BIMBINGEN PJJ 9 - 15 Oktober 2016

BIMBINGEN PJJ

ERBINTUAS MAKEKEN WARI-WARI

Nats : Kuan-Kuanen 28 : 19-22

Pdt Maria E br Sitepu

-          Penjelasen Teks

Kitab kuan-kuanen tentu sieteh kerina eme kitab si isina ngerana masalah hikmat si iajarken guru hikmat (kemungkinan besar nabi Salomo) nandangi ajar-ajarna. Ibas kuan-kuanen 28 enda, secara khusus adi siperdiateken benaken mulai ibas ayat 1, situhunna melala ngerana uga pentingna sekalak jelma taat nandangi undang-undang. Ula erkiteken materi maka undang-undang banci iputar balikkan. Selain si e, penulis kitab salomo pe ngatakenca, labo ka kalak bayak si banci mutar balikan undang-undang, tapi kalak musil pe banci erbahan curang ibas undang-undang e.

Ibas bahan pengogennta secara terkhusus ibas ayat 19-22, ituriken

1.      Kepeken labo masalah lit ntah lang tapi uga si lit enda ipake alu pas ras payo (Ayat 19).

Maksudna jenda, aminna pe kita sekalak perjuma ntah pe lit jumanta labo jadi sada jaminan maka kegeluhennta banci tercukupi, tapi arah kita ngasup erbintuas nandangi si lit bas kita maka kita terbiasi ibas nakan ras kai si perluken kita.

2.      Nanam hasil latihta kepeken erkaiten arah proses ibas kita datkenca hasil e (ayat 20-22)

Melala kalak erpengakap hasil si mejile berkaiten ras kuantitas ntah pe jumlah, tapi kepeken aminna pe jumlah melala, tapi cara si pake la mehuli maka kerina hasil si e la banci sinanami. Emakana ula kita rusur bicara kuantitas tapi perlu ka siinget kualitasna.

-          Aplikasi

Tep-tep jelma ibas doni enda ibereken Dibata kerina waktu si seri (1 tahun : 365 hari, 1 bulan 30-31 wari, rsdna kerina) pokokna seri kerina lalit si beda. Tapi adi sinin bas kegeluhen aminna seri si bereken Dibata, tapi beda ka posisi nggeluh, lit jadi kalak bayak ntah pe kalak lit, lit ka jadi kalak musil. Situhunna ja kesalahenna ?

Adi siidah temanta, tangkas kal si jadi masalah, uga kita memahami ras gunakenca waktu sibereken Dibata. Melala kalak waktu sibereken Dibata ipegunakenna guna medem ntah pe bersenang-senang saja. La ingetna wari sipepagi jadi ia nggeluh tempah guna wari si sendah saja. Kai si datkenna pagi e sipakekena. Lit ka kalak si berusaha mati-matian guna memenuhi kebutuhan nggeluhna. seh lanai ingetna waktu.

Tapi inget waktu sibereken Dibata e pasti lit maksudna. Pasti cukup man kita guna datken kai si perlu guna kita tetap nggeluh begepe guna beristirahat rsdna. Tapi maun-maun kita la beluh memanage si e kerina, emakana siakap kurang ndekah waktu ntah wari-wari e. emakana ibas paksa enda ipersingeti kita guna erbintuas makeken wari-wari enda, gelah ula bagi istilah Indonesia “tiba masa, tiba akal”. Kehidupan lit telu bagin :

1.      Masa lalu

2.      Sekarang

3.      Depan

Teluna enda erkaiten, masa depan bergantung ibas kai silakoken kita ibas masa mbarenda ras gundari.