BIMBINGEN PERMATA Tgl 7-13 Mei 2017

BIMBINGEN PERMATA Tgl 7-13 Mei 2017

Thema ; MEHAMAT RAS ERKESEHEN

Ogen:Kuan-Kuanen 4 : 20-24

Pdt. Maria E br Sitepu

-          Penjelasen Teks

Tentuna si inget sada prinsip kalak Australia nina “mereka lebih khawatir anaknya tidak tahu antri daripada tidak bisa matematika”. Hal si enda situhunna nuriken uga pentingna pendidikan moral nandangi anak permatanta, erkiteken moral enda situhunna erbahanca ia tetap ngasup nggeluh ibas kerina perbeben ntah pe pergaulan si la mehuli ibas kegeluhen enda.

Ngerana tentang hal si enda adi kalak karo nggo cukup terkenal ibas si e. biasana adi kalak karo gelarina “Orat nggeluh” ntah pe adi ibahasa indonesiaken cara hidup ntah pe sifat-sifat si perlu lit ibas diri kalak karo ibas ia nggeluh ibas doni enda. Sue ras tema pa permata ibas minggu enda, 2 hal si termasuk orat nggeluh ibas kalak karo, eme

1.      Mehamat

Mehamat eme sada biak si perlu lit ibas diri kalak karo nandangi kalimbubuna, kalak si metua asangken ia. Mehamat e banci kataken menghormati ntah pe menghargai kalak. Jadi labo mbiar. Hal si enda perlu gelah lit keteraturan bas doni enda, erkiteken adi siukuri lanai kita mehamat man kalak ntah kai si banci terjadi bas doni enda

Emakana ibas bagin enda eme pedah arah penulis kitab amsal nandangi anak perana gelah idalanken. Adi nggo lanai kehamaten bas dirinta tentuna me nggo lanai kita nggit megi kai pe dungna kari kai pe la banci jadi.

2.      Erkesehen

Adi siidah ibas bahannta sendah khususna ayat 20-24, penulis kitab kuan-kuanen secara khusus nuriken uga ranan enda :

1.      Perlu seh ku kai siituju. enterem siidah ranan e mambur-mambur saja la ia erkesehen, emakana enterem kalak la ngangkasa ranannta enda erkiteken la ia seh ku kai si arus itujuna

2.      Ranan kalak man kita perlu jadi cermin guna mpekena kegeluhennta

3.      Ranan enda pe perlu man jagan labo banci sembarang melasken saja, tapi perlu siukuri dampakna man pribadi bagepe man jelma sienterem

-          Aplikasi

Ngerana eme caranta guna bersosialisasi ras jelma si enterem. Janah arah ngerana enda pe terkadang kalak mereken penilaian man kita. emakana ula mamang ateta adi misalna siidah lit temannta la ia nggit deher kal ras kita, erkiteken maun-maun perlu ka sipahami ranan enda mempengaruhi. Kita ngerana A misalna ia ngerana B. ibas ngerana enda pe perlu ipahami dua prinsip

1. Mehamat

Ngerana man ise pe mehamatlah, pakelah kata-kata si pantas si la banci cedai hubungennta ras kalak. Si terjadi rusur kinatana pemuda erkiteken akapna dirina sipaling hebatna peserina ranan kerina, man agina bagepe ras orang tua. Hal si enda mula gundari nari harus me irubah

2. Erkesehen

Sampai bas tujunna. La padah pake prinsip melala dalan ku roma, jadi cakap end ape mutar-mutar lebe dungna kuje ka tujunna. Memang situhunna labo dalih tapi biasana jelma si gundari nina tangkas ukur tangkas kata, erkesehen min kerinana la padah make majas-majas si erbahanca reh limberna kalak.

Emakana man kam kerina permata perlu la sipekena ranannta erkiteken si inget kam labo berhadapan ras teman-temanndu si gundari e ngenca tapi enterem jelma, emakana hal si e kerina perlu si jaga gelah kita banci cidahken kita memang permata.