BIMBINGEN MAMRE 23-29 Oktober 2016

BIMBINGEN MAMRE 23-29 Oktober 2016

Thema : GUNA ISE KINIJELEN NDEHARA ?

OGEN : Ende-Enden Salomo 4 : 1 – 4 

Pdt. Maria E br Sitepu

-          Penjelasen Teks

Kitab enden-enden salomo eme kitab si ngerana enden-enden kalak si sangana jatuh cinta. Hampir kerina ibas bagin kitab enda berisi ungkapan-ungkapan cinta si luar biasa nandangi sekalak diberu. Terkhusus ibas bagin pengogennta bas pa mamre minggu enda.

Bagin pengogennta enda ibenaken alu pujin sekalak dilaki nandangi impalna. (ayat 1)

Pujin-pujin si turiken ibenaken ibas mata nari (ayat 1b). engkai maka mata nari. Lit istilah mata eme jendela hati. Ertina aminna mata mencerminkan kai si lit bas hati sekalak jelma. Emakana pujin sipemena enda labo terjeng matana saja mejile tapi hati diberuna pe seh kal jilena.

Emakana ibas selanjutna katakenna Buk. Buk adi bas sekalak diberu ikataken mahkotana. Janah erkiteken si e, biasana sekalak diberu seh kal perdiatekenna uga aturen bukna.

Janah seterusna adi sioge terus kuteruh sieteh uga salomo ibas paksa si e labo terjeng ayo  saja tapi kerina keseluruhan diri impalna ntah pe ndeharan ipuji raja salomo.

Jadi banci kataken salomo tuhu-tuhu memuji ndehara.

-          Aplikasi

Kinijelen sekalak ndehara man ise ? enda tema pa mamrenta ibas minggu enda. Tema enda situhunna labo mesera njawabsa, erkiteken tentuna kinijelen sekalak ndehara enda man perbulangen ras anak-anakna.

Tapi adi rikutken tujun pa mamrenta, labo terjeng kita meteh saja man ise kinijelen enda, tapi iarapken nandangi sekalak mamre gelah ngasup mereken pujin ibas kinijelen si lit nandangi ndeharanta.

Muji hal si situhunna labo mesera nandangi piga-piga jelma, tapi la banci ipungkiri lit ka jelma mesera akapna mereken pujin man ise pe. Tapi harus siinget pujin enda cara si paling simple ras murahna ncidahken kekelengen nandangi ndehara ntah anakta. Erkiteken seh ngasa gundari ibas negaranta enda, lenga lit undang-undang si mengatur mereken pujin man sekalak ndehara ntah pe anak-anak man galaran.

Adi siidah bahan pengogennta ndai, teridah uga pujin si bereken raja salomo nandangi ndeharana. Tapi pujin enda perlu ka sinin realitas eme Tuhu kin lit bage diberu sempurnana ? adi ngerana masalah kesempurnaan ka kita mulihken, tentuna lalit si sempurna bas doni enda kecuali Dibata, tapi kesempurnaan e banci jadi erkiteken lit kekelengen. Adi aku erpengakap palas raja salomo mereken pujin e erkiteken kekelengen. Siidah kinata biasana, erkiteken kelengna kita nai, lit pe desy ratnasari i lebe-lebenta tetap nd…. E si jadi pilihen.

Tapi gundari nggit denga kita mereken pujin e man anak ras ndeharannta.

Inget pujin enda turah erkiteken keleng, jadi adi lit kalak ngatakenca mesera aku mereken pujin ntah kai-kai deba, harus kita rukur lebe tuhu kin kita keleng ?

Marilah si bereken pujin man ndeharanta ras anakta gelah keriahen e reh tambahna bas tengah-tengah jabunta.