BIMBINGEN PJJ 2 - 8 Oktober 2016

BIMBINGEN PJJ

BUJUR MAKEKEN SUKAT_SUKAT

Nats : Lukas 3 : 7-14

Pdt. Maria E br Sitepu

-          Penjelasen Teks

Bagin pustaka enda nuriken dahin Yohanes Peridin, ibenaken

1.      Katawari ia mulai erdahin (ayat 1-2)

2.      Pelayanan si ilakoken Yohanes Peridin (ayat 3-20) tentuna enda ngerana masalah kai silakoken Yohanes ras tujun pelayanan Yohanes enda.

Emakana guna ngangkai bahannta enda, sipertama lebe bahan enda harus ipahami ibas ayat 3 nari.

Ibas ayat 3, tangkas ikataken bahwa kita harus jera arah dosa-dosannta nari. Tapi labo seh je ngenca. Adi nggo jera maka kam harus iperidiken. Janah ibas ayat 4-6 ituriken Johanes kerina siilakokenna enda eme nubuat si nggo inubuatken nabi Jesaya (bdk Jesaya 40:3-5).

Tapina sieteh kerina adi dahin si bagenda melala kalak si pro ras kontra. Bage ka dahin Johanes enda, ibas ayat 7, ituriken tangkas kal, kepeken lit jelma erpengarapen ntah pe erpengakap adi nggo iperidiken nggo pulah ibas ukumen Dibata. jadi kalak enda terlalu mengutamakan seremonial padahal si e labo pas, erkiteken perbahanen perlu icidahken ka ibas kita nggo ngaloken peridin enda.

Janah adi siperdiateken melala ka kalak erpengakap erkiteken ia nggo kesusuren Abraham, maka nggo ia percaya diri ia banci pulah ibas ukumen nari, padahal nina Johanes si e la menjamin, tapi kai kinitekenndu si teridah arah perbahanenndu si e erbahanca kam banci pulah ibas ukumen Dibata.

Emakana ibas bagin selanjutna, lit 3 kalak si nungkun man Johanes kai arus ilakoken.

1.      Ibas Kelebihan kita harus ngasup guna nampati kalak si membutuhken. (gambaren 2 baju)

2.      Aloken bagi kai sia harus ialokenndu.

3.      Ola ngerampas sikerajangen kalak

4.      Ola ngataken salah man kalak si la ersalah

5.      Pebiaslah kai si lit bas kita, ula ngarapken si la terseh kita.

Emakana arah gambaren 3 kalak enda, maka sisedari min kepeken ibas geluh enda, kepeken harus sieteh kai sukat-sukatna geluh.  

-          Aplikasi

Sieteh kerina kepe geluh enda kerina ersukat-sukat. Umur pe lit sukatna, man pe perlu ka isukati, tawa pe perlu isukati rasdna kerina perlu lit isukati, erkiteken kai pea di nggo berlebihen la mejile. Contoh

1.      Gantengsa la ka mejile

Pernah si begi cerita kalak la ibere masuk kubas sada Negara erkiteken gantengsa.

2.      Besursa pe la ka mejile

3.      Bayaksa pe la ka mejile

4.      Pokokna adi make sa pudina nina kalak karo la mejile.

Tapi melala kalak la sadarina si e, akapna sukat-sukat bas geluh enda tuhu-tuhu membatasi ia ibas nehken sura-surana I tengah-tengah geluhna. Padahalna la banci pungkiri sukat-sukat enda situhunna erbahanca kemalemen ras keriahen ibas tengah-tengah geluh manusia. Contoh. Adi kita bayaksa pasti lit kalak si cian nandangi kita, erkiteken si e banci ia erbahan si la mejile nandangi dirinta.

Sie ncerminken makana perlu kin batasan enda, gelah lit keseimbangan ibas geluh enda.

Emakana marilah sipakeken kai silit bas geluh enda,  guna kiniulin geluhta.