BIMBINGEN PA PERMATA 2 - 8 Oktober 2016

BIMBINGEN PERMATA

HIDUP YANG BERKECUKUPAN

Nats : Kisah Para Rasul 4 : 32-35

Pdt. Maria E br Sitepu

-          Penjelasen Teks

Bahannta ibas paksa enda, ngerana uga cara nggeluh kalak Kristen si pemena. Adi siperdiateken ka bagin seterusna, maka icidahken penulis kita enda, 2 contoh uga sikap nggeluh kalak Kristen.

1.      Barnabas (4 : 36-37) Positif

2.      Ananias dan Safira (5 : 1-11) negative.

Jadi bahan sekali enda, nggit ngingetken man kita perpulungen secara terkhusus man anak permata gelah banci ngidahsa uga situhunna cara nggeluh kalak Kristen. Si banci jadi ilakokenna ibas kegeluhenna selaku permata.

Erkiteken la banci I pungkiri melala gundari kesalahan ntah pe kesilapen kalak Kristen ibas ia nggeluh tengah-tengah doni enda.

Ibas bagin sipemena eme ayat 32, ituriken :

1.      Ersada ukurna ras ersada penggejapenna.

2.      Kerina iraskenna.

Menarik ibas bagin pemena pengogennta enda, ije ituriken uga perpulungen si pemena tuhu-tuhu encidahken kiniersadanna, subuk masalah ukur, penggejapen ras erta. Adi gundari memang banci adi ersada ukur tapi adi masalah kerina iraskena contohna erta, nggo pasti mulai rukur.

Bagin sipeduaken ibas bahan enda eme ayat 33, nuriken :

1.      Pasu-pasu Dibata mbelin

Tentuna sigejapken gundari pasu-pasu pasti maler kubas kegeluhennta, tapi tentuna biasa saja e, adi siidah bahan enda, adi bahasa indonesiana, ikataken “kasih karunia Tuhan berlimpah-limpah”. Ngeri bahasa enda, ertina erkiteken cara hidupna Pasu-pasu Dibata reh mbuena, labo reh sitikna. Labo bagi isitilah ekonomi

“pengeluaran sekecil-kecilnya untuk hasil sebesar-besarnya”

Tapi adi perpulungen ibas paksa si e

“pengeluaran sebesar-besar untuk hasil si lebih besar”

Jadi ula kita mbiar ikut Dibata.

Ibas bagin sipeteluken bahan enda ayat 34, ituriken :

1.      Sisampat-sampaten

Istilah si ipake jenda, uga adi lit kalak si berkekurangan perpulungen rela ndayaken kai si lit bas ia gelah ibagiken bersama.

Konsep nampati gundari eme konsep nampati adi berlebih adi kurang-kurang lang. penungkunena man kita terkhusus permata, uga kita ?

Ibas bagin terakhir bahan enda ayat 35, ituriken :

1.      Perpulungen mediate nandangi temanna.

Cara siipake eme mereken harta man rasul-rasul gelah ibagiken man kerina kalak sue ras keperlunna sekalak-sekalak.

Adi siidah kerina bahannta enda cidahken rasa si la pernah teridah ibas manusia si gundari eme : rasa Bias.

-          Aplikasi

Bias tentua adi erkaiten ras pangan adi nggo besur banci terbelasken kita, tapi berkaiten ras erta, e cukup sulit, erkiteken bias e lalit indikatorna, jadi lalit batasanna.

Ibas bahan pa permata ibas minggu enda, ate ngajari Permata gelah hidup berkecukupan. Inget cukup, ertina la kurang la lebih. Ibas bahannta enda, tangkas kal ikataken bahwa manusia ibas nggeluhna situhunna berkecukupen kerina, tapi erkiteken melala kalak siipake Dibata guna ncukupi kebutuhan temanna sideban la idalankenna, maka melala ka siidah kalak la berkecukupan.

Permata biasana nggo melala sura-surana ibas wari sipepagi, tapi kebiarenna si rusur turah eme masalah bias ntah lang. masalah bias ntah lang situhunna la perlu terpikirken, erkiteken masalah bias enda labo masalah kuantitas tapi masalah kualitas. Hidup yang berkualitas pasti ngasup hidup berkecukupan, tapi adi nggeluh si berkuatitas ugapape la banci nggeluh berkecukupan, erkiteken kerina iitung alu jumlah. Jumlah la menentukan cukup ntah lang. tapi uga kita make si lit bas kita gelah bias guna kegeluhennta.