BIMBINGAN PEKAN KELUARGA WARI SIPEPITUKEN

BIMBINGAN PEKAN KELUARGA WARI SIPEPITUKEN

THEMA:DEWASA ERTIMBANG

Ogen : Ulangen 30 : 15 - 20

Khotbah : 1 Korinti 2 : 6 - 16

A.     PenjelasanTeks

-                            Ulangen30:15-20

Kita ulangen eme kitab si itulis nabi Musa nandangi Bangsa Israel si atena bengket ku bas tanah perpadanen. Bagi gelarna kita bulangen emakana

ibas kita benda musa ngulihi persingeti bangsa Israel erkiteken tugas ras tanggung jawabna selaku bangsa pilihan Dibata, erkiteken si eteh tanah si ate bengket kalak Israel eme tanah si nggo lit kalak ngianisa sedekah enda, janah kalak enda la nandai Dibata, kalak enda ersembah man dibata - dibata si deban, emakana musa ngingetken gelah bangsa Israel tetap njemak padanna guna patuh man Dibata saja si nggo mpedaratisa ibas tanah mesir nari.

Emakana bahannta sendah cidahken uga musa menegaskan kai harus ilakoken bangsa Israel sope bengket ia ku tanah perpadanen janah sope musai gantiken Josua :

1.       Milih kegeluhen simehuli

2.       Ngikutken undang - undang Tuhan

3.       Ngkelengi Tuhan

4.       Setialah man Tuhan

Gelah arahsi e bangsa Israel datken kegeluhen ibas tanah si nggo ipadanken Dibata man bana

-          1 Korinti2:6-16

Sieteh kerina kitab 1 korinti eme kitab si itulis rasul Paulus guna njawabsa persoalen siterjadi ibas perpulungen korinti ibas paksa si e. salah sada si jadi masalah eme perpecahan si jadi ibas perpulungen korinti si banci si idah ibas 1 Korinti 1:10-17, ija ibas paksa si e nggo teridah perpecahan ibas perpulungen korinti erkiteken si man usihenna. La banci ipungkiri persoalen simbelinna eme masalah Paulus ras Apolos, si eteh enterem kalak Korinti ngikutken Apolos erkiteken kebeluhen Apolos ibas ia ngerana, emakana ibas bahan pengogennta ituriken Paulus erkiteken kepentaren si reh ibas Dibata nari. Kepentaren si imaksudken Paulus labo kepentaren bagi ukur manusia, tapi tuhu - tuhu kepentaren si rehna ibas Dibata nari arah Kesah Si Badia si nggo iberekenna man banta. Salah sada contohna eme uga kita memahami maksud Yesus erkiteken engkelengi ras notokenca imbangnta, adi si ukuri alu mbages make kepintaran si lit ibas kita, maun - maun la kita ngasup guna ngangkasa si e kerina, tapi adi kepentaren Dibata si pake maka kerina banci si idah maksud ras tujunna.

B.      Aplikasi

Ibas wari si terakhir ibas pekan keluarga GBKP tahun 2017, kita iajuk guna dewasa ibas kita ertimbang. Nggo melala si eteh kita erkiteken kai si mehuli si ngena ate Dibata si harus ilakoken kita, tapi enda kerina mulih man banta sekalak - sekalak. Pilihanrusur lit ibas kegeluhen kerina jelma, tapi tentuna setiap pilihan lit pasti resikona, emakana iarapken kita ibas wari si sendah enda ngasup guna nimbang kai harus si ilakoken kita, gelah :

1.       Pilihan la ncedai kiniteken sedekahenda man Dibata

2.       Pilihan maba keterkelinen man kita kerina

Emakana kerina tergantung dirinta sekalak - sekalak apai si pilih e menentuken kegeluhennta gundari nari