BIMIBINGEN
PEKAN DOA SEDONI GBKP TGL. 17 - 23 MEI 2015
Tema Umum :
“Ertoto Nandangi Gereja Gelah Erguna Ku Kerina TinepaNa”
(Kolose 1:16)
(Pdt. Larena br. Sinuhadji)
WARI PEMENA
Invocatio :
“Enggo kuajarken man bandu kepentaren
dingen dalan kegeluhen si payo” (Kuan-kuanen 4:11)
Ogen :
1 Raja-raja 19:1-9a
Kotbah :
1 Korinti 2:13-16
Tema :
ERTOTO GUNA KEGELUHEN PERTENDIN
Penjelasen
Bahan
1 Kor. 2:13-16
ilatarbelakangi perselihan si terjadi i tengah-tengah perpulungen Korinti (1
Kor. 1:11-12). Perselisihen si terjadi erkiteken piga-piga perpulungen si lenga
dewasa geluh pertendinna, ibahanna kelompok-kelompok erpalasken hikmat duniawi.
E maka i bas perikop enda Paulus mpertentangen kerna kepentaren Dibata ras
kepentaren manusia, antara kalak si enggo dewasa geluh pertendinna ras kalak si
la lit bas ia Kesah si Badia. Kalak si enggo dewasa pertendinna, e me kap kalak
si enggo ngaloken keselamaten i bas Jesus Kristus nari, ras kegeluhenna terus-menerus
ipelimbarui Kesah si Badia (bdk. ay. 12, “ngaloken Kesah si Badia”). Kalak si enggo
dewasa pertendinna (pneumatikos) nina
Paulus e me kap manusia rohani, si terbuka nandangi kepentaren Dibata, si nggit
iajarken, iarahken ras ipengasup Kesah si Badia guna ndalanken sura-sura
Dibata. Kalak si enggo dewasa pertendinna ngasup ia ertimbang kerna kai pe.
Tapi kalak duniawi (psukhikos) si nimaksud
Paulus e me kap si lenga dewasa geluh pertendinna, si ngutamaken kepentaren
doni ras pemetehna, umapamana: lebih mengandalken gegehna, jabatenna, kinibayakenna,
kekuasaanna, rsd. Manusia duniawi la ia nggit iajarken Kesah si Badia, sabab
ianggapna sada kebodohen (“si lang-lang akapna,” ay. 14). E maka nina Paulus,
manusia rohani bertentangen ras manusia duniawi, hikmat Dibata la banci inilai
alu ukuren hikmat duniawi (ay. 15).
Ogenta e me kap turin-turin
kerna Elia si ngenanami keletihen jiwa, lebih mengandalken gegehna asangken
gegeh Tuhan. Padahal Elia mbaru saja menghancurken gegeh 450 nabi baal alu
tetap mengandalken gegeh Tuhan. Tapi kenca ieteh Isebel arah penuriken
perbulangenna raja Ahab, merawa kel Isebel. E maka itenahkenna kata, maka Elia
arus mate, bagi pemunuhna nabi-nabi baal. Kenca megi berita e, tuhu-tuhu mbiar
kel ia. Lupa ia lit Tuhan si tetap nemani ras nampati geluhna, tapi lebih ia
mengandalken gegehna. Mbiar Elia e maka lompat ia ras suruh-suruhenna guna
ngkelini kesahna. Lupa Elia, kesah manusia lit i bas kuasa Tuhan. Kenca seh i
Bersyeba, tadingkenna suruh-suruhenna ras iteruskenna perdalanenna ku taneh si melenget
sada wari perdalanen. Seh ia ku sada batang kayu, janah cicio ia i je, janah
madin akapna ia mate saja. Ertoto ia man Tuhan, “Enggo me Tuhan, buatlah
kesahku, madin me aku mate.” Elia mengalami putus asa bahkan stress. Medem ia
teruh batang kayu e. Tupung ia medem reh Malekat Tuhan nampati Elia, nuruh Elia
keke ras man, sabab enggo lit i je roti ras sada guci deherken takalna. Man ras
minem jenari medemka ia mulihken. Dua kali kejadin si serupa. Pangan ras inemen
ndai kedungenna mereken gegeh man bana labo erdalan 40 wari ku deleng Sinai
deleng si badia. Arah Turin-turin Elia,
banci siidah maka kemahen Tuhan banci mengalami keadaan down, putus asa asum ia
lebih mengandalken gegehna asangken gegeh ras kepentaren Tuhan si la terbatas.
Tapi kalak si tetap erkemalangen man Tuhan, tetap isampati Tuhan, Elia ibereken
Tuhan gegeh tole guna banci nerusken kegeluhenna.
