BIMBINGEN KHOTBAH PEKAN BERNGI SIPEEMPATKEN

BIMBINGEN KHOTBAH PEKAN BERNGI SIPEEMPATKEN

THEMA:ARON DIBATA SI MUAT BAGIN IBAS JABU RAS SANGKEP NGGELUH

Invocatio : Kejadin 7 : 1

Ogen : Kejadin 19 : 12 – 22

Khotbah : Masmur 128 : 1-6 

Pdt. Maria E br Sitepu 

-          Pengantar

Ibas kegeluhennta selaku kalak erkiniteken, tentuna kita la banci lang iperhadapken ras 4 subjek bas geluh enda, eme :

1.      Dirinta

2.      Jabu

3.      Gereja

4.      Masyarakat bangsa ras Negara

Melala siidah, adi nggo erpadan kita guna muat bagin ibas dahin Dibata, lit si rusur si terlewatkan ibas 4 bagin enda, contoh :

1.      Dirinta

Adi enda kuakap jarang kalak lah. Biasana si ieteh kami, adi kalak atena ersura-sura guna jadi aron Dibata, maka dirina lah lebe siipekena, erkiteken labo mungkin kita mereken motivasi man kalak tapi kita la termotivasi erkiteken sie, emakana jarang kal kuidah. Tapi enda labo menutup kemungkinen, erkiteken enterem kal kalak kuidah ibas pelayananna ku jabu, gereja ras masyarakat luar biasa, tapi ibas dirina labo. Contohna tetap ia minem ras sidebanna, jadi me sea-sea me kata keleng ndai, erkiteken ia pe la kelengna dirina.

2.      Keluarga ntah pe jabu ras kerina sangkep nggeluh

Enda si rusur teridah, khususna nandangi jabu serayan Tuhan ntah pe aron Dibata, la terperdiatekenna nari keluargana ntah pe jabuna bagepe ku kerina sangkep nggeluhna erkiteken nggo iakapna sibuksa ia. Padahal adi kita ngerana masalah jadi aron Dibata, situhuna kerina harus sikap sibahan, erkiteken bagi bernginta si peduaken uga kita ngerana motivasinta. Jadi adi memang tuhu-tuhu motivasinta guna jadi aron Dibata, totalitas e seh kal perluna.

3.      Gereja

4.      Masyarakat bangsa ras Negara

2 bahan enda kuakap lit baginna ibas berngi sipepagi ibas pekannta enda.

Emakana fokusta uga kita ipersingeti ibas kita jadi aron Dibata si erteologi secara mandiri, keluarga eme penting, ula ka kita lupa erkiteken nggo tutus kita erlajar guna mberitaken kabar keselamaten man kalak tapi jabunta ras kade-kadenta lanai si perdiateken bahkan si mekelekna lanai pernah begina pengajaren erkiteken Kata Dibata arah kita. Emakana ibas bahan :

-          Kejadin 19 : 12-22

Nuriken percakapan Lut ras malaikat Tuhan, erkiteken sura-sura Dibata guna ngkernepken kuta Sodom ras Gomora (bnd kejadin 18 : 16-33).

Ibas ayat 12, ituriken uga malaikat ndai ngerana man lut gelah katakenna man kade-kadenna gelah ndarat kuta enda nari gelah ula sempat ia mate erkiteken rencana Dibata nandangi kuta Sodom dan Gomora. Janah kai silakoken luar biasa kal, erkiteken ietehna uga pentingna erti jabu enda, emakana katakenna man calon kelana berita si e, aminna pe iakap calon kela lut enda guro-guro ngenca, tapi arah sienda banci si pahami kepeken lut enda keleng atena kerina keluargana.

Biasana enterem ka kalak adi dat berita si bage atena dirina ngenca iukurina, tapi labo bage kepe perbahanen lut.

Emakana ibas kita nggo ngendesken diri kita man Tuhan selaku Aron Dibata, banlah jabu ras keluarganta jadi bagin ibas dahinnta enda, erkiteken ibas 

-          Masmur 128 : 1-6

Pemasmur nuriken uga Tuhan masu-masu jabu ras kerina keluarga sierkemalangen man baNa. Adi siperdiateken, ikataken pemasmur jenda :

1. Ipanna ulih latihna, ertina kai sidahikenna kerina datken hasil
2. Ndeharana bali ras anggur si meramis buahna, ertina enda diberuna mereken kesegaran ras kebahagiaan
3. Anak-anak jadi anak si mehamat ras pehaga gelar kedua orang tuana.

-          Aplikasi

emakana  arah 2 hal sienda, engkai maka kita mbiar erbahanca jabu ras keluarganta jadi keluarga si erkemalangen man Tuhan. Inget jabu eme sura-sura Dibata nandangi kita, ertina tentu lit sura-sura si mehuli nandangi jabunta, gundari tergantung kita, nggit kin kita maba jabunta kudalan Dibata. Gelah padan bagi sikataken pemazmur ndai jadi sikerajangennta.