BIMBINGEN PJJ TANGGAL 15 -21 OKTOBER 2017

BIMBINGEN PJJ TANGGAL 15 -21 OKTOBER 2017

 THEMA : NJAGA RAS NGERGAI KESEHATEN

 OGEN : Perbahanen Rasul-Rasul 27 : 33-38

-          Penjelasen Teks

Kesehatan tentuna eme sura-sura kerina si ggeluh ibas doni enda, erkiteken kesehatan banci maba kerina manusia dalanken kai si atena ilakokenna, jadi lanai situhuna ate mamang adi siidah kalak ertoto kesehatan jadi salah sada pemindonna man Dibata. Tapi ibas paksa gundari enda kesehatan adalah hal si merga, perban erkiteken ngayak-ngayak kebutuhen ekonomi jelma lanai perdiateken ras ngergaken kesehatenna.

Ibas minggu enda,bahan pjjnta ngerana erkiteken kata persinget guna njaga ras ngergai Kesehaten. Engkai ?

1.      Dirinta enda eme pemere Dibata

Hal si enda perlu sipahami, dirinta enda labo milikta tapi enda pemere Dibata si harus ijaga kita. Emakana alu bage banci ipahami kesehaten eme salah sada kita ngergai kai si nggo bereken Dibata man banta

2.      Kesehatan merga

Lit sada istilah “lebih baik menjaga daripada mengobati”, istilah enda nggit ngatakenca kepeken pangen sijaga kesehatan enda asangken si tambari adi sakit kita kari, erkiteken gundari biaya pengobatan lumayan galang.

Emakana adi siidah bahan pengogennta ibas perbahanen rasul-rasul 27:33-38, situhunna bahan enda nuriken kesaksin penulis Perbahanen rasul-rasul erkiteken kejadin si jadi nandangi Rasul Paulus sangat ia erlayar ku roma (perlu siinget pelayaran Rasul Paulus ku roma enda labo erkiteken erberita tapi enda erkiteken Rasul Paulus jadi tabanan ras ate ibaba ku Roma ) tapi ibas perdalanenna ku roma enda labo kepeken bagi sura-sura, erkiteken angin si meter nungsang kapal Rasul Paulus. Hal si enda erbahanca kepanikan ras kebiaren nandangi penumpang si lit ibas kapal ndai. Erkiteken kejadin enda si kurang lebih 2 minggu jadi, kalak si lit ibas kapal enda lanai man-man. Emakana rasul Paulus ibas ayat 33

Ikataken Rasul Paulus gelah nggit man guna kesehatan.

Bagin enda cidahken uga pentingna tetap njaga kesehatan aminna sangana melala persoalen.

Enda si perlu si perdiateken kita, aminna melala kal dahinnta tapi kesehatan tetap perlu ijaga, erkiteken arah kesehaten enda maka kita banci ngelakoken kai si isura-suraken kita.

Ayat 35

Cidahken kenca nggo si jaga kesehatennta perlu ka siendesken man Dibata, gelah arah enda sibereken man Dibata guna njagai dirinta

-          Aplikasi

Ibas bahan pjjnta enda situhunna tangkas uga kita selaku kalak erkiniteken guna tetap jaga kesehatan dirinta gelah arah enda kita cidahken pengataken bujurta man Dibata. Kesehatan tentu pemere Dibata, tapi tentuna Dibata pe ngarapken kita guna ikut muat bagin ibas kesehatannta sekalak-sekalak.