Perenungen
Tema : “Ertoto guna
kegeluhen pertendin.” Manusia terdiri dari jasmani ras rohani. Dua-dua e
penting i bas kegeluhenta. Tapi mekatep kita lebih fokus guna ncukupi kebutuhen
jasmaninta asangken pertendinta. Ertina kurang seimbang pemenuhen si niperluken
guna kebutuhen pertendinta. I bas sada wari 24 jam saja piga menit/jam
sibereken waktuna guna kita ertoto, rende, ngoge Pustaka guna ncukupi pangan guna
geluh pertendinta? Lit deba sama sekali la lit waktu guna si e kerina, pepagi
nari seh berngi berkutat kita ku bas kebutuhen jasmani. I bas kita ertoto, i je
pe biasa ikataken 3 sendalanen si nipindoken kita man Tuhan: kesehaten, rejeki
ras anak-anak. Guna kegeluhen pertendinta, gelah dewasa kinitekenta, gelah
tambah kesabaren, kekelengen, pengarapenta man Tuhan, lupa kita mindosa man
Tuhan. Firman Tuhan mpersingeti kita gelah ertoto kita guna kegeluhen
pertendinta. Sabab manusia labo hanya
arah roti saja ia nggeluh tapi pe arah tep-tep kata si ibelasken Dibata. Bahkan
Paulus ngatakenca man Timotius latihan gerak badan lit piga-piga gunana, tapi
latihan pertendin erguna i bas kai pe, sabap latihan pertendin e njamin geluhta
subuk si genduari bage pe si pagin (1 Tim. 4:8).
WARI PEDUAKEN
Invocatio :
“Geluhndu arus erpalasken keleng ate,
bagi Kristus enggo engkelengi kita, dingen ngendesken kesahNa man gunanta. Ia
enggo mpersembahken diriNa jadi persembahen si merim si ngena ate Dibata” (Efesus
5:2)
Ogen :
Ulangen 24:17-22
Khotbah :
Jop 29:12-17
Tema :
ERTOTO GUNA NGGELUH SEPENGGEJAPEN I
BAS PERPULUNGEN
Penjelasen
Bahan
Bahan perikopta ibere
Judul “Perkataan Jop si pendungi kerna perkarana.” I ja Jop menilai dirina ras
kalak si deban pe menilai ia, maka ia peduli man kalak si deban secara khusus
man kalak si mengalami penderitaan (ay. 11, “kalak si ngidah entah megi kerna
aku, kerina mujiken perbahanenku”). Ipulahina kalak si tertindas, kalak
melumang, si la lit sima-simana isampatina, diberu mbalu-mbalu, kalak si narus
bene ndatken pertolongen i bas Jop nari. Ia mata man kalak pentang ras nahe man
kalak si cempang, nandangi kalak musil ia me bapana si tetap nampati. Dingen
kuasa kalak jahat ipenggelkenna. Bage me refleksi i bas diri Jop, maka tuhu-tuhu
ia menghadirken diri sebagai sesama nandangi kalak si membutuhken penampat bas
ia nari. Si e kerina erkiteken igejapina, maka Dibata si tetap masu-masu
kegeluhenna, mperdiateken kegeluhenna ras jabuna, maka geluhna pe arus jadi
berkat man kalak si deban ka.
Bahan ogenta ngerana kerna
undang-undang si arus idalanken bangsa Israel kenca enggo bengket ku taneh
Kanaan. Si arus iinget bangsa enda, maka marenda pe kalak enda tandang ras
tertaban i Mesir ras enggo ibebasken Tuhan. I bas undang-undang si ibereken
Tuhan banci siidah maka ate Tuhan gelah bangsa enda tetap nggeluh i bas
kiniraturen, sepenggejapen, saling peduli sada ras si debanna. Antara lain si arus
idalanken bangsa enda: ola rampas hak-hak kalak petandang ras anak melumang,
keleng ate man diberu mbalu-mbalu. Adi enggo rani, adi lit denga tading deba
gandum, anggur, saitun rsd., ola nari ilegindu si tading e, si e kerina man
kalak petandang, anak melumang ras diberu mbalu-mbalu.
Perenungen
Tema : “Ertoto guna nggeluh
sepenggejapen i bas perpulungen.” Nggeluh sepenggejapen arus menjadi jatidiri (karakter)
kalak si tek, sebab e ka si idalanken Tuhan Jesus selama IA nggeluh i doni
enda. Dingen palas kita banci nehken kekelengen man kalak si deban, erkiteken
enggo leben kita ngaloken kekelengen si mbelin bas IA nari. “Geluhndu arus
erpalasken keleng ate, bagi Kristus enggo ngkelengi kita, dingen ngendesken
kesahNa gunanta” (Invocatio).
Tahun Solidaritas
Internal, Solidaritas Eksternal, slogan “Kam kap aku, aku kap kam,” labo hanya
terjeng menjadi diskusi ras slogan tapi arus menjadi gaya hidup kalak Kristen,
khususna perpulunen GBKP. Dengan sendirina, minter kita kepate ras turun tangan
guna nampati nandangi kalak si mengalami kesusahen, bagi si ilakoken kalak
Samaria si erkuah ate. Tapi pengaruh perkembangen jaman si semakin maju, si erbahanca
moral ras kekelengen pe enggo urak i bas dirinta. Manusia si semakin egois,
lebih mementingken diri sendiri, individualis, kurang-kurangen, biak merangap
si erbahanca sikerajangen kalak pe ibuatna, bahkan sikerajangen kalak si mesera
(kisah nabi Natan si mpersingeti Daud alu anding-andingen kalak bayak si mbue
mbiri-birina ras kalak musil si sada e ngenca biri-birina).
