BIMBINGEN MAMRE Tgl 7-13 Mei 2017

BIMBINGEN MAMRE Tgl 7-13 Mei 2017

Thema:JATIDIRI MAMRE IBAS PEMILU

Ogen:1 Samuel 16 : 6 – 13

-          Penjelasen Teks

Sadar ntah la sisadari kerina keputusan ntah pe pilihan si ilakoken kita e banci jadi cara kalak mereken penilaian man dirinta. Contohna :

1.      Adi jarang kita ridi

Biasana cap si menempel bas kita eme kalak melket, la ieteh kalak kai si erbahanca emakana kita jarang ridi, ntah erkiteken pinakit ntah erkiteken lalit lau, pokokna kai siibahan kita mis melekat bas dirinta

2.      Medak melawen

Adi e silakoken biasana akap kalak kita perkisat

Ras hal-hal sideban si banci mis leket kudirinta aminna pe sekali denga silakoken.

Bageka ibas kita menyongsong tahun 2018 eme tahun kesadaran politik, keputusan-keputusan politik si ibuat kita e pe menentukan cara kalak menilai kita.

Ibas pa sekale enda, bahannta nuriken keterpilihen Daud jadi raja man Kalak Israel

Tentuna jadi raja labo perkara si menukah apalagi adi siidah bahannta enda khususna menaken ayat 1 nari, teridah Saul selaku raja ibas paksa si e la ngena ate Dibata, emakana iperentahkenna man Samuel selaku hakim ibas paksa si e guna ndarami Raja simbaru nandangi bangsa Israel, emakana Daud ibas kerina kekurangen ras kelebihenna ipilih Dibata. Tapi menarikna adi siperdiateken bahannta enda, kepeken :

1.      Keterpilihen labo ernin rupa

Hal sienda situhunna siidah rusur bas kita kalak Indonesia enda. Logikana bagenda, engkai maka artis Diberu enterem masuk jadi anggota dpr ntah pe pencalonan kepala daerah ? tentuna mungkin erkiteken gelar nggo tandai kalak tapi la banci pungkiri penampilan perlu ka. Emakana engkai maka tukul arwana, tessy ras sidebanna si kurang ganteng ntah jilena la pernah ipake nggo me kuakap si eteh kerina. 

2.      Keterpilihen labo erkiteken status sosial ntah pe keduduken ibas masyarakat

Anakna si anu ntah pe kela si anu emakana banci terpilih. Adi ras Dibata labo lit bage

3.      Keterpilihen labo erkiteken pendahin

Enda si idah ibas pemilihan Daud ndai selaku raja man kalak Israel. Kerina kebiasaan si rusur ieteh kalak ibas milih guna sekalak pemimpin ibas bangsa la ipake Dibata. Si perlu Dibata eme mbiar nandangi Dibata.

-          Aplikasi

Tahun 2018 eme tahun politik, iarapken kerina mamre muat hak politik ibas tahun si reh enda alu perhitungken piga-piga hal

1. Kinitekenna

Maksudna jenda labo terjeng seri saja, beda pe adi aku labo dalih asal ia kalak si erkiniteken janah kinitekenna enda banci cidahkenna arah perbahanenna si mehuli nandangi jelma si enterem

2. Kinerja
3. Banci jadi usihen
4. Ketutusen

4 hal enda saja nggo banci terpenuhi nggo me luar biasa pemimpinnta kerina. Emakana mamre iarapken megermet ibas nentuken pilihan politikna. Erkiteken pilihannta gundari nentuken perdalanen negaranta enda ku wari si pepagi.