BIMBINGEN MAMRE TANGGAL 15 -21 OKTOBER 2017

BIMBINGEN MAMRE TANGGAL 15 -21 OKTOBER 2017

 THEMA : NDEHARANGKU DENGDENGENKU

 OGEN : Efesus 5 : 25-33

-          Penjelasen Teks

Kitab efesus tentu sieteh kerina eme tulisan rasul Paulus si itujuken man perpulungen I epesus guna jadi palas nandangi perpulungen i epesus ibas perdalanan kegeluhen erkinitekenna. Kitab enda secara garis besar labo itulis bagi kitab-kitab tulisan rasul paulus sideban si ipake guna jawab persoalen si lit i tengah-tengah perpulungen,

tapi kitab enda tuhu-tuhu salah sada bentuk keriahen ntah pe ucapan syukur Rasul Paulus erkiteken kiniteken perpulungen, emakana arah kitab enda ate Rasul Paulus gelah perpulungen Epesus reh paguh kinitekenna man Dibata.

Adi siperdiateken kitab enda kerinana lit dua hal besar si coba petangkas Rasul Paulus man perpulungen Epesus eme :

1.      Uga kita nggo i sampati Dibata arah kematenNa i kayu persilang

2.      Janah kai tanggung jawab erkiteken kita nggo itebusNa

Bagin pengogennta sendah eme nurikenca tanggung jawab kita selaku kalak si erkiniteken ibas kegeluhen khususna ibas jabu terkhusus ka tanggung jawab sekalak perbulangen nandangi ndehara.

1.      Keleng ate sekalak perbulangen nandangi ndehara arus bagi keleng ate Tuhan Yesus nandangi perpulungen.

Ertina jenda keleng ate e eme keleng ate si tuhu-tuhu si nggit berkorban. Konsep enda me si maun-maun la ipahami ibas konsep kekelengen, ija adi kin keleng ateta nandangi ndehara, ertina kita nggit berkorban nandangi ndeharannta, subuk pengorbanan pusuh bagepe waktu ras sidebanna.

2.      Keleng ate sekalak perbulangen nandangi ndeharana bagi keleng ate sekalak dilaki nandangi dirina.

Maksudna jenda tentu sieteh erkiteken ibas padannta guna manteki perjabun emekap “Kita lanai bo dua tapi sada” ertina ndehara nggo me jadi sada kesatuan ras perbulangen emakana uga cara perbulangen engkelengi dirina bage ka keleng atena nandangi ndeharana.

Dua hal si menarik adi siperdiateken tanggung jawab si bereken Rasul Paulus man perbulangen nandangi ndeharana. Emakana ula siakap jadi sekalak perbulangen enda menukah saja, lit tentuna tanggung jawab si arus idalankenna sebagai sada tanda keleng atena man ndeharana.

-          Aplikasi

Minggu enda kita bengket kubas minggu moria, tentuna sieteh moria ngerayaken ulang tahunna si pe 60-ken, erkiteken si e iarapken mamre ngasup guna jadiken ndeharana sebagai dengdengen ntah pe idola ntah pe kebanggan. Menarik situhunna bahasa dengdengenku enda. Adi si survey piga persen dilaki si mengidolakan ndeharana ? aturenna sekalak ndehara me idola terbesar sekalak perbulangen bage ka sebalikna erkiteken keleng ate si lit ibas perbulangen ras ndehara, enda la lit kuakap, enteremen perbulangen iakapna ndeharana enda “Nyonya” ibas kegeluhenna. Hal si enda me si maun-maun erbahanca la lit pengangkan mamre ras moria.

Ibas paksa enda iarapken gelah mamre nngit jadiken moria ras memang wajib eme idolana gelah arah enda kinirajan Dibata hadir itengah tengah jabu sekalak mamre ras moria.