E maka arah Pekan Doa
berngi peduaken, kita iajuk guna tetap ngandalken gegeh toto guna tetap i tengah-tengah
perpulungenta banci sipegeluhken kegeluhen sepenggejapen sada ras si debanna
gelah alu bage kehadiren Gereja (kalak si tek)
i sekelewetna tetap ernanam.
WARI PETELUKEN
Invocatio :
“Adi iberendu nakan man kalak si
kelihen, janah isampatindu kalak si lit i bas kesusahen, adi bage kegelapen si
lit sekelewetndu salih jadi terang seri ras ciger wari” (Jesaya 58:10)
Ogen :
Jesaya 49:5-6
Khotbah :
Markus 7:24-30
Tema :
ERTOTO GUNA SEKELEWETTA
Penjelasen
Bahan
Judul i bas perikop enda
(Mrk. 7:24-30) e me kap kiniteken sekalak diberu. Jesus lit i daerah taneh
Tirus, Sidon, Siria (i ja nterem i je kalak non-Jahudi). Lit sekalak pernanden,
anakna iseluki setan. Kenca ibegina kerna Jesus, minter idahaina Jesus janah
isembahna terus ku nehena. Banci jadi pernah ibegina kerna tanda-tanda sengget
si enggo pernah ibahan Jesus guna mpepalem kalak sakit i Siria (Bdk. Mat. 4:24,
“Perbahanen Jesus e mbar beritana ku belang-belang negeri Siria seh maka nterem
kalak ndahi Jesus. Itaruhken kalak man baNa kerina si penakiten. Erbage-bage
penakit kalak si reh e: lit si setanen, lit si tabun, janah lit si pangpangen.
Kerina ipepalem Jesus.”). Diberu enda ndai la membuang kesempaten, minter
ijumpaina Tuhan Jesus. Kesaksian-kesaksian si enggo pernah ibegina, naruhken ia
guna jumpai pribadi si tepat. Aminna ia kalak Junani, tek ia maka Jesus banci
mpepalem anakna, maka ipindokenna man Jesus gelah ipelawes Jesus setan i bas
anakna e. Tapi nina Jesus, “Peturut lebe anak-anak e man seh besur, sabab la
patut ibuat nakan anak-anak je nari iambengken man biang.” Jesus labo hanya
terkesan menolak guna nampati diberu enda ndai, tapi terkesan Jesus merendahken
status diberu e, sebagai kalak Sidon si la tek man Tuhan si nisembah kalak
Jahudi. Kalak Jahudi sebage anak-anak sedangken kalak i luar Jahudi, termasuk
diberu e, biang. Adi sibandingken ras Mat. 15:21-28, Injil si sejajar ras bahan
perikopta, maka tuhu mbue kel tantangen si ialami diberu e: 1) Sengkebabah ranan
pe Jesus la ngaloi. 2) Isuruh ajar-ajarNa gelah Jesus mpelawes diberu e, sabab
enggo mengganggu kenyamanan. 3) Jesus ngatakenca maka Ia iutus man kalak Israel
ngenca. 4) La patut ibuat nakan anak-anak, je nari ibereken man biang.
Ertina, cukup mbue tantangen
si ialami diberu e, gelah banci min anakna ndai terselamatken. Tapi diberu enda
ndai tetap berbesar hati, la ia mbenceng, la ia membaliken badan nadingken
Jesus. Tapi alu dem kiniteruken ukur ras bijaksana, ijabab diberu e Jesus, “Tuhu
Tuhan, tapi biang pe man rimah-rimah si ndabuh i bas meja tuanna nari.” Diberu
enda sedar maka sebage kalak non-Jahudi, berkat Tuhan e la iperuntuken man
bana, maka la ia metunggung ngaloken perkuah ate Tuhan. E maka tetap ia mindo
perkuah ate Tuhan, alu ngatakenca biang pe man rimah-rimah si ndabuh i bas meja
tuanna nari. Arah kegigihenna ras kiniteruken ukurna, diberu enda ngaloken
perkuah ate Tuhan, setan enggo ndarat i bas anakna ndai. Nina Jesus, “Perban
jababndu si bagenda, mulihlah ku rumahndu, setan enggo ndarat i bas anakndu
nari.” Bandingken Mat. 15:28, maka diberu enda ipujiken Tuhan Jesus, “Kam
sekalak diberu si tuhu-tuhu tek man Dibata. Perbahan si e jadi me man bandu
bagi sura-surandu.
Bahan ogen ngerana kerna
Israel sebage suruh-suruhen Tuhan, terang man bangsa-bangsa. I bas bertin nari,
Tuhan enggo memilih suruh-suruhenNa (banci Jesaya, entah pe bangsa Israel si deban).
