BIMBINGEN PJJ Tgl 30 Oktober - 05 Novembet 2016

BIMBINGEN PJJ  Tgl 30 Oktober - 05 Novembet 2016

Thema : ERGAKEN ANAK JABUNDU

Bahan : II Samuel 13 : 1-22; Masmur 127:3

Pdt. Maria E br Sitepu

-          Penjelasen Teks

·         II Samuel 13:1-22

Cerita ibas bahan enda nuriken kisah sekalak Dilaki si tergelar Amnon[1] si sangana Nafsu[2] nandangi turangna Tamar[3] erkiteken kinijelen tamar enda (ayat 1). Janah adi siperdiateken ka tole bahan enda, erkiteken perasaan ndai, erbahanca Amnon pe seh sakit. Erkiteken rasa enda me ras saran ibas temanna nari, si tergelar Jonadap, emakana isusuna rencana gelah banci jumpa ras tamar (ayat 3-10).

Tentuna rencana si nggo isusun enda erdalan kerina alu mehuli. Daud pe selaku raja banci itokohi kalak enda janah kai sura-sura amnon nandangi tamar banci ilakokenna (ayat 11-14).

Tapi si ngeri adi siperdiateken bahan enda, siidah dung ilakoken hal si la mehuli nandangi turanga tamar, mis pelawesna tamar ndai lanai tempa-tempa lit harga tamar ndai nggo.

Janah erkiteken si e erbahanca hubungan perkade-kaden ceda ibahanna.

·         Masmur 127:3

Masmur enda eme masmur siibahan raja Salomo si cukup terkenal erkiteken hikmat. Adi sioge benaken ibas ayat 1 – 5, maka teridah masmur enda nuriken uga erbahanca gelah tuhu-tuhu jabu banci jadi jabu si ipasu-pasu Dibata.

Terkhusus ibas ayat 3, me rusur si begi pasu-pasu tiap jelma e berbeda, anak pe bage ia reh ku tengah jabu tentuna lit rencana Tuhan nandangi jabu enda, emakana nggo iaturken Dibata labo lit kebiaren-kebiaren nandangi kerehen anak enda, Cuma gundari bagi nina ayat 3 anak Tuhan si mereken jadi lit tanggung jawab kita guna jagasa ras kelengisa. Enda saja selebihna Tuhan pasti bekerja bas diri kita.

-          Aplikasi

Gambaran 2 pengogen enda situhunna mereken kita melala makna rikutken tema eme ergaken anak jabundu :

1.      Kai pe adi banci iarih-arihken (cakapken)

Adi siperdiateken bahan ibas Samuel ndai, teridah uga kemerhatan ntah pe nafsu amnon erbahanca ceda perkade-kaden, padahal adi menurut konteks ibas paksa sie adi ia turang lain nande e banci erjabu (beda memang ras gundari), ertina tiap ngelakoken sesuatu labo dirinta ngenca man ukurenken tapi kerina harus iukurken

2.      Jabu, Anak, ndehara, perbulangen, senina, rsdna kerina eme pemere Dibata

Ertina adi e pemere Dibata marilah sijaga ras siergakenlah, erkiteken e salah sada tanda kita ngataken bujur man Dibata ibas kerina si nggo berena man kita.

---

[1] Amnon eme anak si pemena ibas raja Daud nari, janah nandena eme Ahinoam, diberu Kalak Yizrel (bnd 2 Samuel 3:2, 2Kronika 3:1)

[2] Engkai maka ipake istilah nafsu ijenda labo ngena atena, erkiteken adi siperdiateken bahan pengogennta ayat 15, dung pedemina torah nembeh ate amnon enda nandangi Tamar, ertina e banci nuriken bahwa amnon situhunna labo ia keleng tapi nafsu. Dung nggo datna kai siisura-surakenna pelawesna tamar ndai.

[3] Tamar eme anak Diberu raja Daud ibas diberuna si tergelar maakah (Turang Absalom kal)