BIMBINGEN PJJ Tgl 29 Oktobet-04November 2017

BIMBINGEN PJJ  Tgl 29 Oktobet-04November 2017

Thema : TUHAN MULAHI BANGSANA

Ogen: Matius 9 : 35-38

Pdt.Maria E br Sitepu

-          Penjelasen Teks

Adi siperdiateken bahan pengogennta ibas minggu enda kita la banci lepas arah bahan sope si enda khususna menaken ibas matius 5 seh kari ibas matius 9 enda, erkiteken arah si e kerina siidah kai maksud ntah pe sura-sura Tuhan Yesus reh ku doni enda eme :

1.      Mereken pengajaran –pengajaran man kalak si tentuna bagi pengajaran si iajarken Bapa man AnakNa. Enda banci siidah ibas matius 5 seh kari matius 7 erkiteken pengajaran Jesus datas uruk.

Emakana arah enda nggo me sieteh salah sada tugasta eme mereken pengajaran man kalak sideban erkiteken kai harus ilakokenna selaku kalak si nggeluh ibas doni enda nandangi kalak sideban.

2.      Mereken kemalemen man kalak subuk kemalemen ibas penakit bagepe ibas perbeben (matius 8-matius 9)

Hal si enda tentuna jadi tugasta selaku kalak Kristen si reh ku doni enda guna mereken kemalemen man kalak sideban.

3.      Meritaken berita si meriah man kalak

4.      Engkelengi kalak sideban

Enda me gambaran dahin Tuhan Yesus sanga ia nggeluh ibas doni enda, si tentuna jadi tanggung jawabta guna neruskenca, erkiteken padannta ndube guna ngikutken Yesus.

-          Aplikasi

Ibas minggu enda tema pjjnta eme “Tuhan Mulahi bangsana”, tentuna mulahi ibas :

1. Kebodohan
2. Pinakit
3. Kebiaren
4. Perbeben
5. Ras sidebanna kerina

Janah adi siidah ibas bahan pengogennta kerina enda ilakokenna erkiteken keleng ateNa nandangi kita kerina. Emakana adi nggo ipulahi Dibata kita arah si e tentuna kita harus pe neruskenca tugas enda man jelma si enterem gelah terang Tuhan ersinalsal ras teridah ibas kerina jelma ibas doni enda.