BIMBINGEN MORIA Tgl 7-13 Mei 2017

BIMBINGEN MORIA Tgl 7-13 Mei 2017

THEMA:TETAPKENLAH UKUR AMIN LIT PERBEBEN

 OGEN:Perbahanen Rasul-rasul 27 : 21 – 26

Pdt. Maria E br Sitepu

-          Penjelasen Teks

Tentuna si sadari kerinana ibas nggeluh enda perbeben, kiniseran, masalah ntah kai deba gelarna e nggo jadi bagin si la terpesirang ibas kegeluhen manusia. Manusia adi nggeluh denga ia pasti lit masalahna. Emakana adi gundari kita lit masalahta e kita harus ngataken bujur, erkiteken kita nggeluh denga.

Kalak mate ngenca si lalit masalahna adi kuidah. Erkiteken aku pe lenga pernah mate (only joke/hanya bercanda). Emakana adi kita datken masalah 2 hal harus perlu siputusken :

1.      Hadapi masalah e

2.      Kiam kita arah masalah e

Ibas 2 keputusen e harus siinget masalah enda la banci bene adi la idungi emakana kiam enda sada hal sia-sia erkiteken labo ngatasisa persoalen si lit bahkan banci reh mekelekna persoalen e erkiteken kita kiam arah kai si memang la banci lang si hadapi.

Ibas bahan pengogennta sendah ituriken sekalak rasul Paulus si ibaba ku roma, erkiteken ia jadi tabanan, tapi tentuna la bagi gundari banci arah pesawat, mbarenda perdalanen biasana ilakoken arah kapal laut ntah pe ibas dalan darat. Janah adi siukuri ka kapal siipake ibas paksa si e labo seri bagi gundari, tentuna goncangan ras sidebanna luar biasa kal igejapken rasul Paulus ras narapidana si deban, emaka ibas ayat 20 ikatakenna “lanai lit arapen kami nggeluh”.

Emakana adi manjar-anjar si oge bahan enda

Ayat 21

Teridah uga biak enterem jelma ibas kejadin si lit, adina banci min ula min e terjadi, tapi

Ayat 22

Paulus nuriken man kerina kepeken lit rencana Dibata ibas si terjadi e kerina, si banci siidah ibas

Ayat 23-24

Uga rasul Paulus nuriken perjumpanna ras malaket si nuriken kai si banci jadi ibas kerina kalak si lit bas kapal enda, emakana

Ayat 26

Ikataken tetapkenlah ukurndu ibas kerina si la banci lang terjadi ibas persoalen si lit bas kita. erkiteken ibas

Ayat 27

Kerina pasti lit resiko, tapi tetap harus idalanina

-          Aplikasi

Salah sada si erbahanca maun-maun kita la ngasup guna ngatasisa perbeben eme ketetapen ukur. Kita adi sangana ibas perbeben maun-maun labo tuhu-tuhu erpengendes man Dibata ntah pe maun-maun meragukan kuasa Dibata si mbelin. Enda mberat adi bage, erkiteken ibas perbeben si mesangatna kal pengendesen man Dibata enda mpegegehi dirinta guna dalanisa kerina kemungkinan si banci terjadi. emakana man kam moria kami, petetaplah ukurndu ibas kerina situasi si mungkin la bagi ukurndu gelah kam siap guna ngalo-ngalo kerina erkiteken inget kesuksesan, kesabaran enda bedana hanya setebal buk jelma, tapi inget bage ka ningen pe tetap e jadi masalah mberat. Emakana perlu ma kita guna tetap mpeteguhi ukurta gelah kemalemem e tuhu jadi sikerajangennta ibas geluh enda.