BIMBINGEN KHOTBAH PEKAN DOA BERNGI SIPEEMPATKEN

BIMBINGEN KHOTBAH PEKAN DOA BERNGI SIPEEMPATKEN

THEMA:KELENGI JABUNDU

Khotbah : Kolose 3 : 18 – 21

-          Pengantar

Ibas 3 wari pekan doanta enda, nggo melala sieteh uga pengertin ertoto ibas kalak kristen, janah uga situhunna cara si tepat ibas kita ertoto man Dibata. Tentuna arah si e kerina nggo me situhunna tangkas man kita kalak erkinitiken uga pentingna ertoto ibas kegeluhennta gelah ula ertoto enda terjeng formalitas bagi sipahami kita ibas telu wari pekan doanta.

Emakana ibas berngi enda iajuk kita guna ertoto enda banci jadi jiwa ibas kegeluhennta, labo terjeng ngerana masalah hubungan personalta ras Dibata, tapi uga pertoton enda menjiwai kerina lagu langkahta.

Ertoto secara umum iartiken kalak eme Kesah kalak Kristen ntah pe Nafas hidup kalak Kristen, lalit kalak ngatakenca kalak erkiniteken adi la pernah ia ertoto aminna pe 3 wari ngenca sada wari (sangana man) e cidahken uga pertoton enda seh kal pentingna ibas kalak Kristen. Janah selain enda, ertoto pe banci kataken eme cara kalak Kristen berinteraksi ras Dibata. Ertina hubungannta ras Dibata si sedekah enda siakap ndauh, ibas pertoton enda kepeken Dibata enda ndeher ras kita. emakana alu bage reh rusurna kita berinteraksi ras Dibata reh ndeherna kita ras Ia. Tapi penungkunen gundari si melala siidah tuhu-tuhu kin Dibata berinteraksi ras kita ibas pertotonnta ? enda si perlu siinget Dibata cidahken diriNa arah pernyataan ras penyataan si lit ibas kegeluhennta. emakana adi kita ngerana masalah interaksi ras Dibata, perlu ka kita mulihken nginget kata Dibata ibas Matius 22:37-40 (Hukum Kasih), ija kataken Dibata, Keleng ateta nandangi Ia, bali ras keleng ateta nandangi temannta manusia. Emakana uga berinteraksi ras Dibata, tentuna arah perbahanenta ka. Jadi ertoto menjadi roh kita guna berinteraksi ras kalak bagi kita berinteraksi ras Dibata.

Sedekah enda siidah melala kalak Kristen adi secara personal hubungan ras Dibata nggo me luar biasa, menaken :

1.      Saat Teduh

2.      Jam Doa

3.      Puasa

4.      Rsdna kerina

Tapi ndabuh ibas interaksi ras jelma sideban. Emakana ibas paksa enda iajuk kita guna ngangkasa uga kin situhunna pertoton enda gelah ula terjeng ibas dirinta tapi man sekelewetta khususna lebe ibas berngi enda man jabunta. Ibas :

-          Kolose 3 : 18-21

Nuriken pedah si bereken rasul Paulus man perpulungen i kolose. Adi kita ngerana terbagesen kitab enda, situhunna sieteh ntah pe siinget Perpulungen Kolose situhunna labo rasul Paulus si mantekisa, tapi metedeh ate Rasul Paulus guna mereken kata persinget ras kata ajar man perpulungen i kolose, perban ibegina ibas paksa si e tuhu mekelek kal pengajaren-pengajaren sesat si terjadi i perpulungen Kolose (Kol. 2:8).

Emakana ibas kitab Kolose enda, tuhu-tuhu turiken Rasul Paulus uga kin situhunna kalak si erkiniteken man Dibata. Tapi kepeken adi siukuri bahan pengogennta enda, kuakap la bias iakap Rasul Paulus adi terjeng ngerana erkiteken Keleng Ate Kristus janah sifat hidup simbaru. Erkiteken adi siidah bahan enda, Rasul Paulus nggit membangun pemahaman kerohaniaan ibas struktur organisasi masyarakat terkecil eme keluarga ntah pe jabu.

