BIMBINGEN PJJ 14 - 21 MEI 2017

BIMBINGEN PJJ 14 - 21 MEI 2017

AKU GEREJA KAM PE GEREJA

1 Korinti 12 : 25 - 31

Pdt. Maria E br Sitepu

                         

-          Penjelasen Teks

Sadar ntah la sisadari, kehancuran ntah pe kerusakan si paling mekelekna biasana si reh bas nari labo si darat nari. Bage ka pe adi ngerana kita erkiteken gereja ntah pe organisasi sideban bahkan seh kari kita ku Negara situhunna si persoalen si paling mberat eme persoalen si rehna ibas gereja ntah pe organisasi e sisada.

Emakana lanai bo ate mamang adi siidah piga-piga gereja pecah erkiteken konflik internal si terjadi sapih-sapih ia.

Hal si enda ka si i antisipasi rasul Paulus gelah ula terjadi ibas perpulungen korinti erkiteken nggo lit bibit-bibit perpecahanna eme :

1.      Pemere kesah

2.      Pemahaman

3.      Golongan

4.      Rsdna kerina

Sie kerinana adi kurang megermet kita e banci jadi hal si erbahanca sontar perpulungennta. Erkiteken bibit si kitik enda adi ipediat tentuna banci jadi halsi mbelin.

Emakana sope si e terjadi rasul Paulus ngatakenca man perpulungen korinti ibas bahan enda :

1.      Kita kerina sada bagin si la terpesirang aminna pe alu pemere-pemere si berbeda.

2.      Dahin silakoken kita ibas perpulungen enda labo muat kinihagan man dirinta tapi kerinana guna kemuliaan Dibata

3.      Kerina pemere si lit bas kita kerinana guna jadi penampat man kalak sideban

-          Aplikasi

Emakana adi siinget tema pjj nta ibas minggu si lewat eme “gereja si kutandai”. Adi nggo me si tandai ise gereja enda, aturenna nggo me sitandai ka ise kin kita ibas gereja enda. Kita me gereja, teman-temannta e pe kerina gereja, emaka gereja eme kesatuan kalak si erkiniteken man Dibata. Sedekah enda adi siidah enterem kalak erpengakap gereja enda :

1. Gedung
2. Pengurus
3. Pendeta ras serayan

Emakana tempa la perdiatekenna gereja enda. Tapi ibas paksa si enda ibereken pemahaman kita gereja eme dirinta. Persadannta kerina si erbahanca gereja enda megegeh. Emakana marilah si ukuri mulihken ise kin kita sedekah enda nandangi gerejanta enda, bagin gereja enda kin kita ? ntah terjeng penonton saja kita bas gereja enda ? hal si enda iarapken gelah kita pe nginget mulihken tanggung jawabta nandangi gerejanta si sedekah enda ntah mungkin nggo terlupaken kita.