BIMBINGEN MAMRE Tgl 06 : 12 November 2016

BIMBINGEN MAMRE Tgl 06 : 12 November 2016

Thema: NGGELUH SEHAT ARAH MAKEKEN PERUKUREN KRISTUS

Bahan : Johanes 5 : 1 – 9 

Pdt. Maria E br Sitepu

Lit 2 jenis pinakit eme: pinakit fisik (ibas daging kula), pinakit psikis (jiwa)

-          Penjelasen Teks

Bagin pustaka enda, nuriken perjumpaan Yesus ras sekalak si nggo ndekah penakiten (38 tahun, ayat 5) ibas kolam betesda. Adi siperdiateken secara sepintas maka siidah si pinakiten si iceritaken ibas bahan enda (enggo 38 thn pinakiten) mengalami sakit secara fisik enda

teridah ibas ayat 7. Tapi kepeken terbagesen adi sipergermetken  penungkunen Yesus ibas ayat 6 njelasken maka kepeken labo terjeng kula na si sakit tapi lebih asa si e, perukurenna pe sakit/ jiwana.

Kisah enda nuriken kerna pengakap jelma masa si e kerna kolam betesda si banci mpepalem kalak si pinakiten alu syarat kalak si pemena kel bengket ku bas kolam sangana kolam e erburak maka e nge si malem ibas pinakitna. Ndekah ertima kemungkinan maka si sakit 38 tahun enda tempa la ndatken kesempaten bengket ku kolam erkiteken kekurangenna. Emaka torah me  tempa perasaan kekecewaan nandanggi kalak si deban, banci saja nandangi kalak sakit si deban bagepe nandangi jelma si sehat. Emaka kula si sakit e ibarengi ras pikiren si sakit erbahanca ia lalap la malem. Rasa putus asa pe meblin ibas pusuhna si erbahanca la lit perkembangen nandangi pinakitna. Tapi kenca Yesus ngerana minter malem pinakitna, sebab rasa kecewana erkiteken la iperdiateken enggo salih alu semangat erkiteken Jesus enggo mperdiateken ia.   

-          Aplikasi

Adi siperdiateken bahan enda, belin kepe ngaruh pikiren nandangi kesehaten kulanta. Kalak si rusur berpikiren negative nandangi kalak si deban, si rususr kecewa nandangi kalak si deban mesera kel banci malem ibas pinakitna sebab konsentrasi pikirenna enggo dekahen ngukur ngukuri ukur ras perbahanen kalak asangken ngukurken cara mpepalem dirina. Selaku kalak si erkiniteken tentu kerina kita merhat nggeluh sehat, erlajar kita arah kalak si pinakiten enda, maka kepeken adi sakit kita siutamana kel kepe labo terjeng tambar/ obat si ikonsumsi tapi lebih asa si e perukuren Kristus s idem alu pikiren positif pe harus nge lit ibas pribadinta. Perukuren si la mementingken diri sendiri. Bagepe ibas ngalaken kalak si sakit tentuna erlajar kita arah Kristus emekap harus kita mereken perukuren Kristus man bana dingen pe ngajari ia makeken perukuren Kristus segelah ia pe ersehatna.