BIMBINGEN KHOTBAH 15 JANUARI 2017

BIMBINGEN KHOTBAH 15 JANUARI 2017

MINGGU EPHIPANIAS II

THEMA:KITA IPILIH JADI TERANG MAN BANGSA-BANGSA

Invocatio : II Timotius 1 : 1

Ogen : I Korinti 1 : 1 – 9

Khotbah : Jesaya 49 : 1 – 7

Pdt. Maria E br Sitepu

-          Pengantar

Minggu enda eme minggu si peteluken ibas tahun 2017 enda, tentuna sieteh melala hal si menarik si terjadi ibas 3 minggu enda, tapi sadar ntah la sadar, tema kita ibas 3 minggu enda, tuhu-tuhu cerminken pergumulen kalak Kristen ibas bangsanta gundari enda, ibas minggu si lewat kita ngerana uga Yesus eme anak Kekelengen Dibata. Tentu sieteh bahan si lewat banci sipake guna mpegegehi perpulungen guna ngartikenca posisi Yesus sebagai anak Allah. Janah ibas minggu enda, kita ngerana masalah keterpilihen.

Adi ngerana kita masalah keterpilihen, tentuna sieteh adi gelarna terpilih, ertina kita je pasif, lalit hal sierbahanca kita banci jadi pilihan, tapi sie kerina otoritas Tuhan. Tuhan si mutuskenca kita terpilih ntah lang. tapi perlu ka siinget, keterpilihen enda labo sada kinihagan, tapi keterpilihen enda mpeturah tanggung jawab bas kita selaku bangsa si terpilih. Jadi keterpilihen labo erbahanca kita datken kebahagiaan saja, tapi kemungkinen kita banci datken kiniseran. Bagi sialemi kita ibas paksa si enda, ija aminna kita bangsa si pilihen Tuhan, tapi melala ka kalak si la tek bagepe cian ernin kita, padahal adi siukuri kai siibahan kita ibas kita bangsa si terpilih eme guna mabasa kerina kalak ku dalan keselamaten ngenca. Tapi si e pe kalak la tek. Bageka adi siidah ibas bahan khotbahta sendah ibas :

-          Jesaya 49 : 1-7

Bahan enda, nuriken kiniseran si nanami kalak Israel selaku kalak siipilih Dibata guna jadi terang man bangsa-bangsa sideban (ayat 4), tapi aminna pe bage bas bagin selanjutna turiken Tuhan man bangsa Israel :

1. Kita adalah umat Pilihan Allah

Enda siarus lebe kita tek. Eme kita umat Pilihan Dibata, adi sie kita tek, makana kai pe si lit ibas dalan kegeluhennta lanai kita mbiar. Cuma persoalan gel-gel e, sikataken dirinta eme Pilihan Dibata, tapi adi iperhadapken ras persoalen lanai kita ngasup guna ngatasisa

2. Adi Gelarna Pilihan Allah pasti Dibata nggo berekenNa bekal ras ikawaliNa kita katawari paksa pe.

Melala kita lanai si pake senjata sorgawi kita ibas dalanken kegeluhen kita enda. Kai e ? tentuna kekelengen. Melala kita make kebeluhennta ngenca, emakana labo singgejap Dibata kawalina kita.

3. Pilihan tentuna memiliki Tanggung jawab. Tanggung jawabta eme jadi terang man bangsa-bangsa.

Istilah pilihan ibereken man kita tentuna gelah lit tugas ras tanggung jawabnta. Jadi terang man bangsa-bangsa ntah pe sekelewetta eme tugas ras tanggung jawabta. Adi nggit kita nggejapken kita eme bangsa Pilihan makana jadilah terang man bangsa-bangsa sideban

Emakana ibas bahan ogennta,

-          I Korinti 1 : 1-9

Bagin enda terbagi ibas 2 hal :

1. Ayat 1-4, uga Rasul Paulus nuriken ise ia bagepe man ise surat enda
2. Ayat 5-9, nuriken uga cara kita ngataken bujur ibas keterpilihen kita.

Bagin enda, cidahken :

-          Ibas keterpilihen enda kita tetap harus ngataken bujur, erkiteken enda labo kebeluhennta.

-          Ngataken Bujur ibas kerina situasi

Maksudna jenda, aminna melala kalak la er ate ngena nandangi kita, tapi kita harus tetap ngasup ngataken bujur.

-          Ngataken bujur harus ilakoken aminna la bagi sura-suranta

Kepeken aminna pe melala karunia si bereken Dibata nandangi perpulungen i Korinti, tapi labo bagi kai seharusna.

-          Aplikasi

Emakana ibas paksa enda ipersingeti kita selaku bangsa terpilih, kita harus tetap jadi terang. Aminna si man terangenken la bagi sura-suranta. Janah ibas si e kerina kita harus ngasup tetap ngataken bujur man Tuhan erkiteken keterpilihen kita enda eme pilihen Dibata. Jadi Dibata nggit kita jadi bagin ibas dahin simbelin si nggo aturkenNa nandangi doni enda.