BIMBINGEN KHOTBAH PEKAN BERNGI SIPEDUAKEN

BIMBINGEN KHOTBAH PEKAN BERNGI SIPEDUAKEN

THEMA:NANDAI DIBATA ND(Berteologi; Mengajar untuk melakukan)

ALANKEN SURA-SURANA

Invocatio : Matius 7 : 17

Ogen : 2 Raja-raja 4 : 8 – 17

Khotbah : Matius 7 : 21-23

                    Pdt. Maria E br Sitepu

-      Pengantar

Bas geluh enda, tentu kerina manusia la banci lang erbahan sura-sura nandangi kegeluhenna. Labo mesera memahami sura-sura manusia enda, biasana ngerana masalah :

1.                      Kebayaken

2.                      Pendahin

3.                      Jabu

4.                      Sekolah

5.                      Rsdna

Si tentu ngerana masalah masa depan manusia e, gelah datken kenyamanan ibas geluhna.

Tapi adi kita ngerana masalah sura-sura Tuhan ntah pe Dibata, enda si jadi persoalen, erkiteken maun-maun memahami ntah pen ngangkaisa sura-sura Dibata e cukup mesera, akap kami perlu ukur si meciho guna ngangkasa sura-sura Dibata enda. Apalagi adi misalna ibas geluhta sekalak-sekalak labo keriahen si rusur reh tapi keliahen tentu jadi penungkunen man kita kai kin sura-sura Dibata nandangi geluhta enda.

Emakana ibas berngi sipeduaken kita ngerana erkiteken kita selaku bangsa sikeranjangen Dibata si nggo nandai Ia nai-nai nari la banci lang ndalanken sura-suraNa.

Uga kin sura-surana

Ibas bahannta sendah, khususna

-      Matius 7 : 21-23

Bagin enda termasuk ibas pengajaran Yesus idas uruk. Ija jenda Yesus nuriken kata persinget man kalak gelah metenget nandangi nabi-nabi perguak (ayat 15). Emakana situhunna tangkas man kita kepeken aminna pe mungkin radu kalak Kristen kita, pasti lit kalak Kristen si la ndalanken sura-sura Dibata (Invocationta).

Uga kin sura-sura Dibata enda ?

Adi siperdiateken ibas ayat 21 ras 22, iturikenna je labo kepeken :

1.                      Si rusur ngelebuh Dibata si banci bengket ku kinirajan Dibata

2.                      Ernubuat ia ibas gelar Tuhan

3.                      Pelawesna kuasa-kuasa gelap ibas gelar Tuhan

4.                      Ibahanna tanda-tanda sengget

Si jadi sada jaminan kita banci bengket ku kinirajan Dibata, tapi perbahanen si ngena ate Bapaku si banci bengket ku kinirajan sorga nina Tuhan Yesus.

Tentu pemahaman si enda adi siukur-ukuri erbahanca reh melimberna kita ngukurisa, erkiteken aturanna ibas siidah 4 hal si lakoken kalak erkiniteken la kin ngena ate Dibata ntah pe la kin e sura-sura Dibata nandangi kita selaku kalak si tek dingen nandai Ia ?

Ibas bahan ogennta

-      2 Raja-raja 4 : 8-17

Nuriken cerita sekalak Diberu Sunem si nampati pendahin pelayanan nabi Elisa ibas paksa si e, kai silakokenna :

1.                       Katawari pe adi nabi Elisa ku sunem, rumah diberu enda me si jadi ingan tading nabi Elisa. Janah labo terjeng ingan tading ngenca tapi nabi elisa pe man ije. (ayat 8)

2.                       Pesikapna ingan (kamar) man nabi Elisa ras kerina perabotanna ibas gelah nyaman iakapna nabi Elisa

Situhunna jenda si menarik, adi siperdiateken ayat 9, kerina silakoken diberu e, palasna ia tek man Elisa. E ngenca lalit sideban.

Janah adi siperdiateken ka tole bagin enda, kepeken ate nabi Elisa mbalas perbahanen diberu e, tapi ibas ayat 13b, uga diberu enda ngaloi cakap suruh-suruhen nabi Elisa ndai.

Emakana adi kita ngerana erkiteken diberu sunem enda ras kai situhunna sura-sura Dibata enda si man dalanenken kita erkiteken kita nggo nandai Dibata,  

-      Aplikasi

Dalanken sura-sura Dibata enda adi aku erpengakap masalah motivasi.

Maksudna bagenda, labo lit salahna si lakoken kai sikataken ibas bahan khotbahta sendah ibas matius 7 khususna ayat 22 ndai, tapi inget masalahna eme motivasi.

Diberu sunem ngajari kita kepeken :

1.                       Motivasi guna nampati

Melala kita ngelakoken si ngena ate DIbata guna keuntungennta ngenca.

2.                       Labo erpilihen

Diberu sunem ngajari kita, adi memang ate nampati kalak, sampatilah ula ernin latar belakang, wajah, suku, etnis, agama rsdna

Emakana ibas berngi ntah pe wari sisendah ipersingeti kita arah tema, adi kita nggo nandai Dibata ndalankenlah sura-suraNA. Sura-sura si uga, sura-sura si rusur katakenna man kita eme nampati ras si keleng-kelengen ras sidebanna alu pusuh si bersih lalit tendensi ntah pe kepentingan.