PEKAN KELUARGA WARI/BERNGI III

 PEKAN KELUARGA WARI/BERNGI III

SELASA 22 N0VEMBER 2016

THEMA : NGIDAH TUHAN IBAS KEGELUHEN

Invocatio : Matius 5 : 1-2

Ogen : Titus 2 : 1 – 6

Renungen : Job 42 : 1 – 5

-          Pengantar

Adi lit penungkunen ibas dirinta sekalak-sekalak banci kin kita ernin ntah ngidah Dibata bagi kita ngidah temannta ibas kegeluhen si gundari enda ?

Adi kita erpalasken Pustaka si Badia misalna ibas Keluaren 33:23, ntah pe 1 Timotius 6:16, maka situhunna seh ngasa gundari lanai lit manusia banci ngidah Tuhan alu langsung ibas kegeluhen erkiteken ibas keluaren 33:20 tangkas ikataken bahwa lanai lit kalak banci nggeluh adi nin Dibata,

emakana adi aku erpengakap labo Dibatasi la nggit ncidahken dirina man kita, tapi erkiteken kita la ngasup ras erkiteken keleng ate Dibata nandangi kita. Emakana lit istilah si biasa ipake guna hal si e eme Theofani (Perwujudan kemuliaan Allah).

Ibas bahan khotbahta ibas berngi si peteluken enda pe,

-          Job 42 : 1-5

Nuriken uga kesadaran job nandangi penungkunen sedekah enda nandangi Dibata. adi siinget uga kegeluhen Job sedekah enda, tentuna sieteh uga Job mulai kehilangan :

1.      Materi/Kekayaanna

2.      Temanna

3.      Anakna

4.      Ndeharana nadingken ia

5.      Datken pinakit

Tentuna hal sienda erbahanca Job nungkun man Dibata “Engkai”. Adi siidah bas Pustakanya khususna ibas kita Job enda kurang lebih 11 kali job nungkun man Dibata engkai maka enda banci terjadi ibas job, engkai maka Job harus lit ibas doni enda, seh ku penungkunen Engkai maka Kam(Dibata) jadiken aku sebagai sasaran kiniseran enda ras penungkunen-penungkunen sideban. Tentuna hal si enda la banci lepas uga situhunna biak ntah pe sikap job sedekah enda sope kejadin enda nderpa kegeluhen. Sieteh kerina job eme kalak si mbiar nandangi Dibata janah labo terjeng ia ngenca tapi seisi jabuna nembah man Dibata. jadi nggo cukup tangkas engkai maka muncul penungkunen job enda.

Tapi simenarik kal, kai si isungkun Job labo ijawab bagi kai si penungkunen job man Dibata, tapi mulihken Dibata nungkun man Job (Job 38-41).

Janah aminna pe labo bagi sura-sura siarapken Job nandangi jawab ibas Dibata nari, tapi ibas bahan pengogennta enda labo ia kecewa erkiteken engkai maka kerina si e terjadi ibas ia, tapi job mulai meteruk ukurna (ayat 2 ras 6) janah Job lanai rukur erkiteken hal si terjadi bas ia tapi ia nggo mulai sadar uga luar biasana kuasa Dibata. janah adi siperdiateken Job 42:7-17, Job ipulihken ibas kerina persoalenna bahkan Dibata mereken dua kali lipat asangken si kerajangen Job mbarenda. Hal si enda terjadi erkiteken kiniteruken ukur Job.

Gundari penungkunen man kita siidah kin Dibata?

Melala kalak bertengkar masalah lit Dibata enda ntah lang, adi lit kai buktina, kai penampatna nandangi jelma rsd kerina. Gundari lanai perlu kita bagi Job sitahanen erkiteken eksistensi Allah ibas doni enda, si perluna gundari sadar kita Dibata e si mada kuasa. Melala ibas kita keri waktu ras tenaga guna ndarami jawaban penungkunennta ndai, kepeken sibutuhken kita gundari tek ras yakin Dibata lit bas tengah kegeluhennta. Kai buktina ?

Ibas sekolah mbarenda kuinget kal, Dibata ncidahken dirina ibas 2 penyataan :

1.      Penyataan Khusus (Kata Dibata)

2.      Penyataan Umum (Tinepana)

Jadi situhunna guna ngidah Dibata kita perlu bagi bahannta ibas :

-          Titus 2:1-6

Surat enda eme surat pastoral nandangi Titus si sangana meritaken berita si meriah i pulau Kreta (1:5). Ibas paksa sie, lit terjadi kekacauan ras melala kalak penipu (1:11), emakana rasul Paulus ngerana man titus gelah aminna pe melala persoalan ntah pe perbananen si la mehuli ibas tengah-tengah perpulungen, perpulungen harus tetap ngasup guna cidahken kemulian Dibata i tengah-tengah kegeluhenna. Uga carana :

1.      Man Dilaki si enggo metua

-          Jore min ukurna

-          Mehuli lagu langkahna

-          Ngasup ngkuasai dirina

-          Erkeleng ate

-          Megenggeng

2.      Man diberu si nggo metua

-          Bersih lagu langkahna

-          La percikurak

-          La peminem-minem

-          Arus ngajarken si mehuli

3.      Man Diberu singuda denga

-          Keleng atena perbulangen ras anakna

-          Ngasup ia ngkuasai dirina

-          Nggeluh badia

-          Beluh ngaturken jabuna

-          Patuh man perbulangen

4.      Man anak perana

-          Ngasup ngkuasai diri

-          Arus jadi usihen ibas kai pe

-          Tutus ate

-          Ergiah-giahlah ibas ngajari kalak.

Enda me pengarapen Rasul Paulus nandangi Titus gelah ipesehna man perpulungen i kreta.

-          Aplikasi

Arah 2 bahan enda, situhunna nggo cukup tangkas adi sikaitken ras tema, uga ngidah Dibata ibas kegeluhennta. Sederhana kal, ban perbahanen si mehuli enda me penyataan Dibata nandangi manusia. Erkiteken adi sibahan perbahanen si mehuli, terang kemuliaan Dibata e ersinalsal ibas kita, emakana teridah Tuhan erdahin ibas geluhta. Enda lang, sikataken dirinta Kristen tapi selaku pengikut Kristus la sicidahken uga Dibata erdahin ibas kita. Emakana wajar adi kalak nungkun apai ntah ja Dibatandu? Erkiteken kalak si tutus erDibata ugapape perbahanen, pengerana ras kerinana cidahken kemulian Dibata.