Ertina, pemilihen e inisiatif Tuhan. Janah tugas suruh-suruh e jelas e me kap
negu-negu bangsa Israel si enggo merap marpar. Dingen labo terjeng je saja,
tapi suruh-suruhen e arus jadi terang man bangsa-bangsa, gelah kesalamaten seh
man bangsa doni kerina. I bas tugas si mberat e, Tuhan mperlengkapi
suruh-suruhenNa. Tuhan si mereken gegeh man suruh-suruhenNa.
Perenungen
Tema : “Ertoto guna
sekelewetta.” Adi ngerana kerna sekelewetta enterem, melala erbagena. Lit deba
si beda suku, beda agama, beda tingkat sosial, ekonomi rsd. Arah bahan Pekan
Doa sekali enda, kehadirenta sebagai kalak si tek tuhu-tuhu jadi terang. La
kita eksklusif, tertutup, hanya dirinta, jabunta, komunitasta ngenca
siperdiateken kita. Khususna i bas ertoto. Umumna kita hanya ertoto guna
dirinta ras keluarganta. Tapi i bas PD wari 3 ibabaina kita gelah lebih terbuka
man sekelewetta, termasuk lingkungenta, kota inganta tading.
WARI PEEMPATKEN
Ogen :
1 Korinti 13:4-11
Renungen :
Kuan-kuanen 8:1-10
Tema :
ERTOTO GUNA ERLAJAR SEGEDANG GELUH
Penjelasan
Bahan
Kitab Amsal berisi
petunjuk-petunjuk praktis tentang bagaimana seharusnya seseorang hidup dalam
kehendak Allah. Oleh karena itu tidaklah mengherankan jika kitab Amsal disebut
sebagai kitab hikmat atau kebijaksanaan. Hikmat atau hokmah (Ibr.) selalu mengacu pada kebenaran Tuhan, karena hikmat
berasal dari Tuhan. Karena hikmat berasal dari Allah, maka hikmat tidak bisa
disandingkan dengan kemampuan otak manusia, apalagi disandingkan dengan segala
macam ketidakbenaran dan berbagai macam kejahatan. Hikmat adalah suatu kualitas
kecerdasan dari Allah yang diberikan kepada manusia yang nilainya melebihi
kemampuan intelektual manusia. Hikmat adalah suatu daya yang mengarahkan
manusia pada suatu tujuan yang benar (yaitu Allah sendiri), hikmat menggerakkan
manusia untuk melakukan apa yang Allah kehendaki, sehingga kehidupan manusia
menjadi lebih bermakna, bernilai, dan menghidupkan. Dalam hal ini, “takut akan
Tuhan” (Ams. 1:7) merupakan hikmat paling utama yang diserukan oleh penulis
kitab Amsal. Itulah sebabnya mengapa hikmat lebih unggul kualitasnya
dibandingkan dengan kemampuan intelektual manusia, karena intelektualitas
manusia seringkali membawa manusia kepada kehancuran dan kebinasaan. Dengan
demikian menjadi jelas latar belakang dari Amsal 8:1-10.
Pada ay. 1-4 dikatakan,
“hikmat berseru-seru” di berbagai tempat, artinya, Allah selalu menyatakan
diriNya, kebenaranNya, keadilanNya, kasihNya, dsb., kepada manusia dengan
berbagai macam cara. Bisa melalui pengalaman hidup, bisa melalui suatu
peristiwa, bisa melalui hal-hal yang kita pelajari, dsb. Tujuannya jelas,
supaya manusia memiliki hidup yang lebih bermakna bagi dirinya sendiri maupun
bagi orang-orang di sekitarnya sesuai dengan kehendak Allah. Ay. 5-10 merupakan
ajakan untuk menjadi orang-orang berhikmat terutama ditujukan kepada
orang-orang “tak berpengalaman” dan “bebal” (ay. 5).
1 Kor. 13:4-11 merupakan
ajaran Rasul Paulus tentang kasih kepada jemaat Korintus. Kasih adalah hikmat
tertinggi yang diajarkan Tuhan Yesus kepada murid-muridNya (bdk. Mat. 22:37-40
par.) dan yang dilakukanNya untuk menebus dosa manusia. Ay. 4-10 merupakan
wujud konkrit dari kasih itu sendiri. Ay. 11 merupakan pernyataan tentang
kedewasaan iman mengacu pada hikmat tertinggi yaitu kasih Kristus.
