BIMBINGEN PERMATA TANGGAL 15 – 21 OKTOBER 2017

BIMBINGEN PERMATA TANGGAL 15 – 21 OKTOBER 2017

 THEMA : NANDEKU DENGDENGENKU

OGEN :1 Samuel 1 : 1-28

-          Penjelasen Teks

Kitab 1 samuel eme kitab si ngerana erkiteken telu kalak Samuel, Saul ras Daud janah kitab enda me si nurikenca perubahan pola pemerintahan kalak Israel si nai eme Teokrasi berubah menjadi kinirajan, erkiteken pemindon kalak Israel gelah ipilih Dibata sekalak jadi raja guna ngaturken perdalanen kehidupan bangsa Israel.

Emakana guna memahami kitab enda, kita iajuk lebe ibas paksa si enda guna metehsa ise kin Samuel enda :

Arah bahan pengogennta nurikenca kehidupan sada keluarga eme elkana ras 2 ndeharana Hanna ras penina.

Elkana ras keluargana enda eme keluarga si tuhu-tuhu erkemalangen man Dibata erkiteken adi siidah tiap tahun keluarga enda lawes ku silo guna ersembah man Dibata.

Janah adi siidah terus bahannta enda, kepeken ibas dua diberu elkana enda hana si tuhu ngena atena, tapi hana lenga lit pupusna, emakana erkiteken si e penina rusur nakiti ukur hana enda, janah hal si enda labo terjeng sekali dua kali ngenca tapi rusur ilakoken penina man hana.

Emakana erkiteken nggo seh kal cedana ukurna ibas sada paksa hana ertoto man Dibata janah erpadan ia adi lit kin pagi anak si ibereken Dibata man banta maka iendeskenna pagi anak e man Dibata. Emakana erkiteken si e maka tubuhlah sekalak anak dilaki man elkana ras hana si igelari Samuel si ertina “Man Tuhan kupindo ia” janah hana pe dalanken padanna ndube guna ngendesken anakna man Tuhan.

-          Aplikasi

Menarik kal cerita hana enda adi siperdiateken engkai :

1. Aminna ceda ukurna tapi tetap ia jadi ndehara si mehuli nandangi elkana
2. Adi lit persoalan labo ia lawes kujapa pe lebe, tapi man Dibata lebe ia nuriken kerina perbebenna.
3. Kai si nggo padanken em si idalankenna

Tentuna biak si mehuli si banci siidah kita arah perbahanen sekalak ndehara si tergelar hana.

Tapi sadar ras la sisadari kerina manusia lit kelebihanna sekalak-sekalak, mungkin hana kelebihenna e, nandenta pe mungkin lit kelebihenna sideban. Ras pasti perlu ipahami permata kerina nande pasti lit kelebihanna si mehuli. Emakana perlu min iidahna alu manjar-anjar arah perbahanen si ilakoken nandena sedekah enda gelah banci datna biak si mehuli arah nandena, gelah tuhu-tuhu permata enda banci jadiken nandena sebagai idolana. Labo terjeng sebagai nande tapi sebagai sebuah kebanggan man bana. Erkiteken adi siidah sedekah enda, kurang melala sekalak anak si mengidolakan nandena ibas kegeluhenna.

Emakana man kita permata ibas minggu moria enda, marilah si nin biak si banci erbahanca nandenta jadi kebanggan man banta, gelah arah si end ape kita banci erlajar arah nandenta guna ndalani kegeluhen enda.