BIMBINGEN MORIA TANGGAL 15 -21 OKTOBER 2017

BIMBINGEN MORIA TANGGAL 15 -21 OKTOBER 2017

THEMA : MORIA JADI DENGDENGEN (IDOLA)

 OGEN : Kolose 4 : 5-6

-          Penjelasen Teks

Kitab kolose eme salah sada buah tan Rasul Paulus si tentuna itujuken man perpulunge Kolose aminna adi sioge Kolose 2:1, kemungkinan besar Rasul Paulus la pernah ku kolose tapi arah Epafras teman pendahinna si tading i Kolose Rasul Paulus metehsa uga perkembangan perpulungen i Kolose.

Salah sada tujun penulisan kitab enda erkiteken ibas paksa si e ibas kota kolose turah ajaran simbaru si atena gantiken inti ajaran kekristenan eme Tuhan Yesus jadi ajaran si icampurken arah tradisi ras piga-piga filsafat kafir. Emakana Rasul Paulus perlu iakapna nulis surat man perpulungen i kolose enda gelah jadi pergegeh bagepe gelah jadi persinget erkiteken ajaran-ajaran palsu si atena encedaken ajaran Kristus.

Adi siperdiateken bahan pengogenta ibas minggu enda, situhunna bahan enda labo ngerana erkiteken sikap sekalak ndehara, tapi bahan enda ngerana erkiteken sikap sekalak tuan nandangi budakna (ayat 1) ras pedah-pedah nandangi perpulungen Kolose eme :

1.      Tutus ibas ertoto (ayat 2)

Tentuna si inget nafas kalak si erkiniteken eme ertoto, emakana ula min sempat ertoto enda itadingken kita, gelah kita pe tetap ngasup tetap menjaga hubungennta ras Dibata janah arah enda kita ngasup guna rukur mehuli erkiteken kai pe si banci jadi kubas kegeluhennta erkiteken hubungennta si nggo deher ras Dibata

2.      Notoken serayan khususna Paulus (ayat 3 ras 4)

Hal enda situhunna cidahken kiniteruken ukur rasul Paulus si tetap mindo penampat man perpulungen ibas kiniseran si inanamina (ibas penjara paksana). Ertina hal enda ngatakenca aminna kita nggo kalak si erkiniteken ula min sempat torah kesombongan rohani ibas kegeluhennta enda.

3.      Pentar ibas perbahanen (ayat 5)

Tentuna ayat enda imaksudken nandangi perpulungen kolose adi ia berhadapan ras kalak si la erkiniteken man Dibata.

4.      Beluh melasken cakap (ayat 6)

Tentuna ibas paksa si enda kalak Kristen pasti jadi sorotan ibas perpulungen kolose, emakana tep-tep lagu langkahna jadi pengenehenen kalak, emakana iakap Rasul Paulus penting guna jagasa si e kerina gelah arah si e ngena ate kalak nandangi kita ras tentuna reh tangkasna pemahaman kalak si la metehsa erkiteken Tuhannta Yesus Kristus.

-          Aplikasi

Minggu enda kita bengket kubas minggu Moria si tentuna kita radu-radu metehsa morianta ngerayaken ulang tahunna sip e 60-ken, adi siidah bahan pa mamre ibas minggu enda eme “moria dengdengenku” janah tema moria “moria jadi dengdengen”, situhuna sederhana saja kita ngerana, adi mamre iajuk guna banci erbahanca moriana jadi idolana ntah pe kebanggaanna, emakana uga maka moria banci jadi idola. Tentuna ngerana masalah si e kita harus sadar bahwa idola e biasana banci jadi erkiteken lit sesuatu si banci i idolaken ibas sekalak ndehara. Rasul Paulus arah bahan enda nurikenca 2 hal si penting :

1. Perbahanen si pentar
2. Ras cakap si mehuli

Nggo me sidalanken kita enda selaku moria, adi lang ula min kita erpengarapen kita ate jadi idola mamrenta adi kita pe la nggit mpekena pribadinta sekalak-sekalak.