BIMBINGEN PJJ 16 - 22 Oktober 2016

BIMBINGEN PJJ

IDILO GUNA JADI PASU-PASU

1 Petrus 2 : 9 – 10 

Pdt. Maria E br Sitepu

-          Penjelasen Teks

Adi ngerana kita tujun kitab 1 Petrus enda, tentuna sieteh kerina kitab enda, itujuken  nandangi kalak Kristen si merap i belang-belang bagin utara asia kitik. Janah sieteh kalak Kristen ibas paksa sie sangana iayak-ayak ras ngenanami kiniseran erkiteken kinitekenna man Yesus Kristus.

Emakana erkiteken tekanan sosial ras diskriminasi si aloken kalak Kristen si jadi tujun kitab enda (ayat 4-5b), makana bagin kitab enda 1 Petrus 2 : 1-10 itulis rasul Petrus guna mpegegehi kalak Kristen si lit i asia Kitik alu cara membangun identitas simbaru nandangi kalak Kristen.

Adi biasana jelma, identitas enda e seh kal pentingna, emakana ibas tekanan-tekanan si inanami kalak Kristen, rasul Petrus nggit erbahanca kalak enda ngangkai ia kepeken beda, lit si khas ibas kalak Kristen, beda ia ras kalak sideban, termasuk bas kelompok-kelompok social sideban si cenderung menindas.  Factor enda me si banci mereken kalak enda kiniteken ia me bangsa Pilihen (Ayat 9-10).

Jadi labo sembarangan pengelaran ntah pe istilah si bereken Rasul Petrus nandangi Kalak Kristen i Asia Kitik.

-          Aplikasi

Arah bahan si enda, kepeken harusna erbahanca kita sadar kita beda ras kalak sideban.

Beda jenda maksudna labo kita lebih ganjangen asangken kalak sideban, tapi lit kekhasan kita selaku kalak Kristen.

Bangsa Pilihen, imam-imam raja ras kerina pengelaran nandangi kalak Kristen enda me jadi tugas ras tanggung jawabta.

Adi kita nggo jadi pilihen, ertina sicidahkennlah kita memang pilihen

Adi kita imam-imam Raja, sicidahkennlah kita tuhu ima Raja

Adi kita Bangsa sisekeranjangen Dibata, sicidahkenlah kita bangsaNa.

Adi kita anak-anakNa, sicidahkenlah kita anak-anakNa.

Emakana bagi tema PJJ ibas minggu enda eme kita idilo guna jadi pasu-pasu. Inget saja sada hal si pentingna bas kerehennta bas doni enda, kita ijadiken guna banci jadi pasu-pasu man kalak. Lalit kalak la banci la jadi pasu-pasu cuma mulihken ka kita ngerana nggo kita memplimbarui dirinta. Adi nggo ertina kita pasti jadi pasu-pasu man kalak.