BIMBINGEN MAMRE 9 - 15 Oktober 2016

BIMBINGEN MAMRE

Ula Babai Kalak Si Deban Erdosa

Nats : 1 Raja-raja 21 : 7 - 14

Pdt. Maria E br Sitepu

-          Penjelasen Nats

Isebel, ih sebel…sebel dch, istilah sikudat sangana mempersiapken bahan enda. Tapi alu jujur kukataken eh istilah si pas nandangi ndehara raja ahap si mereken dalan pulah ibas persoalen raja ahap. si erbahanca ndabuh ka ia mulihi ku lubang ntah persoalen si termbagesen.

Cerita enda ibenaken ibas kinimerhatan raja ahap nandangi Peken Anggur Nabot si deher ras istana. Tapi kepeken sura-sura raja ahap la banci idatkenna, erkiteken peken anggur nabot enda eme pustaka nini-niningku kap, jadi adi secara peradilan la banci ibuat ntah pe ibereken man ise pe, kecuali man kesusuren.

Erkiteken si e me maka nembeh kal ate raja Ahap. isebel selaku ndehara ahap ibas paksa si e tentu ietehna kegalauan perbulangenna, emakana iberekenna solusi man ahap. (ayat 8-13) erkiteken solusi ah ndai sura-sura raja ahap nandangi peken anggur ndai banci idatkenna erkiteken nabot nggo mate.

-          Aplikasi

Arah cerita raja ahap ndai, kepeken sisadari kalak si deherta enda banci erban peranan si mbelinna nandangi keputusan nggeluhta (bnd 1 Korinti 15:13).

Tapi harus siinget kai si terjadi bas geluhta enda kita me si bertanggung jawab ula kari penglako kalak sideban kita baba mberatna. Bageka adi kita nggo papak haruslah si pekena kegeluhennta ula sibaba kalakk ikut papak ka ibas kegeluhennta.

Melala ibas paksa gundari manusia, adi ngalo sen ntah pe ngalo keriahen atena min sisada, tapi adi ngelakoken hal si erdosa atena ras-ras gelah radu-radu nanggung beratna.

Hal si enda teridah adi kita ngerana masalah masalah-masalah social si terjadi ibas kegeluhennta, contoh HIV –AIDS, melala erkiteken perbulangen si gutul anak ras ndehara pe kena penakit si e. kita si gutul kalak sideban maba beratna.

Emakana ibas bahan pa mamre ibas minggu enda, iajuk kita gelah adi ate min erdosa la padah baba kalak sideban. Beranilah adi erdosa kitalah pertanggung jawabkenca man Dibata. Adi la nggit ula. Me sederhana kal. Cuma enda me biak manusia si mesera denga man perubahen ibas kiniersadan erban dosa. Iakap enterem jelma adi hal si mehuli ibahan ras-ras maka dosana iras-rasken. Tapi labo dosa tetap dosa. Kita erbahanca kita ka harus nanggung jawabsa.