Perenungan
Tema : “Ertoto guna
erlajar segedang geluh.” Mengapa kita harus mendoakan tentang long life education, atau belajar seumur
hidup? Karena, seperti kitab Amsal, manusia memiliki kecenderungan merasa sudah
cukup hebat dengan apa yang dicapainya (prestasi, jabatan, kekayaan, dsb.)
sehingga tidak merasa perlu lagi belajar dari siapa pun (Ams. 8:5, “tak
berpengalaman” dan “bebal”). Ini merupakan kelemahan mendasar manusia sejak
kejatuhan manusia dalam dosa, yaitu “ingin menjadi seperti Allah” atau “ingin
menjadi Allah” (Kej. 3:5). Dan memang proses belajar yang benar bukanlah hal
yang mudah, karena dalam suatu proses belajar yang benar dibutuhkan kerendahan
hati dan mau bersikap seperti murid. Itulah sebabnya kita perlu berdoa agar
Tuhan memberikan kemampuan kepada kita untuk mau merendahkan diri, bersikap
seperti murid, baik di hadapan Tuhan, maupun di hadapan manusia, sehingga
wawasan kita selalu terbuka bagi penyataan Allah sepanjang hidup kita dengan
cara yang Allah pakai untuk mengajar kita. Dalam Pekan Doa hari ke-4 ini kita
diajak untuk mau belajar sepanjang hidup kita, belajar segala sesuatu yang
positif dan membangun, khususnya belajar tentang hikmat Allah.
PEKAN DOA WARI PELIMAKEN
Invocatio :
“Tapi man kerina kalak si ndalanken
si mehuli, ibereken Dibata me kemulian, kehamaten, ras kemalemen ate, lebe man
kalak Jahudi, bage pe man kalak si deban” (Roma 2:10)
Ogen :
Johanes 2:1-10
Renungen :
Rut 4:1-12
Tema :
ERTOTO GUNA ORAT NGGELUH SI MABA
KEJUAH-JUAHEN
Penjelasen
Bahan
Perikopta ngerana kerna
kisah akhir i bas turi-turin Rut, si banci ikataken “dukacita berakhir dengan
sukacita.” Kai si itabur kita, e ka kedungenna si nituai kita. Rut menaburkan
kekelengen, kiniulin, nggit berkorban guna semetuana, Naomi. Itadingkenna,
kutana, bangsana, orang tuana, termasuk
agamana guna tetap mpekena-kena kegeluhen Naomi. Banci siidah kedungenna, Rut
ngaloken kemalemen ate i bas kegeluhenna, ipasu-pasu Tuhan tetap geluhna.
Ipepulung Boas sepuluh
kalak Pertua Kuta raduken ras si biak senina Elimelek ndube. Hubungen
kekerabaten kalak Jahudi hampir mirip ras kita kalak Karo. Dikenca mate
perbulangenna, maka si biak senina perbulangenna ndube ertanggung jawab
nandangi keluarga si enggo itadingkenna, termasuk kerna erta gono-gini si lit
denga (hukum Levirat, levir ertina:
biak senina perbulangen, Ul. 25:5,6; Mat. 22:24-26). Engkai maka i jenda Boas
si nenahken kerina si pulung dingen ia ka si mabai percakapen? Situhuna enda
lit kaitenna ras perikop sebelumna (Ps. 3), i ja tupung medem Boas, ideheri Rut
alu manjar-anjar Boas, je nari medem ia arah nahena. Tengah berngi medak Boas
ras tersengget, maka isungkunna ise Rut. Ituriken Rut ise ia ras kai
sura-surana. Maka ikatakenna, “Kam kap kade-kade kami si banci jadi penebus
kami, e maka mekuah min atendu, ibuatndulah min aku jadi ndeharandu.”
Kedungenna enggo jelas man Boas, termasuk pe kerna kesetian Rut man bibina,
sebab kerehen Naomi ras permenna mulihken ku kutana enggo jadi percakapen bas
kuta e, sabab nina, “Kerina anak kuta enda metehsa maka kam sekalak diberu si
mehuli (Ps. 3:11). Nina Boas ngaloi, “Tuhu nge aku kade-kadendu si banci jadi
penebusndu, tapi lit denga si terdeheren asa aku.” E me dalan-dalanna maka
ibahan acara runggu ras lebe isungkun Boas kerna tanggung jawab senina Elimelek
ndube si berhak nukur juma sikerajangen seninana. La sahun itukur senina
Elimelek juma ndai erkiteken tukurna pe kari labo e jadi tading-tadingen man
anakna. Kedungenna i bas runggu e, enggo putus maka Boas nge si nukursa.
Itantangi senina Elimelek ndai sepatuna, jenari iberekenna man Boas tanda maka
barang ndai enggo sah idayaken entah itukarken. E maka nina Boas, “Kam kap
kerina sendah jadi saksina maka enggo kutukur i bas Naomi nari kerina
sikerajangen Elimelek, Kilyon ras Mahlon. Tambah si e Rut, beru Moap, ndehara
si Mahlon ndube, jadi ndeharangku. Alu bagenda maka erta kalak si enggo mate
ndube, bage pe gelarna ola masap i tengah-tengah bangsa ras kutana nari. Kam me
kerina saksina sendah.” Kenca si e kerina pertua-pertua nehken pasu-pasu man
Elimelek maka keluarga Boas tetap ipasu-pasu Tuhan, secara khusus kesusurenna
arah Rut jadi kalak si terberita. Kai si ikataken pertua-pertua e ijujuri
Tuhan, maka anak Rut arah Boas e me kap Obed jadi nini raja Daud si termasyur.
