BIMBINGEN PERMATA Tgl 31 Oktober - 06 Oktober 2016

BIMBINGEN PERMATA Tgl 31 Oktober - 06 Oktober 2016

Thema : SEKS ITU INDAH DAN KUDUS

Bahan : 1 Korinti 6 : 12 – 20 

Pdt. Maria E br Sitepu

-          Penjelasen Teks

Korinti, eme kota si perkembangenna luar biasa. Benaken ibas  tahun 44 SM, kota korinti berkembang menjadi kota pelabuhan si luar biasa. Tapi ibas kerina perkembangen si luar biasa tentuna biasana i ikuti alu perkembangen si luar biasa ibas hal si la mehuli.

Enda terjadi ibas kota korinti, aminna secara pembangunan ras perekonomian maju ibas paksa sie, kepeken moralitas masyarakat khususna perpulungen Korinti labo meningkat janah cenderung menurun (bnd 1 Korinti 5:1-5). Hal sienda la si erbahanca Paulus nulis bagin enda ibas pasal 6:12-20. 

Janah siparahna ka tole ajaran-ajaren si sesat e merestui perbahanen si bage.

Emakana ibas bagin enda, :

1.      Rasul Paulus nuriken uga kin situhunna kemerdekaan Kristen

Kemerdekaan kalak Kristen eme kemerdekaan si bertanggung jawab. Kita banci ngelakoken kai pe tapi inget lit aturen-aturen Dibata si ngatursa kerina. Kita bebas ngelakoken kai pe asal ula bertentangan alu Kata Dibata.

2.      Rasul Paulus nuriken uga percabulan ibas pandangan Kristus

Ibas ayat 16 tangkas kal percabulan eme dosa si mberat erkiteken kita memutusken hubungennta ras kula Kristus (Peridin) guna ersada ras kula sekalak pelacur. Jadi silahkenlah dirindu alu perbahanen si la mehuli

3.      Rasul Paulus nuriken uga percabulan labo terjeng ncedai kulanta sebagai kula Kristus tapi ncedai kulanta selaku Rumah Pertoton Kesah sibadia.

Emakana marilah sijaga gelah ula kita ndabuh kubas perbahanen sib age, tapi adi memang nggo terjadi siakuken sie janah mindo maaf kita man Dibata.

-          Aplikasi

Seks itu kudus dan Indah, situhunna tema permata enda cukup tangkas.

1. Seks itu kudus ertina labo banci sembarangan ilakoken lit hal-hal harus ipahami ibas ngelakoken sie. Misalna ise, ras ise, Motivasi rsdna kerina. Janah harus ka iangka bahwa seks e labo dosa adi memang bagi kai si arusken ilakoken .
2. Seks itu indah. Adi memang indah, si mejilena min ilakoken ras kalak siakap berarti kal nandangi geluhta enda janah tuhu-tuhu ilakoken ibas aturen gelah keindahan seks e ula ternoda.

Permata sebagai rudang-rudang gereja tentuna perlu ibereken pemahaman masalah sie, erkiteken sedekah enda melala kalak erpengakap masalah seks eme masalah si tabu ntah mereha guna icakapken tapi ibas paksa si enda, permata situhunna banci berdiskusi masalah enda, gelah ula kita masuk kubas percuban enda. Erkiteken seks enda bagi narkoba sekali nggo kubas mesera siakap ndarat emakana adi banci min ula sempat permatanta ngelakoken si bage adi lenga seh waktuna.