BIMBINGEN PJJ Tgl 30 April -6 Mei 2017

BIMBINGEN PJJ Tgl 30 April -6 Mei 2017

THEMA : ENGGO KUANGKA PERBAHANEN DIBATA ARAH SEKELEWETKU

OGEN : Masmur 66 : 1 - 9

Pdt. Maria E br Sitepu

                         

-          Penjelasen Teks

Bahan pengogennta enda berisi puji-pujin  perpulungen nandangi Allah si nggo mimpin kalak Israel mulih ibas tanah tabanan nari. Emakana adi siperdiateken bahannta enda

Ayat 1-4

Nuriken pengajuk pemasmur man perpulungen gelah tetap muji Dibata erkiteken perbahanenna si mejin.

Ayat 5-6

Siidah uga pemasmur nuriken uga perbahanen Dibata si mejin nandangi bangsa Israel. Emakana erkiteken si e erbahanca meriah kal ukur kalak Israel.

Hal si enda situhunna nuriken uga kerina perbahanen Dibata enda erbahanca keriahen ukur asal manusia tetap nggit erdalan arah aturen si nggo iaturken Dibata.

Ayat 7-9

Nuriken pengajuk pemasmur man kalak sideban guna nembah man Dibata nu Israel erkiteken perbahanen si mbelin si nggo icidahkenna nandangi bangsa Israel.

-          Aplikasi

Ngangkasa perbahanen Dibata maun-maun enterem kita salah guna memahamisa. Siakap ngangkasa perbahanen Dibata terjeng si terjadi ibas dirinta, janah perbahanen Dibata pe siakap e kerina terjeng hal-hal si mehuli. Adi la mehuli la siakap perbahanen Dibata.

Ibas paksa enda khususna ibas bahan pengogennta, bangsa Israel ras bangsa sideban iajuk guna memahami mbelinna perbahanen Dibata arah pengalaman bangsa Israel si nggo terjadi ibas diri kalak Israel.

Hal si enda si kurang si perdiateken selaku anak-anak Dibata. Dibata pe rusur make kenca hal-hal si kitik guna cidahken kerehen ntah pe kuasaNa nandangi kita. contoh sederhana :

1. Pagi berubah malam
2. Tomat si meratah berubah Megara
3. Ketubuhen sekalak anak
4. Jantung si rusur berdetak
5. Rsdna kerina

Si sederhana ntah pe biasa mungkin siakap tapi enda tuhu kal luar biasa adi sipahami ras coba si ukur-ukuri. Erkiteken mungkin enda kitik kal siakap tapi adi isuruh kita erbahanca, entah la kita ngasup.

Emakana harus siinget kerina si terjadi i sekelewetta eme guna cidahken perbahanen Dibata si mbelin. Gelah reh tangkas ras mbagesna pemahamannta erkiteken kuasa Dibata e ibas kegeluhennta.