Pengogenta e me kap kerna
tanda sengget si pemena si ibahan Jesus i kuta Kana. I ja lau salih jadi
anggur. Si intina, adi ras Tuhan uga pe beratna perbeben pasti lit solusina,
ras mehuli kedungenna. Kekurangen sada-sada hal i bas pesta secara khusus lau
anggur si jadi inemen bas pesta tuhu-tuhu jadi kemelanken kel. E maka Maria
sebage anak beru paksa si e ertanggung jawab, la ia lepas tangan uga makana
tetap sikap perdalanen pesta e. E maka nina Maria, “Enggo keri lau anggur kalak
si erkerja e.” Labo lit i je perintah, tapi nina Jesus, “O nande, labo man
aturenkenndu kai si man bahanenku, paksangKu lenga seh.” Amin bage gia,
iusur-usur Maria saja ras ngataken man kerina serayan e, “Ikutken kai si
ikatakenNa.” Alu patuh iikutken kerina suruh-suruhen e kai si niperentahken
Jesus. Iisi kalak enda 6 tambe si biasa guna keperlun erburih, alu lau seh dem.
Lau salih jadi lau anggur si mehuli kel. Bahkan nina sukut si empo man si empo,
“Biasana anggur si mehulina nge lebe ielaken kalak, janah kenca puas temue e
minem, ielaken anggur si biasa. Tapi kam seh asa genduari lit i bas kam anggur
si mehulina!” Arah kai si nilakoken Jesus, situhuna dalam rangka gelar kerina
ajar-ajarNa tek man Jesus. Arah turin-turin enda, Maria sebage bagian i bas
keluarga si erpesta tuhu-tuhu ertanggung jawab, kerehenna jadi berkat, labo
erbahanca mberat si mada pesta tapi mpenahangi persoalen si lit.
Perenungen
Tema : “Ertoto guna orat
nggeluh si maba kejuah-juahen.” Adi ibahasa Indonesiaken “Berdoa untuk karakter
yang membawa damai sejahtera.” Karakter (orat nggeluh) sesekalak jelma banci
berubah ras ibentuk, ibangun gelah jadi karakter si mehuli berbeda ras karakter
sebelumna (KEE 124, “Di kebiaken gelgel banci salih”), e me kap karakter
Kristus. Guna membentuk karakter si mbaru (Kristus) memang membutuhken proses
ras kiniteruken ukur guna tetap nggit erlajar ras ibentuk alu erbage-bage hal
(pengalamen nggeluh, pendidiken formal/non-formal, pergaulan ras kalak),
terlebih erlajar arah kata Dibata. Karakter si maba kejuah-juahen e me kap
karakter si banci jadi berkat man kalak si deban, labo nggeluh guna diri
sendiri. Sabab Kristus pe nggeluh labo guna diriNa sendiri tapi IA nggeluh guna
keterkelinen manusia. Karakter Kristuslah si arus jadi teladan kerina kalak si tek
man baNa, e maka la banci lang arus tetap kita nggeluh erkemalangen man baNa.
Proses pembentukan karakterta tergantung i bas ketaatenta man Tuhan. La banci
alu usahanta sendiri.
Arah bahan Pekan Doanta
berngi pelimaken, erlajar kita arah Rut, si dem bas ia kekelengen. Karakter si mehuli
si lit bas Rut erbahanca geluhna tetap ipasu-pasu Tuhan. Idatkenna perbulangen
si tuhu-tuhu melias ras si erbahanca keadaan geluhna berubah, menjadi lebih
baik. Bage pe Boas, aminna pe ia kalak bayak peduli ia man kerina si erdahinna
terlebih man Rut ras bibina, Naomi. I bas pengogen si pemena pe, siidah uga
Maria ras Tuhan Jesus kepate nandangi kalak si erpesta si paksa si e kekurangen
lau anggur. Kehadirenna kerina tuhu-tuhu maba kemalemen ate man sekelewetna. E maka
ertoto kita, maka kita pe banci memiliki karakter si mehuli, karakter Kristus
si maba kejuah-juahen man jelma ras sekelewetna.
Cataten:
Rut (ertina: teman perempuan, sahabat).
Boas (ertina: keuletan, kekuatan). Naomi (ertina: menyenangkan, kesenanganku,
kesukaanku). Mahlon (ertina: sakit, anak yang sering sakit). Kilyon (ertina:
merana, anak dengan kebutuhan khusus). Moab (ertina: benih dari bapak; Kej.
19:30-38; lokasi saat ini Yordania). Orpa (ertina: menengok ke belakang,
membalikkan badan).