Arah si enda tentuna jadi pelajaren man kita kepeken jabu enda situhunna palas si seh kal pentingna ibas ndalani kegeluhen. Aminna pe uga situasi ras kondisi lingkungan si lit bas sekelewetta tapi adi jabunta eme jabu si erkemalangen man Dibata tentuna kerina banci ihindari.

Ibas bahan enda posisi ntah pe keduduken bas keluarga datken sorotan arah Rasul Paulus si tentu maksudna positif gelah keluarga banci benteng sipemena ibas kerina ajaran-ajaran si la mehuli si reh darat nari.

1. Ndehara

Patuhlah man perbulangenndu, adi si pahami enda situhunna cukup menarik, engkai ? kepatuhen si maksudken jenda ibas hal positif, erkiteken bahasa “Patuh man perbulangen” inget “man perbulangen” jadi lit sekalak dilaki ngelakoken la bagi tanggung jawab selaku perbulangen e la perlu kita patuh. Tapi mungkin turah ka bas kita penungkunen jadi me banci silawan perbulangennta adi kai silakokenna la bagi harusna ? bagin selanjutna ngatakenca “bage me arus ibahanndu selaku kalak Kristen”. Inget nina Dibata ibas Matius 5:44 “Kelengilah imbang-imbangndu janah ertotolah man Dibata kerna kalak si erbahanca kam ngenanami kiniseran”. Imbang saja si kelengi apalagi perbulangen. Jadi selaku sekalak ndehara ertina tetap siarah-arak janah tetap sidalanken Tugas ras tanggung jawabta selaku ndehara i tengah-tengah jabunta. Erkiteken kita erjabu enda labo dat mis si sempurna tapi ibas kiniersadanna ras kita ia jadi sempurna.

2. Perbulangen

Kelengi ndehara tentuna perlu sipahami mbages-mbages selaku perbapan, keleng enda mbages kal adi kuakap maknana ertina reh bas pusuh nari, adi cinta biasana ipake kalak erkiteken ketertarikan fisik, sayang erkiteken ketertarikan lawan jenis, tapi adi kasih ntah pe keleng mbages kal e, jadi arah kata, perbahanen, lagu langkah ncidahken keleng ate sekalak perbulangen man ndeharana. Janah nina ula kasar man bana. Kasar enda labo terjeng fisik tapi non fisik ka, kai ertina rajin kita ertoto tapi perbahanennta man kalak si jadi teman geluhta pe kasar. Nggo me kuakap sea-sea.

3. Anak-anak

Patuh eme perintah Dibata man anak-anak nandangi orang tuana. Tapi kepatuhan si imaksudken jenda labo kepatuhan erkiteken mbiar, tapi kepatuhan enda erkiteken keleng atena man orang tua ras man Dibata

4. Janah si terakhir siidah uga Rasul Paulus mereken pedah man Orang tua gelah ula rusur junguti anak, erkiteken anak e tubuh labo guna ijungut-junguti tapi guna ikelengi. Engkai ? keleng enda me sierbahanca kalak ngasup guna berkembang bagi kai seharusna. Jungut enda labo sada pengajaren ras didikan si mejile man anak, erkiteken biasana anak labo reh pentarna erkiteken ijunguti tapir eh gutulna. Emakana perlu tetap sikelengi anakta alu keleng si mereken kemajun man bana

-          Aplikasi

Enda me salah sada hal si penting ibas kita berinteraksi ras Dibata arah interaksita ras Keluargannta. Enterem kalak sedekah enda, tutus kal ia ertoto tapi keluargana la diatena, nina ertoto aku man Dibata gelah Dibata mereken pasu-pasu man keluargaku. Tapi harus siinget maun-maun Dibata pe mereken pasu-pasu arah tan-tannta janah inget ngakuken diri selaku perbulangen, ndehara, anak ras orang tua tentuna lit tanggung jawab si e kerina labo terjeng man Dibata saja, tapi man kerina si lit ibas lingkaran jabunta.