BIMBINGEN
KHOTBAH 08 OKTOBER 2017
MINGGU
NOTOKEN SERAYAN TUHAN II
THEMA:NAMPATI
DAHIN SERAYAN.
Invocatio
: Epesus 4 : 11
Ogen
: II Raja-Raja 4 : 1-13
Khotbah
: Lukas 8 : 1-3
Pdt.Maria E br Sitepu
- Pengantar
Ibas minggu si lewat kita bengket
kubas minggu serayan janah seh pe minggu enda, tetap denga kita ibas minggu
guna notoken serayan, engkai maka enda ibere porsi lebih iba sliturgi 52 minggu
? tentuna la banci lang erkiteken dahin selaku serayan Dibata enda cukup mberat
emakana iarapken gelah perpulungen pe banci mereken gegeh arah pertoton bagepe
perbahanen. Bagi bahan pengogennta minggu si lewat ibas epesus uga sekalak
rasul Paulus si terkenal megegeh bagepe nggo me dewasa secara kiniteken
ipindokenna denga penampat arah perpulungen arah toto. Emakana la lit salahna
ibas paksa enda si bereken dirinta guna nampati dahin serayan, erkiteken kai si
dahikenna enda labo ma dirina jine tapi guna Dibata bagepe man kita kerina.
Minggu si lewat tentuna si inget
salah sada cara kita mereken penampat man serayan eme arah pertotonnta tapi
siinget ibas Jakub 2 :14, kai ertina beriman ntah pe erkiniteken adi la teridah
arah perbahanen, emakana perlu icidahken perpulungen uga nampati serayan labo
terjeng pertoton tapi arah perbahanen.
Ibas bahan pengogennta sendah, lit 3
gambaran si ate icidahken gelah banci jadi usihennta bagepe banci nambahi
pengangkannta erkiteken dahin serayan e gelah selaku perpulungen banci
sibereken dirinta guna nampati serayan Dibata
Sope terbagesen, perlu lebe ipahami
ibas bahan pengogen sipemena, ijenda lit 2 cerita emakana ibagi kami ibas 2
bagin e eme :
- Penjelasan teks
a.
2
Raja-Raja 4 : 1-7
Bahan enda nurikenca perbeben si
sangana ihadapi sekalak diberu si balu-balu janah musil. Emakana rikutken tema
si ibereken man banta ibas minggu enda, lit piga-piga hal si perlu ipahami :
1. Ibas ayat 1-2 nuriken persoalen
sekalak Diberu balu-balu. diberu enda eme ndehara sekalak nabi, tapi
perbulangenna nggo mate, erkiteken si eme maka
rutang ia man kalak janah la tergalarina utangna e emakana ate kalak si
lit utangna man si diberu enda eme muat anakna guna nggalari utang si diberu
e,janah anak na e ijadiken budak.
2. Ibas ayat 3 icidahken uga masalah
enda labo terjeng tanda sengget si ilakoken nabi Elisa saja, tapi kerina
perpulungen muat bagin guna dungi masalah si e aminna pe mungkin tersitik-sitik
tapi tetap mereken penampat.ija diberu e ibas ia lit sitik minak zaitun ,jenari
isuruh nabi Elisa minjam guci –guci man teman temanna asa lalana.emaka ierukna
pintu rumahna ras anak-anakna ia ibas rumah jenari itamakenna alu minak zaitun
sisitik tare botol em itamaina kuguci seh dem kerina guci-guci e.jenari
dayakenna guna galari utangna janah ibana man biaya kegeluhenna ras
anak-anakna.
Gambaran enda cidahken uga persoalen
si mungkin ibas paksa si enda lit ibas serayannta e banci idungi erkiteken
iras-rasken ras perpulungen. Emakana perlu lit keterbukaan bagepe kininggiten
perpulungen guna nampati dahin serayanna.
b.
2
Raja-Raja 4 : 8-13
Cerita enda situhunna lanai bo asing
bas kita erkiteken cerita enda kerna diberu sunem ras perbulangenna ersada arih
guna nampati bas dahin pelayanen elisa, tapi adi siidah bagin sope si enda eme
ayat 1-7, cidahkenna uga sekalak nabi Elisa eme sekalak nabi si ngasup
erbahanca tanda sengget tapi, ibas bahan
enda tetap denga ka kepeken aminna pe nggo melala banci ibahan nabi Elisa enda
tetap denga ka ia butuh penampat arah perpulungenna nari. Emakana ibas bahan
pengogenn si peduaken
c.
Lukas
8 : 1-3
Nuriken uga Tuhan Yesus ras
ajar-ajarna mpepalem piga –piga diberu sisetanen ras sipenakiten eme maria sigelari magdalena
sienggo ipalawes 7 setan ibas ia nari bagepe johana ndehara kusa menteri
herodes janah susan bagepe diberu-diberu sideban.kenca idatkenna mujizat ibas
Yesus nari tersuruh lako nampati pelayanan siilakoken Yesus ras ajar-ajarna
isampati alu erta-ertana, emakana rikutken temanta sendah, si pahami nampati
dahin serayan labo persoalen, ise, latar belakang, talenta ras sidebanna kerina
tapi enda masalah kininggiten janah erkiteken pengataken bujurta ibas penampat
Dibata si nggo pepalerNa tep-tep waktu ibas kegeluhennta.
- Aplikasi
Emakana ibas minggu enda, nampati dahin serayan e labo jadi
masalah jabu serayan saja, tapi nggo me jadi tugas ras tanggung jawabta kerina
perpulungen. Erkiteken :
1. Dahin si ilakoken serayan Tuhan enda labo man dirina tapi
man Dibata, janah arah si e tentuna lit pengejapen man ngawan ni perpulungen
uga pendahin serayan Tuhan e ibas
geluhna.bd uga Yesus ras ajar-ajarNa.
2. Tanggung-jawab perpulungen guna nampati dahin serayan e. persoalenna
gundari, enterem denga perpulungen si la nggit nampati erkiteken ernin
serayanna, inget saja nina Rasul Paulus dahiken dahin enda tempa-tempa bagi
Dibata (Kolose 3:23), gelah arah si enda kerina si ilakoken kita enda labo guna manusia tapi bagi
kemuliaan Dibata
3.Serayan tolong serayan enda pe cukup penting man kerina
serayan bandingken ras pengogenta ndai,nabi Elisa nampati kel serayan Tuhan,ras
siidah terjadi mujizat..
