BIMBINGEN MAMRE Tgl 30 - 05 Oktober 2016

BIMBINGEN MAMRE Tgl 30  - 05 Oktober 2016

Thema:KELUARGA SI HARMONIS (MENEKEN BIAK KEKERASEN IBAS KELUARGA KRISTEN)

BAHAN : Kejadin 2 : 18 – 23 

Pdt. Maria E br Sitepu

-          Penjelasen Teks

Kitab Kejadian 2 enda khususna ayat 18-23 nuriken uga Tuhan nepa Hawa guna jadi teman nandangi adam.

Ibas cerita enda lit piga-piga rentetan peristiwa sope hawa ibahan Dibata :

1.      Sura-sura

Adi siperdiateken ayat 18 ije ituriken uga sura-sura Dibata nandangi manusia guna ula iakapna latih. Arah ayat enda situhunna kepeken harus sisadari kita iperjumpaken ibas jabu erkiteken Dibata nggit kita saling sisampat-sampaten gelah kita sadar labo situhunna kita ngasup sisada ibas doni enda

2.      Darami Dibata pasangan Adam

Ibas ayat 19-20 ituriken uga Dibata mulai erbahanca pasangan nandangi adam (perik ras rubia) tapi kepeken kerina sie labo banci jadi teman si cocok. Istilah cocok siipake ibas bagin enda situhunna menarik, erkiteken adi sipergermetken tentuna kai siibahan Dibata tentuna pasti mehuli tapi la cocok. Jadi cocok ras lang labo masalah mejile ntah lang tapi :

3.      Ibahan Dibata pasangan Adam

Ibas ayat 21-23, turiken je uga Dibata erbahanca pasangan si cocok nandangi Adam, eme pasangan si reh ibas dirina nari, ertina bagin si la terpisahkan.

-          Aplikasi

Emakana adi kita ngerana ibas bagin pengogenta bas Kejadin 18 ndai, situhunna melala ka makna si banci si angkat, eme :

1.      Sura-sura Dibata ibas perjabun kalak eme hal si mehuli.

Kuakap lalit bas pikiren Dibata ia ia mpersadaken sekalak Dilaki ras Diberu gelah sontar perjabunna. Tapi tentuna gelah keharmonisan jadi bagin ibas jabuna

2.      Labo Sembarangan kai si bereken Dibata nandangi Kita

Bagin si enda harus tuhu sisadari kal ibas diri perbulangen, ndehara ras anakta, erkiteken enda nuriken uga Dibata metehsa ise si cocok nandangi anakna. Jadi si lit bas kita gundari eme si terbaik

3.      Si lit bas kita eme si terbaik erkiteken ia ibahan bas kita nari ras guna kita.

Ibas kerina kekurangen kerina pasangan kita, tentuna pasti lit hal si cocok ras kita, la mungkin lalit.

Adi sikaitken ras tema, maka keharmonisa eme sada hal si wajib lit bas jabunta, erkiteken kita ras pasangennta tentuna pilihan Dibata guna ipersada, Cuma perlu ka siukuri, maun-maun aminna pe nggo ka Dibata ersura-sura, manusia pe erbahanca sura-surana ka, janah erkiteken si e, makana sura-sura Dibata si nggo mehuli nggo ceda ibahan sura-sura manusia ndai.

Emakana gelah ula lit kejadin si la siarapken i tengah jabunta perlu ka kita ngukuri kai sibahan kita sedekah enda sura-sura Tuhan ntah sura-sura Dibata gelah sisadari jabu si harmonis eme jabu sidalanken sura-sura Dibata.