BIMBINGEN
KHOTBAH PEKAN BERNGI SIPEMENA
THEMA:NANDAI
DIBATA MUAT BAGIN IBAS DAHINNA
(“Berteologi
: Belajar untuk Melakukan)
Invocatio
: 2 Korinti 8 : 4
Ogen
: Ulangen 29 : 10 – 15
Khotbah
: Matius 28 : 20; II Korinti 8 : 1 – 15
Pdt. Maria E br Sitepu
-
Pengantar
Wari/berngi
enda eme berngi sipemena kita ngikutken pekan penatalayanan ibas tahun 2017.
Tentuna pekan enda imaksudken guna mpetangkas kai situhunna tujun GBKP ibas
tahun 2017 enda, tapi si enda labo ka ngatakenca tema ibas tahun si lewat nggo
terlupaken, tapi kerinana ikolaborasi ibas dirinta selaku kalak si erkiniteken,
gelah kinitekennta enda reh kuhna.
Tahun
2017 tentuna sieteh kerina eme tahun Self learning ntah pe belajar mandiri.
Self learning enda situhunna lanai asing ibas kita kalak karo, erkiteken si
eteh bahwa enterem kalak karo terutama si tading ibas tanah perantauan nggo
dalanken istilah self learning enda cuma adi bas kalak karo biasana istilah
siipake eme ajar bancina. Jadi memang tuhu-tuhu lanai asing. Cuma gundari kita
ngerana masalah self learning enda guna pemahaman teologi. Hal si enda
itekanken situhunna labo guna mpenahang dahin serayan ibas mereken pemahaman
teologi nandangi perpulungen. Tapi ngajuk uga perpulungen gelah lit inisiatifna
guna erlajar sisada masalah teologi enda. Erkiteken biasana adi kalak lit
sura-surana guna erlajar, kai sipelajarina e mesera ilupakenna. Jadi perlu ibas
tahun enda kerina perpulungen muat bagin ibas temanta enda.
Emakana
guna mereken pemahaman awal nandangi temanta ibas tahun enda, maka berngi enda
kita pe ipersinget uga caranta nandai Dibata sedekah enda.
Ibas
bahan ogenta
-
Ulangen
29 : 10-15
Sue ras gelar kitabna eme ulangen,
emakana kitab enda berisiken ulangan padan-padan si nggo ibereken Dibata
nandangi bangsana (Israel). Bagin enda pe ngerana erkiteken Dibata ngelakoken
perpadanen mulihi ras bangsa Israel (bnd Keluaren 24:7-8), tapi adi
siperdiateken bahan enda mpebelang perpadanen sedekah enda si berlaku nandangi
keluarga ngenca, tapi ibas bagin enda Dibata mpebelang seh ku kerina sinusur si
langa tubuh pe (ayat 14-15).
Emakana ibas bahan enda, tangkas uga
kita nggo jadi bangsa si kerajangen Dibata. Tentuna adi jadi bangsa Dibata kita
la banci lang harus nandai Dibata. Cuma persoalan gundari si perlu si pahami
nandangi dirinta selaku bangsa sikerajangen Dibata.
Ibas
-
Matius
28 : 20; II Korinti 8 : 1 – 15
-
Matius
28:20
Bagin enda nuriken tentang perintah
agung Tuhan Yesus (amanat agung) nandangi ajar-ajarna sope ia nangkih kusurga.
Khususna bagin enda ituriken Yesus uga kita harus mereken pengajaran man kalak
bagi kai si nggo ajarken Tuhan Yesus man kita. Tentuna salah sada eme ibas :
-
II
Korinti 8 : 1-15
Bagin enda nuriken pengarapen Rasul
Paulus nandangi perpulungen i korinti gelah sampatina perpulungen Yerusalem si
sangana kekurangan (bnd 9:1). Tapi si menarikna ibas cara siipake rasul Paulus
guna ngajuk perpulungen korinti guna mereken penampatna nandangi perpulungen
Yerusalem :
-
Ernin
Teladan arah Perpulungen Makedonia
1. Ibas persoalan si mesangat pe si lit
bas ia, tetap ia ngasup guna mereken penampat
2. Ukurna si ersuruh guna nampati
perpulungen Yerusalem
-
Motivasi
ibas mere enda
1. Labo erkiteken perentah
2. Pengataken bujurta man Tuhan
erkiteken kiniulinna
3. Setialah sampai akhir
4. Ergiah-giah min ukurndu
5. Mereken alu kai si lit ibas kita
Gambaran enda me si cidahken uga
tanggung jawab perpulungen korinti selaku kalak si tek ras nandai Tuhan Yesus
nandangi sekelewetna.
-
Aplikasi
melala kita memahami adi nggo si
tandai Tuhan Yesus nggo dung, tapi ibas paksa enda ipersingeti kita kepeken
nandai TUhan Yesus labo seh je saja ngenca tapi kepeken perlu icidahken buah
arah nggitna kita ngikutken dahin Tuhan si nggo ampekenNa man banta.
Bahan ibas wari si sendah persingeti
kita :
- Kita me bangsa Dibata, sikeranjangen Dibata. La banci pungkir, tapi
- Kita harus erlajar arah perpulungen makedonia guna nampati temanna
- Muat bagin bas dahin Dibata enda labo situhuna mesera kal, siibutuhken kita gundari Cuma kiningiten, selebihna endesken man Dibata gelah ia mereken dalan ibas nggitna kita muat bagin ibas dahinna.
Dibata metehsa kai kelebihen ras
kekurangennta, emakana labo mungkin bere dahin si la mungkin si dalanken.
Emakana marilah sicidahken dirinta selaku anak Dibata arah nggita kita muat
bagin ibas dahin Tuhan. Pedauh kebiaren ibas kam perban nina Tuhan ibas matius
28:20 “Dibata tetap ras kita seh kedungen zaman”.
Tidak ada komentar:
Posting Komentar