BIMBINGEN PERMATA 10 - 16 Oktober 2016

BIMBINGEN PERMATA

KELENGI NANDENTA

Nats : Kuan-Kuanen 23 : 25

Pdt. Maria E br Sitepu

-          Penjelasen Teks

Bahanta enda ibas Kuan-kuanen 23:25, eme jadi salah pengajaren man kalak adi atena jadi kalak pentar. Adi siidah ibas pustakanta benaken ibas Kuan-kuanen 22:17 – 24:22, emakana lit 30 hal si harus ilakoken sekalak jelma gelah banci ia jadi kalak pentar bas kegeluhenna.

Salah sada bagin eme pengogennta enda ibas Kuan-kuanen 23:25. Bagin enda ngerana erkiteken hubungen anak ras orangtua. Uga sekalak anak harus ngasup guna erbahanca megah iakap nande bapana ia. Aras si e tentuna kemalemen ate jadi sikeranjangen nande  si mupus anak ndai.

bahasa siipake eme megah, labo bayak, labo tandai kalak, tapi megah. Melala anak gundari la sadarina si e, akapna adi nggo ka ia jadi kalak hebat, kalak bayak rsdna iakapna nggo megah akap nande ras bapana. Emakana erkiteken si e kerina ihalalken guna si e saja. Padahal adi ngerana kita masalah kemegahan. Megah e situhunna labo masalah materi tapi biak ras pengerana e banci erbahan megah akap orangtua, emakana lanai sia-sia kai si nggo korbanken orangtua nandangi anakna. Erkiteken anak tetap ngasup mereken kinihagaan ntah pe kemegahan nandangi orantuana.  

-          Aplikasi

Kelengi nande, eme tema permatanta. Adi ngerana kita masalah tema enda, tentuna adalah sada kewajiban nandangi anak guna kelengi orangtuana terkhusus nande. Labo erkiteken lit tema sendah ras deher ras ulang tahun moria maka mis si cidahken kekelengen man nandenta si luar biasa, padahal sedekah enda lanai pernah.

adi mulih ka kita masalah kekelengen nandangi orang tua, tentuna bahan pa permata enda ngajuk gelah si kelengi nandenta saja, tapi bapa pe harus ka sikelengi bagi pengkelenginnta nandangi nandenta la edobahen sada ras sidebanna. Tapi perlu siinget gelarna keleng memang nande e sosok si luar biasa. Engkai ? perban adi keleng kita me biasa iumputi alu pengorbanen. Pengorbanen si bereken nande e nandangi kita e seh kal luar biasana (Nyawa). Pengorbanan si tentuna mesera si datken arah kalak sideban. Emakana labo sada hal si arus ikataken mulih-ulih guna kelengi nandenta tapi nggo jadi sada kewajiban si la banci lang ilakoken bas kegeluhen permata.

Maun-maun melala ibas permata lit persoalen sitik ras nandena lanai siangkan. Biasana masalah ndarat berngi la ibere rsdna. Hal si enda erbahanca anak lanai keleng nandangi nandena. Luar biasa kin memang, tapi enda kinata gundari. Emakana man permatanta si katakenlah gelah ngasup ngekelengi nandenta siugapana pe erkiteken ia nggo mereken nyawana nai sanga kita tubuh bas doni enda ras labo terjeng je sa, tapi seh ku pegalang-galang kita seh ngasa gundari.