BIMBINGEN MORIA 9 - 15 Oktober 2016

BIMBINGEN MORIA

KULA GUNA NGELAI TUHAN

Nats : Pengerana 12 : 1-8 Johanes 9 : 4

Pdt. Maria E br Sitepu

-          Penjelasan Teks

Pengerana eme salah sada kitab si ngerana erkiteken tradisi hikmat si lit ibas bangsa Israel ibas paksa si e. ibas bahan pengogenta end ape, penulis kitah pengerana nuriken uga keadaan kita pagi adi nggo metua. Emakana bahan enda iawali alu kata persinget nandangi manusia adi nguda denga ntah pe ngasup denga kita ingetlah Dibata. (ayat 1)

Ertina jenda, adi rikutken tema pa moria, maka kula adi banci ipake guna ngelai Tuhan. Ibas ngelai enda ula min erkiteken nggo “sisa-sisana” maka nggit ipake ngelai tapi ibas paksa megegeh denga ipakena min, erkiteken ngelai Tuhan harus optimal ntah pe bereken si terbaik. Masa nguda adi siukuri eme masa emas ibas kehidupan manusia, tapi ibas masa emas enda me Dibata terlupakan. Ayat 1 ngatakenca ula min, engkai

1.      Ayat 2 nggambarken uga matanta adi nggo metua

2.      Ayat 3 nggambarken tan-tan ras nahe si lanai megegeh, bageka masalah ipen si nggo lanai megegeh ras mata si lanai terang ngidah

3.      Ayat 4 nggambarken pemegi si nggo kurang

4.      Ayat 5 nggambarken kinilangasupen erdalan ndauh ras lanai lit nafsu makan

5.      Ayat 6 nggambarken manusia si nggo lanai erguna

6.      Ayat 7 nggambarken ketedehan ate penulis kitab enda bas kegeluhen si rasa lalap

7.      Ayat 8 itutup alu kesadaran kepeken kesea-sean.

Jadi banci siidah uga gambaren si cidahken penulis pengerana erkiteken masa tua sekalak jelma.

Ibas bagin sipeduaken pe pengogennta, nuriken kata Yesus nandangi ajar-ajarna, gelah adi sangana terang wari dahikenlah kai siisuruhNa, erkiteken adi nggo nggelap lanai kita ngasup erdahin.

-          Aplikasi

Emakana ibas minggu enda moria ngerana uga carana memaksimalkan potensi hidup bagin sipeduaken eme jasmani.

La banci ipungkiri guna datken jasmani si sehat tentuna la bagi balikkan telapak tannta enda. Kerina e perlu persiapan kerina perlu pengorbanen ras sidebanna. Tapi harus siinget persiapan ras pengorbanan enda la banci sia-sia erkiteken banci sinikmati ibas wari-wari kegeluhennta.

Melala kalak ibas umur 40 nggo ka Kolesterol, Jantung rsdna. Tentuna hal si e erkiteken lanai ia njagai dirina ibas hal-hal si banci ncedai dirina jine. Emakana ibas paksa enda, 2 bahannta enda mpersingeti kita  :

1.      Jagalah daging kulanta enda

2.      Bagi tema pakelah kulanta guna ngelai Tuhan

melala kalak salah pengertin ibas si e. pengakap kalak adi nggo metua aturen nggeluhna ipake guna deher ras Dibata. Jadi adi nguda denga lang ?

inget deher ras Dibata enda, labo masalah muda ras tua, kerina manusia selaku tinepa Dibata harus mereken dirina guna ngelai Tuhan.