BIMBINGEN PERMATA TGL 14-20 NOVEMBER 2016

BIMBINGEN PERMATA

TGL 14-20 NOVEMBER 2016

THEMA : BERSIAPLAH

BAHAN : Yohanes 1 : 29-34

Pdt. Maria E br Sitepu

-          Penjelasen Teks

Bagin pengogennta ibas paksa enda, nuriken kesaksin sekalak Yohanes Pembabtis nandangi Yesus Kristus. Ibas cerita enda, ituriken uga Yohanes tangtangna ernin Yesus nggo ietehna ise kin Yesus e padahal ibas cerita enda, lenga bo lit percakapen si terjadi antara Yohanes ras Yesus. Kai Kin kesaksin Yohanes enda :

1. Yesus me anak biri-biri Dibata si ngangkut dosa doni enda (ayat 29)

Ibas tradisi padan sindekah, Yesus eme anak domba si ikurbanken gelah darahna jadi kurban penghapus dosa.

2. Yohanes ngakuken dirina ia labo Mesias (bnd Yoh 1:20-23)
3. Yesus Mperidiken alu kesah (ayat 33

Yohanes jadi saksi eme Kesah Sibadia nusur ku babo takal Yesus bagi nderapati. Enda me tanda bahwa Yesus me Anak Dibata si peridiken manusia alu Kesah Sibadia. Yohanes ncidahken kelebihan Yesus asangken dirina. Peridin Kesah Sibadia lebih berkuasa asangken peridin alu lau.

4. Yohanes nuriken Yesus me anak Dibata (ayat 34)

-          Aplikasi

Bersiaplah enda me tema Permata ibas minggu enda. Adi ngerana kita masalah tema enda ikaitken ras bahan pengogennta, maka kata bersiap eme ncidahken ketutusen ate sekalak guna ngalo-ngalo kejadin ntah pe perintah si arus ilakokenna.

Ibas bahan enda, Yohanes nuriken uga sekalak Mesias nggo reh kudoni enda guna maba keterkelinen man kerina jelma, emakana Yohanes ngajuk kerina manusia guna sikap ngalo-ngalo kerehen Tuhan Yesus Kristus.

Permata selaku rudang itengah gereja situhuna eme harapen gereja kudepan. Hal sipertama si arus ilakoken Permata eme sikap guna nimai Tuhan Yesus Kristus (Mperingeti Advent ras natal). Tapi kecendrungen si terjadi adi si nin kinata kegeluhen permata, enterem permata sibuk ibas urusan pribadina ngenca. Adi isingetken masalah enda, cenderung acuh tak acuh. Hal si enda arus iperbaharui ibas permata, erkiteken ibas doni enda khususna ibas kegeluhen permata Tuhan Yesus eme hal si pentingna segelah kerina persoalan si reh kubas kegeluhen permata  banci ialo-alo alu mehuli erkiteken nggo iendesken dirina man Tuhan.

Emakana marilah siajuk permatanta guna ersikap ngalo-ngalo kerehen Tuhan Yesus sipeduakaliken segelah kita tuhu-tuhu dat keterkelinen. Uga carana :

1. Lagu Langkah
2. Pengerana
3. Perbahanen
4. Ras perukuren

Harus tetap ijaga ras tetap bagi kai si ajarken Tuhan Yesus man banta.