BIMBINGEN MAMRE TGL 07-14 OKTOBER 2017

BIMBINGEN MAMRE TGL 07-14 OKTOBER 2017

THEMA:MUAT BAGIN IBAS NATANG PERBELITEN MAMRE

OGEN:Perbahanen Rasul-Rasul 18 : 3; I Tesalonika 2 : 9-10

Pdt. Maria E br Sitepu

-          Penjelasen Teks

La banci ipungkiri ibas perdalanen gereja tentuna melala hal si ibutuhken guna ndukung kerina program si nggo irencanaken bas tahun si sangana berjalan gundari. Salah sada hal eme sen entah dukungan financial, si perlu iaturken guna banci kerina program  tapi ibas  situasi gundari ija perekonomian sangana kurang mehuli, emakana perlu alternative sideban si perlu sipikirken guna banci memaksimalkan kerina si lit ibas kita janah perlu ka si pikirken alternative sideban gelah banci lit sumber sideban selain arah perpulungen.

Emakana ibas bahan pengogennta sipemena ibas :

a.       Perbahanen Rasul-Rasul  18:3

Nuriken perdalanen Rasul Paulus ku kota korinti, erkiteken ibas paksa si e i kota korinti sangana tren kalak si erkhotbah alu gaya orator ntah pe si mereken keriahen labo mementingken kata Dibata si seh ku perpulungen, janah kalak enda kerina cakapken Rasul Paulus si la ngasup bagi kalak enda ngerana. Emakana Rasul Paulus reh guna nuriken ia kalak si la lit talenta ngerana si luar biasa, tapi hikmat Kesah Si Badia si mpengasup ia guna ngerana man enterem jelma erkiteken Kata Dibata enda.

Tapi adi siperdiateken bahannta enda, menarik kal, erkiteken icidahken kepeken sekalak Rasul Paulus si terkenal tetap ngelakoken pendahin sideban guna nampati dahin pelayanenna eme erbahan tenda.

Arah si enda situhunna berusaha ibas gereja labo masalah asal si e kerina guna nampati pelayanen janah labo gangue tugas utama guna ngelai ibas peken anggur Tuhan.

b.      1 Tesalonika 2 : 9-10

Kitab enda itulis nandangi perpulungen tesalonika si lenga bo ndekah ipanteki Rasul Paulus emakana surat enda itulis guna mpegegehi perpulungen tesalonika si sangana ibas paksa si e ngenanami perbeben si mesangat (penganiayaan) emakana ibas bagin enda ituriken rasul Paulus ketedehen atena, sura-surana nandangi perpulungen tesalonika. Khususna ibas bagin pengogennta uga rasul Paulus tuhu cidahken keleng atena nandangi perpulungen tesalonika, erkiteken iusahakenna gelah banci datken dana guna banci ndahi kalak Tesalonika gelah alu bage la nyusahi kalak Kristen I tesalonika.

-          Aplikasi

Gambaran 2 bagin Pustakannta enda sangat menarik adi sihubungken ras persoalen gundari ibas melala gereja, eme masalah financial, nggo me jadi sada kewajiban gereja menaken erdalan kuarah kemandirian ekonomi gelah gereja pe ngasup membiayai dirina ibas perdalanen pelayanan tanpa ngkurangi tujun gereja ibas doni enda. Emakana hal si enda banci ibenaken alu kategorial lebe khususna mamre gelah ngasup darami peluang-peluang si lit guna banci dukung pelayanan ibas pelayanan mamre alu la ngkurangi porsi pelayanan situhu-tuhuna.