BIMBINGEN KHOTBAH PEKAN KELUARGA WARI/BERNGI VII

BIMBINGEN KHOTBAH PEKAN KELUARGA WARI/BERNGI VII

NATAL SITUHU_TUHU

Invocatio : Johanes 3 : 16

Ogen : Sakaria 9 : 9 – 10

Renungen : Lukas 1 : 67 – 71

-          Pengantar

Kurang lebih enam wari kita nggo ngikuti pekan keluarga, janah enda me pekan keluarga berngi/wari si terakhir ibas tahun 2016 enda, ibas kita menaken enda, kita ibaba guna memahami uga erti kegeluhen enda, janah ibas wari-wari selanjutna kita ibaba ka guna ngangkai kai sura-sura Dibata bagepe perintah Dibata nandangi kegeluhennta khususna kegeluhen jabunta. Emakana ibas wari/berngi enda, temanta ngerana masalah natal tapi labo natal (nakan tambah lomok-lomok) tapi natal situhu-tuhu.

Engkai maka ikataken natal situhu-tuhu ?

Apakah sedekah enda natal labo natal situhu-tuhu ?

Kuakap guna jawabsa penungkunen enda marilah lebe sicek pemahamannta erkiteken natal enda.

1.      Sirayaken kita ibas natal, warina ntah spirit natal enda ?

2.      Natal sipahami kita sedekah enda uga ?

3.      Natal enda situhunna man ise ?

Sope si jawab penungkunen enda mari sinin lebe bahannta ibas berngi enda eme

-          Sakaria 9 : 9-10

Ibas bahan enda, ituriken uga nubuaten erkiteken kerehen sekalak Raja si nampati Bangsa Israel guna pulah ibas persoalen sisangana nderpa bangsa enda.

Kitab enda eme kitab siitulis ibas zaman bangsa Israel mulih ibas masa pembuangan i babel. Sangana ia mulih kukutana idapetina, rumah pertoton nggo runtuh kerina janah bangsa enda erpadan guna bangun mulihken rumah pertoton Dibata enda.

Tapi labo terjeng e saja persoalenna, bangsa Israel  nggo latih iakapna erkiteken perang si nggo ndekah si terjadi  ibas yahudi ras samaria. Emakana ibas kinilatihenna enda, sakaria reh guna mereken pengarapen erkiteken raja si nandangi reh.uga kin kerehen raja enda :

-          Raja eme si ndahi kita. Ertina labo lit cara sipake guna mempercepat waktu kerehen Raja e, erkiteken e kerina inisiatifna.

-          Biakna eme adil, maba keterkelinen ras meteruk ukurna.

3 hal enda tentu sada kesempurnaan ibas diri sekalak pemimpin

-           Tugasna guna mperdameken bangsa-bangsa.

enda ia gambaran raja si reh kutengah-tengah kegeluhen bangsa Israel. Jadi memang raja enda eme raja si timai bangsa Israel guna maba keselamaten man bangsana.

-          Lukas 1:67-71

Cerita enda nuriken uga sakaria erkiteken keriahen anakna Yohanes nggo tubuh, janah nggo ka ia ngasup ngerana muji-muji Tuhan luar biasa. Tentuna enda sada hal bentuk ucapan syukur singejapken imam sakaria ibas paksa sie. Tapi adi rikutken temannta ibas berngi enda, kepeken siidah ibas bahan enda, sope ketubuhen Jesus Kristus, lit ka kejadin si terjadi eme ketubuhen Yohanes peridiken. Ertina banci kataken ibas natal enda, labo terjeng natal saja kita muji ras mpermuliaken Dibata, tapi sope si e, kenca si e kita harus tetap muji Dibata erkiteken kuasana si mbelin singgo nampati kita.

-          Aplikasi

Natal situhu-tuhu eme ngerana masalah spirit natal dalam diri Yesus, lalit salahna kita ngerayaken natal bagi sigundari tapi persoalenna, marilah siperdiateken :

1.      Natal enda cerminken kesederhanaan Yesus

2.      Natal enda siikuti alu keriahen raspusuh si erpengendes man Tuhan saja

3.      Natal enda tuhu nge labo terjeng man kita si ngerayaken tapi man kerina kalak ngejapkenca.

Adi kerina enda banci sidalanken emaka natalta ibas tahun enda eme banci jadi salah sada natal terbaik ibas geluhta erkiteken spirit Tuhan si jadilabo spirit manusia guna ngerayaken natal enda. Selamat mengikuti LPS Dibata simasu-masu kita kerina.