BIMBINGEN KHOTBAH PEKAN BERNGI SIPEENEMKEN

BIMBINGEN KHOTBAH PEKAN BERNGI SIPEENEMKEN

THEMA:ARON DIBATA SI MUAT BAGIN IBAS MASYARAKAT, BANGSA RAS NEGARA

Invocatio : Jeremia 29:7

Ogen : Matius 5:13-16

Khotbah : 1 Petrus 2:11-17

Pdt. Maria E br Sitepu 

Jadi kalak pertandang tentu labo hal siiharapkan ibas kegeluhen, riahen nge siakap I kuta nta, sikapen siakap ikutanta, emaka taneh melayu end ape kita lalap siinget nanam nanam tasak telu. Kita pe I taneh perantauan enda,

adi sungkun ibas pusuhta sekalak sekalak tentu labo sada perayaken kel man banta nai maka kita ku jenda, bahkan mbue erkiteken persoalan ibas kuta si memaksa kita harus ndalani kegeluhen I taneh perantauan, ntah na pe erkiteken pendahin.

Kepeken kegeluhen manusia pe bage ibas doni enda, Petrus ngatakensa ibas bahanta, maka manusia kepeken tandang ras mengongsi nge ku doni enda. Ertina labo kepeken kita berasal ibas doni nari, labo kepe doni enda kuta kemulihenta. Manusia hanya tinggal sementara I tengah doni enda. Ibas tading si kentisik enda, selaku aron Dibata kita ipersingeti kerna kai si harus ibahan kita ibas geluh si kentisik I doni enda. 

-          Ola ngikutken kininggiten daging.

Sebab situhuna manusia si tek man Dibata emekap sikerajangen Dibata, janah rausna pe cara perukurenna bali ras Dibata aminna pe ia tading ibas doni enda. La erkiteken tading I doni erbahansa sura sura manusia jahat bagi sura sura doni. Manusia harus ngasup berpendirian tetap/ punya prinsip geluh selaku aron Tuhan.

-          Ayat 12, mehuli lah lagu langkahndu. Perbahanen is mehuli aminna pe nggeluh I sekitar kalak si la nandai Dibata ntah pe kalak si la meteh perbahanen mehuli. Aron Dibata la banci ijangkiti sikap si la mehuli amninna pe nggeluh ras kalak si la meteh mehuli.

-          Ayat 13, Palas ibas kepatuhen man pemerintah emekap erkiteken kepatuhen man Dibata. Si erbahanca aron Dibata tetap lebih patuh man Dibata asangken kai pe si lit I doni enda. Ncidahken kehamaten ras kepatuhen nandangi pemimpin si bujur ras adil.

-          Nggeluh bebas I doni tapi tetap nginget identitasdiri selaku budak Dibata, si tetap patuh man Tuanna emekap Dibata.

Janah kerina enda irangkum Petrus ibas ayat 17, selaku aron Dibata maka manusia harus ncidahken jati dirina selaku gambaren siigambarken ibas matius 5:13-16,  jadi sira ras terang man doni enda emekap man manusia/ universal, teman sada kiniteken/ radu kalak pertandang, man Dibata, janah pe man pemerintahen doni enda.

Segelah arah geluhta selaku kalak pertandang I doni enda, itandai kalak me kepala kutanta emekap Dibata, janah arah perbahanenta 1 petrus 2: 12 ras matius 5:16 ikatakenna maka kalak kerina muji gelar Dibata.

Kita me jadi mascot kinirajan surga I doni enda, adina sicidahken tuhu tuhu dirinta selaku aron Dibata, gia nggeluh I doni la bagi ni surga, melala gia siidah kesusahen doni si ngerintak kita guna erbahan kejahaten, guna menghalalkan segala cara tapi kita tetap ngasup erbahan simehuli singena ate Tuhan. Enda me terang situhu tuhu, ngasup tampil berbeda I tengah doni s idem alu dosa ras kejahaten tapi anak Dibata tetap ngasup nggeluh benar erkiteken Tuhan.