BIMBINGEN PJJ TGL 07-14 OKTOBER 2017

BIMBINGEN PJJ TGL 07-14 OKTOBER 2017

THEMA:NIMBAK PERATEN DAGING

OGEN:Galati 5 : 16 - 21

 Pdt. Maria E br Sitepu

-          Penjelasen Teks

Tentu sieteh kitab Galati enda eme tulisan Rasul Paulus nandangi kalak Kristen i perpulungen galati si sangana ngenanami persoalan ntah pe bahasa gundari galau erkiteken 2 hal eme :

1.      Tuhu kin kiniteken man Yesus ngenca dalan datken keterkelinen?

2.      Banci kin adat istiadat ntah pe peraturan kalak yahudi banci nampati kita datken keterkelinen ibas Yesus ?

2 penungkunen si jadi perdebatan ibas paksa si e ibas perpulungen galati janah itambahi ka erkiteken lit kalak Yahudi si memaksa kalak Kristen guna tetap dalanken kewajiban kalak Yahudi (sunat ras sidebanna)

Emakana ibas bagin pengogennta enda, ituriken rasul Paulus man perpulungen galati :

1.      Kesah Si Badia min si negu-negu kegeluhenndu

Situhunna nggo me cukup tangkas man banta selaku kalak si erkiniteken sura-sura kesah min si negu perdalanen geluhta la banci lang, erkiteken

2.      Sura-sura kesah  erlawanan ras sura-sura manusia

Enda pe harus tangkas bas kita, adi siakuken kita nggo ngaloken Kesah si Badia arah Yesus Kristus emakana la banci sibereken sura-sura manusia ngkuasai kita aminna pe sitik ngenca.

3.      Sura-sura kesah enda datas undang-undang

Pernyataan enda situhunna mereken gambaran sedekah enda engkai maka melala undang-undang ibas kegeluhennta, erkiteken sadar ntah la sisadari kita la erdalan bagi sura-sura kesah, kita rusur mementingkan sura-sura kedagingannta bagi si lit ibas ayat 19-21.

4.      Kalak si la dalanken sura-sura kesah la datken bagin kinirajan Dibata

Enda tentuna nggo me tangkas, ja nge banci kita datken kinirajan Dibata adi kita pe la banci ertanggung jawab ibas keselamatan si nggo bereken Dibata man banta

-          Aplikasi

Nimbak peraten daging adi siukuri secara logika manusia tuhu mesera kin, erkiteken adi siperdiateken maun-maun sura-sura daging enda ntabeh idalanken. Tapi harus siinget :

1. Perayakennta labo terjeng doni enda saja tapi ibas doni simbaru si nggo padanken Dibata man kalak si dalanken sura-suraNa
2. Sura-sura daging adi siperdiateken situhunna cedai kegeluhennta ibas doni enda. Subuk kinitekennta bagepe kegeluhennta

Emakana selaku kalak si erkiniteken nggo me jadi sada kewajiban man banta guna nadingken sura-sura daging gelah arah enda keselamatan si nggo bereken Dibata man banta tetap jadi sekerajangennta gundari nari seh rasa lalap.