BIMBINGEN MAMRE 14 - 21 MEI 2017

BIMBINGEN MAMRE 14 - 21 MEI 2017

MAMRE CENTER

Matius 14 : 13

-          Penjelasen Teks

Tentuna adi kita ngerana bahan pengogennta ibas pa mamre minggu enda, si pertama lebe perlu sipahami, bagin enda la banci sipesirang arah bahan sope si enda, si nuriken kerna kematen Johanes Peridiken. Johanes peridiken adi siperdiateken ibas kitab injil tentuna memiliki peran si penting ibas kerehen Jesus,

erkiteken banci kataken Johanes peridin me si pesikap dalan Jesus reh ku doni enda (bnd Markus 1:1). Emakana sada hal si wajar kal adi tuhu-tuhu ceda ate Tuhan Jesus erkiteken kematen Johanes peridiken enda.

Adi ibas bahan pengogennta enda, lit piga hal si banci sipahami :

1.      Kepeken manusia perlu QT ntah pe Quality time.

Istilah enda biasana ipake nandangi waktu si bereken man jabunta ntah ras kalak si kelengi kita. tapi adi sipahami ka mulihken kepeken QT enda pe penting man dirinta sisada. Arah enda situhunna kita banci lit waktu guna nginget hal-hal si nggo ilakoken kita janah ngukuri kai si man lakoken ibas wari-wari si reh.

2.      Situasi ingannta e penting ibas sura-suranta guna ndauh ibas hiruk pikuk doni

Menarik jenda adi siperdiateken Tuhan Jesus saja perlu ia ingan si mendukung suasana pusuh ibas paksa si enda, aminna pe adi siidah tole kari bahan pengogennta la surung Tuhan Jesus menyendiri erkiteken enterem kalak si ngikutken ia.

Tapi situhunna sada hal si banci jadi pelajaran, ingan ija kita reh e situhunna ngasup mempengaruhi pusuhta.

Emakana tangkas kal ibas bahan enda eme si jadi kebutuhen manusia gundari :

1.      Waktu man dirina jine

2.      Ingan si suasana mendukung guna erbahanca reh deherna kita ras Dibata

-          Aplikasi

Hal si enda me salah sada alasan si tentu ipikirken mamre pusatta ras kerina mamre i belang-belang GBKP enda guna ngelitken sada ingan si tentuna banci ipake guna acara ntah pe retreat rohani GBKP secara terkhusus mamre. Hal si enda tentuna labo banci mis jadi adi la arah dukungen kita kerina terkhusus mamre kerinana. Erkiteken ingan enda eme ingan si lit erkiteken usahanta ras-ras janah pengunaan tentuna man kita ka kerina.

Janah perlu ka siinget engkai maka ingan enda cukup penting, erkiteken sedekah enda adi siperdiateken kebiasaan si ilakoken itengah-tengah gerejanta adi gelarna retreat, e melala denga salah persepsi ibas istilah enda. Retreat eme acara si ipake gelah banci kita reh deherna ras Dibata, emaka perlu :

1. Ingan si mendukung

Enda perlu sipahami, erkiteken sedekah enda adi retreat ningen sidarami ingan si menarik mata, tapi adi gelarna retreat situhunna inganna harus me mendukung secara situasi, suasana ras sidebanna gelah arah enda nampati kita guna rembak ras Dibata

2. Fasilitas
3. Acara
4. Rsdna

Enda hal si perlu siinget, emakana mamre center enda tentuan tujunna gelah kita kerina banci reh rembakna ras Dibata. Emakana tole nari siingetken man kita kerina mamre gelah banci kita kerina muat bagin ibas pembangunan mamre centerta enda.