PEKAN DOA WARI PEENEMKEN
Invocatio :
“Adi kam tetap i bas Aku janah
KatangKu tetap nggeluh i bas kam, banci ipindondu kai pe atendu, janah
ialokenndu me kai si ipindondu e” (Johanes 15:7)
Ogen :
Matius 5:13-16
Khotbah :
Masmur 85:9-14
Tema :
ERTOTO GUNA PROGRAM PELAYANEN GBPK
Penjelasan Bahan
Mzm. 85:9-14 merupakan
nyanyian penantian dan harapan Pemasmur bahwa sesuatu yang baik dari Tuhan akan
terjadi suatu saat nanti. Penantian dan harapan tersebut dilatarbelakangi oleh
situasi pembuangan di Babilonia pada sekitar abad VI SM, saat umat Israel tengah
dalam keadaan seperti putus asa dan tergoda untuk mempercayai bahwa Tuhan telah
meninggalkan mereka untuk selama-lamanya dalam penderitaan mereka. Ay. 9, merupakan
isi dari penantian dan harapan Pemasmur yaitu kedamaian, kasih, dan pemulihan
dari Tuhan kepada umatNya. Kasih, kedamaian, dan pemulihan dari Allah akan
membawa umat Israel pada harapan dan semangat yang baru, walaupun masih dalam
masa-masa penantian. Ay. 10, kasih, kedamaian, dan pemulihan dari Allah
membutuhkan respon dari bangsa Israel, yaitu takut akan Tuhan. Takut akan Tuhan
adalah sikap tunduk, bersandar, mengandalkan dan taat kepada Tuhan. Ay. 11-14
merupakan wujud konkrit karya Allah di tengah-tengah umat yang takut kepadaNya,
yaitu: kasih, kesetiaan, keadilan, damai sejahtera dalam kehidupan umatNya.
Mat. 5:13-16 merupakan
bagian penting dari pengajaran Tuhan Yesus (Mat. 5-7). Gambaran “garam” dan
“terang” merupakan ajakan Tuhan Yesus kepada murid-muridNya dan semua orang
yang mendengarkan pengajaranNya, agar hidupnya berdampak bagi sekitarnya.
Berdampak maksudnya, memiliki pengaruh yang positif, membangun, memberikan
harapan, memotivasi, menghidupkan, dsb.
Joh. 15:7, merupakan bagian
dari perumpamaan Tuhan Yesus tentang “Pokok anggur yang benar” (Joh. 15:1-8).
Di situ diajarkan bahwa ketika kita meminta apa yang kita kehendaki, maka kita
akan menerimanya. Kehendak yang seperti apa? Kehendak yang didasari oleh
kehendak Allah (“firmanKu”), supaya Allah dipermuliakan melalui apa yang kita
kehendaki (ay. 8).
Perenungan
Tema: “Ertoto guna Program
Pelayanen GBKP.” Pada Tgl. 18 April 2015, kita memperingati 125 tahun hadirnya
Kabar Keselamatan untuk pertama kalinya dalam masyarakat Karo. Tentunya kita
patut bersyukur karena GBKP telah bertumbuh dan berkembang dengan pesat selama
125 tahun. Kita patut bersyukur karena Tuhan bekerja melalui GBKP untuk
menerangi dan menggarami masyarakat Karo selama 125 tahun. Namun demikian,
masih banyak yang harus diwujudkan oleh GBKP ke depan, artinya kita masih
berada dalam masa-masa penantian menuju pada kesempurnaan di dalam Kristus.
Pada Pekan Doa hari ke-6 ini kita diajak untuk mendoakan program-program GBKP,
baik secara sinodal, klasis, dan runggun agar selalu mengacu pada kehendak
Tuhan, sehingga GBKP masih tetap dapat berfungsi sebagai garam dan terang di
tengah-tengah masyarakat Karo pada khususnya, dan di tengah-tengah masyarakat
Indonesia pada umumnya.
PEKAN DOA WARI PEPITUKEN
Invocatio :
“Sekalak-sekalak kam arus
mperdiateken keperlun kalak si deban” (Roma 12:16a)
Ogen :
1 Petrus 2:9-10
Renungen :
1 Korinti 3:8-9
Tema :
ERTOTO GUNA ARON DIBATA
Penjelasen
Bahan
Judul i bas perikop enda e
me kap “Serayan Dibata.” Paulus mereken persinget man perpulungen Korinti si
idahna lenga lit lalap kemajuanna, lalap lenga dewasa kinitekenna. Enda banci
siidah i bas ay. 1, i ja Paulus ngatakenca, “Sanga si e aku labo banci ngerana
man bandu bagi pengeranangku nandangi kalak si enggo dewasa kegeluhen pertendinna.”
Paulus arus ngerana man perpulungen bagi kalak si nggeluh rikutken biak doni,
man kalak si medanak denga kinitekenna man Kristus. Janah i bas ay. 2 akhir i
je pe Paulus ngatakenca, “Janah genduari pe pe lenga kam ngasup ngalokenca.
Sabab kam nggeluh rikutken biak doni denga.” Ertina, jelas lenga lit
pertumbuhen kiniteken i bas perpulungen e. Janah i bas perpulungen pe turah
perpecahen, nggeluh denga sician-cianen sapih-sapih perpulungen, terjadi
perubaten. Lit kelompok-kelompok, si mengaku diri golongen Apolos, golongen
Paulus, rsd.
