BIMBINGEN KHOTBAH 30 OKTOBER 2016

BIMBINGEN KHOTBAH 30 OKTOBER 2016

MINGGU Panti ASuhen GElora KAsih,PPOS

ras YKPC ALPHA OMEGA GBKP

THEMA : ERDIAKONIA ALU PAYO

Invocatio : Lukas 14 : 13

Ogen : Jakup 1 : 23 – 27

Renungen : Ulangen 24 : 17 – 22 

Pdt. Maria E br Sitepu

-          Pengantar

Holman hunt eme salah sada pelukis gambar Kristus gambar si igambarkenna cidahken uga Tuhan Yesus sangana tedis ras nuktuk pintu salah sada rumah. Kenca dung gambar ndai, ndilo hunt teman-temanna sideban guna ernin ras komentari kai siakapna la pas ibas gambar si nggo dungina ndai.

Kerina teman-temanna ernin gambar enda alu megermet guna ndarami kai si salah ntah si kurang pas ibas gambar ndai. Tapi la sada pe ibas kalak ndai banci datken kai si kurang ibas gambar ndai.

Tapi rempete lit sekalak temanna si baru dengah reh jumpai kesalahen ibas gambar ndai, nina bagenda :

“Pak Hunt, ibas gambarndu enda, kuidah lit sada kesalahen, ija kam lupa nggambarken gagang pembuka pintu ntah pe kunci pintu rumah ndai”

Janah ngaloi hunt ndai nina :

“Nak, adi Kristus nuktuk pintu rumahndu, pintu e bas nari ngenca banci tertalangi”.

Diakonia eme salah sada ibas tritugas panggilan gereja si ngusahakenca guna mengejawantahkan pengajaren si lit bas gereja gelah banci kerina kalak nggejapkenca kerehen gereja ibas doni enda.

Adi siperdiateken sejarah diakonia, melala terjadi perubahan ibas sejarah diakonia enda, benaken ibas :

1.      Diakonia karitatif

Diakonia enda berkaiten ras pemere alu sukarela jadi banci kataken model diakonia enda model langsung ku sasaren. Lit kalak melihe mis bereken roti

2.      Diakonia Reformatif

Model enda fokusna ku pembangunan, ntah banci kataken pelayanan si mendewasakan.

3.      Diakonia Transformatif

Model diakonia enda banci kataken bersifat komprehensif, erkiteken labo masalah beltek si ipikirken tapi kerina nggo ipikirkenna. Jadi kerina aspek isampati ibas model si sada enda.

Enda me jenis diakonia si lit bas gerejanta, si biasa rusur sipake, tapi kuakap labo kal perlu kita ndekah bas kai jenis diakonia si man paken, tapi si paling penting bagi cerita sindai eme, Diakonia  si payo eme diakonia si turah ibas pusuhta nari la perlu kalak sideban ngajuk-ngajuksa ntah erkiteken enda tugas panggilan gereja maka silakoken, tapi diakonia siilakoken kita adi banci tuhu-tuhu turah erkiteken kita nggit nalangi pusuh peratenta guna nampati kalak.

Emakana adi siperdiateken bahan pengogennta sipemena

-          Jakup 1 : 23-27.

Bagin enda nuriken uga Jakup ernin lit kepeken 2 tipe kalak si megi kata Dibata :

1. Ayat 23-24

Jelma ibas bagin si e, begina Kata Dibata enda, tapi sijadi persoalen, kata Dibata enda ipakena guna mpekena dirina ngenca janah dung. Lalit kelanjutenna.

2. Ayat 25

Jelma ibas bagin enda begina kata Dibata janah ipakena ibas kegeluhenna. Ntah pe banci kataken terus seh ku kegeluhenna.

Tapi ipersinget ka selanjutna, tanda kalak si nggo eragama ras si nggo dalankenca, eme :

1. Jagana dillahna.

Salah sada bagin tubuh manusia si mesera kal ngatukenca ras banci erbahanca dosa nandangi dirinta eme dillah, emakana jakup erpengarapen gelah perpulungen Kristen ngasup guna njagai dillahna.

2. Jaga tetap kebadiannta (komitmen)
3. Bagin enda seri ras pengogenn khotbahta

-          Ulangen 24 : 17-22

Musa ngerana man bangsa Israel si sangana ersikap guna ngiani tanah si nggo ipadanken Dibata man nini-ninina.

3. Kelengi :

-          Anak melumang

-          Diberu mbalu-mbalu

-          Kalak pertandang

Alu cara :

-          Ola Rampas hakna

-          Ola buat barangna

-          Tadingken hasil ranindu man 3 jenis kalak si bage.

Hal si enda ibahan musa gelah :

1. Rasa kemanusiaan kalak Israel
2. Nginget uga ia mbarenda

-          Aplikasi

Emakana rikutken tema ibas minggu enda eme “Erdiakonia alu Payo”

Memahami arti payo ibas berdiakonia, tentuna melala standar si lit bas kita, bagenda min model jelmana si man bereken, bagenda min kegeluhenna gelah si sampati. Tentuna standar lit bas kerina kita.

Tapi adi siperdiateken bas bahan enda, bahan enda ngatakenca 3 jenis kalak si man sampaten. Ertina :

1. Gambaran 3 kalak enda, situhunna ngatakenca, kalak si butuh penampat, jadi labo terjeng 3 enda, tapi adi nggo ia man sampaten, ertina gereja harus turut andil ibas si e.
2. Nampati enda labo erkiteken perentah tapi erkiteken pengataken bujur ibas kai si nggo bereken Dibata.

Jadi minggu enda isingetken man kerina anggota ngawan ni perpulungen nggo kita erdiakonia ibas geluhta, nggo kin payo diakonia siilakoken kita enda, adi lenga marilah silakoken si e, erkiteken enda me salah sada cara kita ngataken bujur man Tuhan erkiteken lias ateNa sedekah enda nandangi kegeluhenta sekalak-sekalak.