna tampak mejile. Tapi harus sipahami lebe uga kin makan mejile enda.

Ibas bahan si pemena

1.      Enden-enden Salomo 4 :1-7

Ijenda nuriken pujin-pujin raja salomo nandangi diberuna. Tentuna adi siperdiateken menaken ayat 1-7 labo lit tempa kekurangan diberu enda, erkiteken menaken buk nari si ketruh, bahasa si pake penulis kita enda eme bahasa si sempurna nandangi sekalak diberu. Emakana adi siukuri secara manusiawi tentuna diberu enda seh kal jilena. Tapi adi siukurken mulihi lit kin pengakapta diberu si bage jilena bagi gambaran bas bahannta enda ?

Situhunna adi aku isungkun pasti lit asal kita nggit ngelit kenca. Engkai ? perban kinijilen sekalak diberu tentuna e arah si ernin diberu enda, la mungkin sekalak diberu enda ngatakenca dirina mejile sisada. Tentuna arah kalak. Emakana perlu ka sipahami penilaian enda labo terjeng mata saja si erninsa tapi ikut ras pikiren ras pusuhta. Jadi banci kataken penilaian enda melibatken kerinana.

Emakana ibas

2.      1 Petrus 3:4

Situhunna bahan enda gambaran uga sekalak ndehara banci jadi ndehara si mejile. Nina petrus ibas bahan enda kepeken labo erkiteken barang-barang sipake kita, tapi erkiteken biak ntah pe karakter banci nambahi kinijilen sekalak diberu ntah pe ndehara.

-          Aplikasi

Emakana arah bahan enda iarapken moria gelah :

1. Tetap mperdiateken penampilanna

Memang penampilan labo kerinana, tapi enda perlu ka iperdiateken. Mehuli pe kam jadi diberu, lemah lembut, saber ras sidebanna tapi adi jarang ridi, la ersuri, mbau rsdna kerina tentuna enda jadi hal minus nandangi dirinta. Enden-enden salomo ncidahken kepeken kerina dirinta enda cidahken kinijilen emakana kerinana perlu perdiatekenndu. La banci ayo lalap, tan ras nahe la pernah. Kerinana eme sada kula, emakana adi gelarna mejile kula kerina.

2. Pusuh, pengerana, lagu langkah, perbahanen e perlu iperdiateken

Mejile pe diberu tapi adi pengeranana, perbahanena e la mehuli pasti turun nila kinijilenna. Contohna, sekalah diberu si mejile menurut ayo tapi adi babahna bagi kebun binatang tentuna mengurangi kinijilenna.

Emakana perlu isadari man kerina moria kepeken kinijilen enda mengandung 2 unsur sipertama diri, bagepe jiwa. Mejile kula ras mejile pusuh maka tuhu-tuhu banci jadi diberu si mejile.