BIMBINGEN MORIA 16 - 22 Oktober 2016

BIMBINGEN MORIA

KEMENANGEN TERIDAH ARAH KETETAPEN UKUR RAS KINIJINGKATEN

1 Korinti 15 : 57 – 58 

 Pdt. Maria E br Sitepu

-          Penjelasen Teks

Kekeken Yesus eme palas ibas iman Kristen. Ibas injil-injil kanonik alu tegas ras tangkas ikataken bahwa Yesus keke ibas wari ketelu kenca ia mate (bdk 28:1-10, rsdna). Tapi aminna pe ibas padan simbaru ras padan sindekah nggo lit piga-piga bagin pustak si nurikenca kekeken Yesus Kristus, tapi lit ka kalak si la tek erkiteken sie maka gugatna kehistorisan kekeken Yesus

Bagin pengogennta ibas paksa si enda, ncidahken gugatan kalak nandangi kekeken Yesus Kristus siituriken Rasul Paulus (ayat 35). Kemungkinen besar kalak enda eme kalak Yunani erkiteken kalak Yunani la tek ibas kekeken daging. Janah perdebatan si enda terus berlangsung seh kari ibas ayat 50.

Ibas ayat 51-58, ije ituriken rasul Paulus uga kita selaku kalak si tek, pasti make tubuh simbaru si lanai erdosa ras kekal. Emakana kemenangan kalak Kristen eme kemenangan ibas maut bagi kai si terjadi ibas Yesus, uga ia naluken maut.

Tapi arah kerina janji ntah pe padan ndai, rasul Paulus ngarapken :

1.      Tetap Ukur

Aminna pe mungkin secara logika hal si enda la terterima tapi ukurta harus tetap erkiteken labo kerina bas doni enda banci ilogikakan tapi ketetapan ukurta ngenca siperluken kita.

2.      Ola Mbewat-Mbewat

Paguhlah ibas erkiniteken man Tuhan. Kai pe si terjadi ia saja jadi ingannta erpengendes.

3.      Mejingkatlah

Adi nggo menang, mejingkatlah dahiken dahin Tuhan. Tapi ula erkiteken menang saja ibas kerina si terjadi bas kita mejingkatlah dahiken dahin Tuhan, erkiteken Dibata la pernah ernin situasi si lit bas Ia ibas ia nemani ras njagai kita 

-          Aplikasi

Selamat Ulang Tahun pe 59-ken man moria kekelengen kami.

Pertambahen umur memang sada kemenangen si luar biasa nandangi kegeluhennta, tapi inget situhunna kemenangen si luar biasana eme kiningasupen kita tetap ukur ras mejingkat mentasi wari-wari enda seh kita ibereken Tuhan umur si gendang.

Melala kalak erpengakap kemenangen rusur identik ras hadiah, tapi ibas paksa enda kemenangen pe banci teridah arah ketetapen ukur ras kinijingkaten.