BIMBINGEN PERMATA Tgl 07 - 13 November 2016

BIMBINGEN PERMATA Tgl 07 - 13 November 2016

Thema :HIDUPLAH DALAM KEKUDUSAN

Bahan : 1 Tesalonika 4 : 1

Pdt. Maria E br Sitepu

-          Penjelasen Teks

Kitab enda itulis rasul Paulus nandangi perpulungen i tesalonika. Terkhusus ibas bagin enda, adi siidah sejarah ibas paksa sie, memang teridah lanai tempa-tempa padan perjabun i jaga, perceraian terjadi ijapape ibas kota tesalonika enda.

Bahkan kehidupan erlua-lua nggo jadi gaya hidup nandangi perpulungen i Tesalonika. Emakana bagi rasul Paulus e cedaken kebadian kalak Tesalonika selaku perpulungen Kristen sisangana nimai kerehen Tuhan Yesus si peduakaliken. Emakana kebadiaan situriken rasul Paulus jenda erkaiten ras kerehen Yesus si peduakaliken. Gelah perpulungen Tesalonika njaga kebadiaan seh kari Yesus reh sipeduakaliken.

-          Aplikasi

Gambaran sidatas ndai situhunna banci mereken cerminan nandangi permata uga pentingan njaga kebadiaan dirinta subuk ibas lagu langkah, perukuren ras pengerana.

Njaga sipahami kita jenda pe harus ka siinget gelah ula sempat kebobolan, erkiteken melala kalak lanai ia ngasup guna njaga kebadiaan dirina erkiteken berena sikit kesempaten nandangi iblis guna masuk kubas pusuh peratenta. Emakana ula si bere waktu ntah pe kesempaten nandangi kebiasaan, ntah pe godaan guna nadingken kebadiaannta.

Ibas tanggal 1 Desember kita ngerayaken peringetenHAri HIV-AIDS sedunia.

Sieteh kerina gundari pinakit si ngasa gundari lalit tambarna eme HIV-AIDS, pinakit enda adi sipahami situhunna mesukah gelah ula langket bas kita, erkiteken pinakit enda kena kukita ibenaken alu kegutulen. Jadi adi kita ngasup guna njaga kebadiaannta maka kemungkinan kita kena kitik.

Tapi enda ka persoalanna, njagai sesuatu si mehuli e latih asangken njagai si la mehuli. Erkiteken sieteh gundari tawaran bas doni enda seh kal mbuena si banci cedai kebadiaannta.

Tapi situhunna enda mulih kukita. Nggit kin kita njagai dirinta ras kebadiaannta seh kari Yesus reh sipeduakaliken.