BIMBINGAN PEKAN KELUARGA WARI SIPELIMAKEN

BIMBINGAN PEKAN KELUARGA WARI SIPELIMAKEN

THEMA:DEWASA ER ADVENT

Ogen :Miha5 : 2-5a

Khotbah :Lukas1 : 38-45

Pdt Maria E br Sitepu

A.     PenjelasanTeks

-          Miha5:2-5a

Bahan enda eme bahan si nggo biasa i oge ken kita ibas paksa natal, terkhusus biasana adi natal kakr bagin pengogennta enda banci ikataken wajib, erkiteken bahannta enda biasana ikataken pengharapan me si anik sitermanifestasikan ibas ketubuhen Tuhannta Yesus Kristus.

Tapi guna lebih mpebage si pemahamannta erkiteken bahanenda, perlu lebe si pahami konteks kitab Miha enda.

Kitab Miha enda eme kitab sinuriken perbahanen si ilakoken Nabi Miha sanga ia ernubuat nandangi bangsa Israel ras bangsa Yehuda. Ibas paksa si melala terjadi ketidakadilan, penindasan, penyembahan man berhala ras kerina perbahanen si la ngena ate Tuhan janah adi si idah kai bas Kitab Miha enda bangsa Israel ras Yehuda sangana ibas pergolakan politikerkitekenseranganbangsaAsyur.

Hal si enda me si jadi dasar ibas bahan pengogennta enda, pengharapan nandangi pembebasan si ibereken Dibata man bangsa Israel (pengharapan me sianik) tapi tentuna si e kerina alu proses si arus ibentasi bangsa Israel. Hal si enda banci si idah ibas ayat 3, uga gambaran Dibata bagi diberu si mupus anakna, tentu si eteh uga adi diberu sisangana mehuli kulana ras mupus, melala penderitaan si bentasi natapi kedungenna iadatken keriahen ibas kerina penderitaan si inanamina.

Emakana kenca si e reh me penampat si janjikan Dibata arah Nabi Miha si :

1.       Ngerajai kerina bangsa alu gegeh ras kemuliaan Tuhan

2.       Mereken keriahen man kerina bangsa

3.       Maba dame man kerina bangsa.

-          Lukas1:38-45

Bagin pengogennta enda nuriken 2 hal :

1.       Sikap Maria nandangi padan Dibata man bana

Ibas ayat 38 ituriken uga maria ngaloken padan Dibata man bana, aminna pe si tuhuna adi si ukuri tuhu mberat e, erkiteken ia :

-          Lenga erjabu

-          Lenga pernah berhubungen badan ras ia

Emakana adi mehuli kulana pagi enda sada hal si mberat si mungkin terjadi ibas kegeluhen maria khususna ibas hubunganna ras masyarakat

2.       Dahin Silakoken maria sope padan Dibata reh ku bas kegeluhenna

Ibas bagin si peduaken bahan pengogennta enda eme ayat 39 - 45, ituriken dahin siilakoken maria kenca ietehna padan Dibata man bana, eme ernin Elisabeth diberu Sakaria si sangana si natang tuah. Emakana kenca ia reh, kerehenna maba dame ras keriahen man kerina jabu Sakariabageperasanaksisangana lit ibasbertin Elisabeth.

B.      Aplikasi

Advent eme masa nimai Kerehen Tuhannta Yesus Kristus. Sedekah enda enterem kalak makekenca masa advent enda guna erbahan persiapen - persiapen guna peringeten ketubuhen Tuhannta Yesus Kristus, tapi melala ka kalak Kristen si erpengakap persiapan enda terjeng fisik saja, misalna baju, roti, pohon natal ras sidebanna.Labo situhuna salah, tapi perlusiingetbahanpengogenntakhususnaibas Lukas 1:38-45, nurikenca persiapan si perlu kai ilakoken kita ibas masa advent enda :

1.       Persiapan diri

Si erjumpa ras Tuhannta Yesus pagi labo uis, roti ras sidebanna, tapi dirinta emakana perlu lit persiapan dirinta ibas masa advent enda alungen desken dirinta gelah iperbaharui Dibata

2.       Maba kedamen man kalak

Ibas masa advent enda salah sada hal si perlu ilakoken kita eme uga natal enda pe banci maba keriahen man jelma si enterem labo terjeng kita ngenca

Emakana kenca si e, perlu ka si sadari bahwa ibas advent enda banci ka terjadi persoalan -persoalan ibas kegeluhennta si mungkin banci erbahanca kita”ndabuh” tapi inget Miha 5 tangkas ngatakenca ibas kerina perbebenndu enda lit janji Dibata eme kerehen Raja simereken dame raskeriahen man banta.