BIMBINGEN PJJ Tgl 23-29 Oktober 2016

BIMBINGEN PJJ  Tgl 23-29 Oktober 2016

 Thema : GEREJA RAS DIAKONIA

Matius 25 : 31 – 46

                                                               Pdt. Maria E br Sitepu

-          Penjelasen Teks

Bagin enda nuriken kejadin si terjadi ibas wari pendungi.

Ija adi siperdiateken ibas ayat 31-33, ituriken je uga Yesus reh ras malekat-malekat janah ipeserapna manusia sekalak-sekalak, sada arah kemuhen, sada arah kawes.

Arah kemuhen enda eme gambaren kalak si tek man Dibata, janah si arah kawes eme kalak si la tek nandangi Dibata.

Janah ibas bagin selanjutna ituriken Yesus uga situhunna perlakuan siarus ilakoken manusia nandangi Yesus gelah banci ngaloken kinirajan si nggo isikapken Dibata man banta eme :

1.      Asum melihe Dibata iberena nakan

2.      Asum muas Dibata iberena minem

3.      Asum tandang Dibata idilo guna kesilang kurumah

4.      Asum manjang-anjang Dibata iuisi

5.      Asum sakit ras asum bas penjara Dibata sidahi

Situhunna gambaran enda eme 5 hal si menjadi kebutuhan pokok ibas manusia. Emakana banci kataken kerina ras silakoken kita e berkaitan ras kelangsungan hidup.

Janah ibas bagin selanjutna ka ituriken Tuhan Yesus ise kin situhunna si man sampaten enda adi sieteh Dibata pe ngasup guna ncukupi si e kerina.

Kepeken nina Dibata kai silakokenndu nandangi kalak si musil enda,  eme situhunna perbahannendu man Bangku.

-          Aplikasi

Gambaran cerita ibas pengogennta enda me situhunna banci sijadiken palas ibas kita mereken diakonia man kalak. Erkiteken adi palasta berdiakonia man kalak erkiteken bahan pengogennta enda maka :

1. La terkesan ipaksaken.

Engkai maka bage ningku, erkiteken sedekah enda kita mere man kalak erkiteken kekuranganna. Tapi coba adi siakap temannta si musil e Dibata, ertina kita mere erkiteken keriahen ukur ras pengataken bujur

2. Terbaik ntah pe si optimal si bere

Adi pemahaman si e si pake maka kita pe nampati kalak tuhu-tuhu optimal la terkesan gelah nggo saja.

Emakana rikutken tema pjjnta enda, tangkas kal kepeken gereja ras diakonia eme salah sada hal si la banci terpesirang. Gereja harus cidahken keleng ate Dibata arah pelayanen diakoniana. Emakana marilah siajuk perpulungennta gelah cidahken perkuah ate Dibata arah kita nandangi kalak arah diakonianta.