BIMBINGEN KHOTBAH PEKAN KELUARGA WARI/BERNGI V

BIMBINGEN KHOTBAH PEKAN KELUARGA WARI/BERNGI V

JABU EME GEREJA SI PAGUH

Invocatio : Masmur 139 : 24

Ogen : Kejadin 6 : 1 – 12

Renungen : 2 Timotius 4 : 1 – 5 

Pdt. Maria E br Sitepu

-          Pengantar

Adi siinget nai, ibas sangana kita ibas persekolahan, pasti lit guru si ngajarisa kita, nungkun man banta, jadi kai kin atendu pagi ?, kuakap nai pasti melala si jawabsa dokter ntah insinyur, ntah guru, kuakap kurang si ersura-sura jadi pendeta (hanya cadaan). Tapi cerita enda labo ngajuk kita jadi pendeta, tapi cerita enda nggit ngingetken kita uga nai kita lit sura-surannta si lugu denga nandangi masa depannta.

Gundari si jadi penungkunenna bas kita, piga kalak nge kita, si jawabanna nai seri ras kai siidahikenna gundari ? kuakap melala meleset ibas kai siisura-suraken, engkai ?

1.      Nai melala denga kita la sieteh kai si belasken kita. Sibelasken kita nai erkiteken jadi kai sura-suranta ibas masa depan, tentuna erkiteken siidah rusur kai sibelasken e. contohna adi rusur si nin dokter maka ate jadi dokter rsdna kerina.

2.      Lalit perencanaan nandangi sura-sura e.

Melala ibas kita si gundari enda, la sadari kepeken engkai maka sura-sura simbarenda la banci tercapai. Enda masalahna labo terjeng masalah kepentaren ntah sen rsdna kerina tapi enda masalah perencanaan si perlu tasaken kita ibas sada sura-sura.

Kita lalap terjeng sura-sura lalit kemajunna. Emakana ula mamang ateta adi sura-suranta banci la terjadi. lalit kemerhaten situhu-tuhu. Erkiteken kemerhatan situhu-tuhu banci teridah arah perencanaan si ilakoken kita nandangi dirinta ntah pe sura-suranta.

Ibas bahan pengogennta sipeduaken eme :

-          2 Timotius 4 : 1-5

Surat enda eme surat pastoral sipeduaken si peseh Rasul Paulus nandangi rekan sekerjana eme timotius. Ibas 2 timotius enda, Rasul Paulus menulis surat enda, erkiteken ibas paksa sie sangana berkembang pengajaran sesat (gnostisisme). emakana iakap rasul Paulus perlu guna mereken pemahaman nandangi timotius erkiteken ajaran sesat enda. Janah selain si e, surat sipeduaken enda ertujun mereken nasihat man Timotius gelah setia ibas pelayanannya erkiteken ibas paksa si e, rasul Paulus ipenjara janah lanai ndekah iakapna ia iukum mati.

Ibas bagin pengogennta, enda nuriken uga rasul Paulus nuriken perentah guna kali siterakhir nandangi Timotius erkiteken lanai ndekah iakapna dirina nggeluh, emakana enda me kesempaten terakhir nandangi Paulus guna ngerana man Timotius, kai nina :

1.      Bagian sipertama sesuatu si banci reh, enda terbagi dua

Ibas ayat 1 Rasul Paulus nuriken uga Jesus Kristus reh denga pagi jadi hakim nandangi kalak si nggeluh ras singgo mate. Emakana kupindoken kal, hal sienda perlu sibereken sitik pemahaman lebih mbages, erkiteken pemakaian kata kal, ertina urgen, hal sienda perlu siinget. janah

Ibas ayat 3-4, Rasul Paulus nuriken ibas paksa nimai enda pe, banci jadi lit si la bagi ukur reh kubas kegeluhennta, eme :

-          Lanai ibegiken kalak pengajaran situhu-tuhu

-          Enterem kalak pagi megiken kai siakapna entabeh ngenca

2.      Bagian sepeduaken ngerana kai harus ilakoken :

Ibas ayat 2, tangkas kai harus silakoken ibas kita nimai kerehen Tuhan Yesus :

-          Pembarken Berita Simeriah

-          Katawari paksa pe Berita simeriah harus iberitaken

-          Cidahken ras persingeti adi kalak salah alu dem kesabaren.

Janah

Ibas ayat 5, nuriken uga siman lakoken adi sangana kita nimai kerehen TuhanYesus reh jelma bagi ayat 3-4 :

-          Ola bene ukurndu

-          Megenggeng

-          Dahikenlah dahin Berita Simeriah

-          Dalanken tanggung jabab.

Cerita enda situhunna nggambarken uga kita ibas kita ersura-sura ntah pe lit rencana makana perlu planning guna mencapai si e kerina. Ibas perdalanen mencapai si e pastina melala pasti tantangan tapi kita harus tetap ibas dalan si nggo iaturken gelah tuhu-tuhu kai rencana ntah pe sura-suranta enda banci jadi.

Tapi uga carana gelah kita ngasup bagi kai sikataken Rasul Paulus nandangi Timotius ?

Ibas 

-          Kejadin 6:1-12

Nuriken awal mula cerita air bah. Adi siperdiateken bas bahannta enda,

Ibas ayat 1-2 turiken lit gambaran anak Dibata ras anak diberu, adi menurut piga-piga tafsiran gambaran anak Dibata enda eme kalak erkiniteken janah anak diberu eme kalak si la erkiniteken. Janah ibas ayat 4 ikataken istilah kalak simbisa, enda pe nina piga-piga tafsiran menunjuk ku kalak pinangko ntah pe perampok, emakana ibas ayat 5 turiken Dibata kepeken lanai lit kalak benar (kecuali nuh) idoni enda perukurenna macik. Adi biasana kalak hatina ntah pe perukurenna si lanai jore, ertina nggo mesera kal man sadarenken. Emakana erkiteken si e me maka Dibata ersura-sura guna masapken manusia.

Tapi sope ilakoken Dibata hal sienda, kepeken nuah ras keluargana mehuli perbahanenan. Emakana ibas rencana Dibata enda guna masapken manusia ibas doni enda, nuah ras keluargana ngenca selamat.

Penungkunen gundari engkai ?

-          Aplikasi

Nuah eme manusia si luar biasa singasup tetap erbahan si mehuli, aminna melala bahkan labo melala ngenca tapi kerina isapih-sapihna erbahan jahat tapi la ia terpengaruh. Engkai ?

Sieteh kerina jabu eme pendidikan si pemena ibas kegeluhen sekalak manusia sope ia masuk kubas pergaulan si terbelinen asangken pergaulan ibas jabuna. Tapi ula kita lupa pendidikan ibas jabu enda seh kal pentingna. Erkiteken umur emas anak eme 1-5 tahun. Ibas periode enda anak sangana erlajar. Jadi adi datna pelajaran si mehuli banci ia jadi mehuli adi la datna pelajaren si la mehuli maka banci ia jadi la mehuli.

Emakana ibas tema pekan berngi sipelimaken enda, isingetken Dibata kita arah bahan enda, uga pentingna keluarga guna mendidik anak gelah ngasup tetap jadi lilin ibas gelah, ngasup guna ngatakenca lang adi lang, oe adi oe. Emakana labo salah adi ikataken ibas berngi enda “Jabu eme Gereja Si Paguh”.