E maka, arah suratna
Paulus tegas ngatakenca, ise kin Paulus, ise kin Apolos. Maka duana kalak enda
pelayan Dibata kap, si negu-negu perpulungen gelah nggeluh erkiniteken. Tuhan
nge si mereken kengasupen lako banci melayani. Duana kalak enda saling
melengkapi i bas pelayanenna. Paulus nuanca, Apolos niramsa ras Dibata si
erbahanca turah. Si nuanca ras si niramsa labo penting, tapi Dibata nge si
utamana (si pentingna) kel i je, sabab Dibata nge si peturahsa. Si niramsa ras
si nuaca sada aron kap, teman sekerja Allah. Ertina, sama-sama ibereken Dibata
kepercayaan guna erdahin ras Dibata guna mpekena-kena juma Dibata. Adi sada
aron, berarti i je lit kerjasama ras sama-sama kerja. Tidak ada yang merasa
lebih hebat, lebih pintar, berkuasa, sebab kerina kita suruh-suruhen Dibata.
Aminna kita berkerja sama i bas membangun Kinirajan Dibata, tetap ibereken
Dibata ulih latihta rikutken pendahinta sekalak-sekalak. Sabab lit ka,
kerjasama nina, sekalak latih kel, sekalak nari santai saja, la lit
pengorbanenna. Dahin e dung nge, tapi la lit peran sertana ras kebersamaanna i
je. E maka, nina Paulus, “Tapi sekalak-sekalak ibereken Dibata me upahna
rikutken pendahinna sekalak-sekalak.”
Pengogenta si pemena
ilatarbelakangi kiniseran kalak Kristen si merap marpar i belang-belang bagin
Utara Asia kitik, erkiteken kinitekenna man Jesus. Guna si e me Petrus arah
suratna mereken pergegeh gelah tetap megenggeng perpulungen e i bas ngalaken
kiniseran sabab kiniseran e sada pengujin nandangi kiniteken si sejati. Si arus
iinget perpulungen maka genduari kalak enda kerina enggo jadi anak-anak Dibata,
si enggo ngaloken perkuah ate Dibata. Si enggo idilo Dibata i bas kegelapen
nari bengket ku bas terang Tuhan si lanai lang-lang ulina. E maka arus tetap
iinget perpulungen gelah tetap nggeluh sue ras kalak si enggo jadi sikerajangen
Kristus, amin sekali mbue perbeben. I bas kerina dampar geluhna, kalak si tek
arus tetap ngasup meritaken perbahanen-perbahanen Dibata si mbelin.
Perenungen
Tema : “Ertoto guna aron
Dibata.” Ise kin aron Dibata e? Tentuna si pemena lebe Serayan Tuhan (Pdt./Pt./Dk./Em.)
si idilo Dibata secara khusus guna melayani i bas juma Dibata. Tapi labo
terjeng je saja, termasuk pe Pengurus PJJ, Pengurus Kategorial, Pelayan KAKR ras
kerina perpulungen, sabab kita kerina enggo idilo Dibata i bas kegelapen nari
bengket ku bas kegeluhen si mbaru, si terang. Statusta enggo jadi anak-anak
Dibata si enggo ngaloken keselamaten bas IA nari, si nggeluh guna kemulian
gelarNa. Tugas ras tanggungjawabta kerina e me guna menghadirken Kinirajan
Dibata (kekelengen, dame sajahtera, kiniulin, keadilen, kebenaren, rsd.) i bas
doni enda. Tentu enda labo tugas si murah, tapi tugas si mberat. Adi Dibata si mereken
dahin e man banta la banci lang iperlengkapiNa tetap kegeluhenta, alu
kepentaren, kesehaten, gegeh, rejeki bage pe kiniersadan arih. E maka penting
kel sebage aron Dibata kita membangun kiniersadan sada ras si debanna. I bas
mbuena kinierbagenta (talenta, gegeh, ekonomi, pendidiken, rsd.), i je me arus
kita saling melengkapi, bekerjasama, bersinergi.
Sebage aron Dibata, labo
perlu kita ndarami popularitas, pujian manusia, sebab i bas kita erdahin e
tujunta uga makana gelar Dibata terpuji ras badia. E maka adi sedekah melala
denga biak-biak si la mehuli sebage aron Dibata (adi dahin sidalih-dalihen,
egois, merasa diri si jagona, e maka kurang ia nggit megiken kata teman,
meganjang ukur, rsd.), e me si perlu ibeneken bas kita nari. Gelah juma Dibata
e sikap sidahiken, dingen ambah warina, reh majuna, reh berkembangna. La pernah
percuma dahin si nidahiken kita, ibereken Tuhan pasu-pasuNa tetap banta. E maka
i bas wari terakhir Pekan Doanta, mari tetap kita ertoto nandangi kerina kita, subuk Serayan
Tuhan, Pengurus PJJ, Kategorial, Pelayan KAKR, rikut perpulungen gelah banci
bekerjasama i bas ndahiken dahin Tuhan.
Mantap kali bah...
BalasHapusBujur :)
BalasHapus