BIMBINGAN PEKAN KELUARGA WARI SIPEENAMKEN

BIMBINGAN PEKAN KELUARGA WARI SIPEENAMKEN

THEMA:DEWASA ERNATAL

Ogen : Jesaya 61 : 1-2

Khotbah : Matius 2 :1-12

Pdt.Maria E br Sitepu

A.     Penjelasan Teks

-          Jesaya 61 : 1 - 2

Bagin pengogennta ibas paksa enda eme bagin ibas Trito Yesaya ntah bagin si peteluken ibas kitab nabi Jesaya, bagin enda nurikenca nubuat si ilakoken nabi Jesaya kenca pembuangan bangsa Israel ku tanah babel.

Tentuna si eteh uga situasi ras kondisi bangsa Israel kenca mulih ibas tanah pembuangan nari, idapetina bangunan - bangunan si nggo runtuh janah bangsa si endai la nda alu persoalan ekonomi, emakana bangsa Israel memerlukan semangat ntah pe pendorong guna ia ngasup bertahan ibas situasi si bagenda rupana.

Bagin pengogennta enda salah sada nubuat nabi Jesaya man Bangsa Israel ibas paksa si e, uga kerehenna maba:

1.       Maba berita si mehuli man kalak musil

2.       Pepalem kalak si getem pusuhna

3.       Meritaken kebebasan man kalak si tertaban

4.       Ngapuli kalak si er ate ceda

Enda dahin siilakoken nabi nandangi bangsa Israel ibas paksasi e janah si kerina i genapi ibas ketubuhen Yesus Kristus, erkiteken adi si inget ibas Lukas 4:18-19, salah sada bahan si iogeken Tuhan Yesus sangana ia ibas rumah Pertoton eme bahannta ibas wari si sendah enda eme Jesaya 61:1-3 emakana kedungenna ibas Lukas 4:21 nina Yesus “sendah nggo seh isi pustaka si badia si ibegindundai”. Matius2:1-12

Ibas bagin pengogennta si peduaken enda cidahken 3 tipe kalak si ersembah man Dibata eme :

1.       TipeHerodes

Adi si idahi bas bahan pengogennta, uga sekalak herodes megi erkiteken ketubuhen Tuhan Yesus Kristus

-          Sengget (ayat 3) hal si enda tentuna cidahken uga Raja Herodes erpengakap kerehen Tuhan Yesu sendah banci jadi saingan man bana.

-          Nggit metehsa, tapi la nggit dahi Tuhan Yesus si tubuh

2.       Tipe guru-guru agama Jahudi

Ibas bahan pengogennta, si idah guru agama Jahudi enda meteh erkiteken nubuat e, tapi ia la nggitdahisa.

3.       Tipe guru-guru i timur nari

-          DahinnaTuhanYesus aminna pe lenga itandaina

-          Babana Persembahan si terbaik man Dibata

-          Berkorban guna njumpai Dibata

-          Nembahia man Dibata (TuhanYesus)

B.      Aplikasi

Arah bahan pengogennta si pertama situhunna nggo me tangkas si eteh erti kerehen Tuhan Yesus ku doni enda, tapi persoalenna gundari melala denga kalak Kristen si la meteh ntah la nggit ngerayaken natal bagi kai siharus ilakokenna. Guru - guru i timur nari si tuhunna menyadarkan kita kalak Kristen, uga kalak si la nandai Tuhan riah ena kapna ngalo -ngalo kerehen Tuhan Yesus Kristus, padahal adi si ukuri lenga tehna ise sialo -alona tapi erkiteken nggo me dewasa kinitekenna emakana meriahkal ukurna guna ngalo - ngalo Tuhan Yesus.

Penungkunen gundari man kita, tipe si apai nge kita sedekah enda nandangi Ketubuhen Tuhannta Yesus Kristus, adi nggo sieteh ras lenga bagi seharusna, marilah si perbaharui gelah kita lebih dewasa ibas mperingeti ketubuhen TuhanntaYesus Kristus.