BIMBINGEN PJJ Tgl 16-22 Juli 217

BIMBINGEN PJJ Tgl 16-22 Juli 217

Thema:ULIH JUDI EME KEMUSILEN

Ogen:1 Timotius 6 : 7 - 10

Pdt. Maria E br Sitepu

                         

-          Penjelasen Teks

Adi ngerana kita masalah judi tentuna hampir kerina kita metehsa bahkan ntah nggo pernah cubaken judi enda aminna pe mungkin kitik-kitik saja. Emakana arah si e kuakap lanai bo asing kita ras gelarna judi, aminna pe Puji Tuhan nggo melala si bertobat janah ibas paksa si enda si totoken ka si lenga ngadi erjudi enda. Tapi situhunna adi ngerana kita masalah judi enda pengertin enda me si jadi masalah, erkiteken adi siidah piga-piga pengertin judi eme

1.      Nina Eksilopedia Indonesia : Judi adalah suatu kegiatan pertaruhan untuk memperoleh keuntungan dari hasil suatu pertandingan, permainan atau kejadian yang hasilnya tidak dapat diduga sebelumnya

2.      Nina Dra. Kartini Kartono, judi adalah pertaruhan dengan sengaja, yaitu mempertaruhkan satu nilai atau sesuatu yang dianggap bernilai dengan menyadari adanya risiko danharapan-harapan tertentu pada peristiwa-peristiwa permainan, pertandingan, perlombaan dan kejadian-kejadian yang tidak/belum pasti hasilnya

3.      Nina KUHP pasal 303 ayat 3 judi adalah tiap-tiap permainan yang mendasarkan pengharapan buat menang pada umumnya bergantung kepada untung-untungan saja dan juga kalau pengharapan itu jadi bertambah besar karena kepintaran dan kebiasaan permainan.

4.      Rsdna kerina

Jadi secara umum banci kataken judi eme permainan si mengandung taruhan adi siidah sisi pengertinna. Tapi si jadi kinata bas kegeluhen apakah kerina si lit taruhenna e termasuk judi ?

Ibas bahan pengogenta si ibuat ibas 1 Timotius 6 : 7-10, sieteh surat enda eme surat Paulus nandangi Timotius anak rohani Paulus situjunna guna mpegegehi Timotius ibas dahinna selaku serayan Dibata. Terkhusus ibas bagin enda ngerana masalah uga sikap si harus lit ibas Timotius erkiteken pengajaran si si la tuhu terkhusus masalah kebayaken.

Emakana ibas ayat 7 turiken Paulus kepeken manusia reh ras lawes pagi ibas doni enda labo maba kai pe kerina si lit ibas manusia enda eme sikerajangen Dibata, emakana ibas ayat 8 ikataken biasa nakan ras uista saja, gambaran enda nurikenca ibas doni enda kebutuhan nggo tercukupi epe nggo situhuna kebayaken si luar biasana.

Tapi tentu e la manusia adi terjeng nakan ras uis saja la ia puas adi banci min terlalan asangken si e, emakana ibas ayat 9 ikataken ersura-sura bayak e banci ndabuh kubas percuban. Hal si enda labo ngatakenca manusia la banci bayak tapi persoalenna eme kai si lakoken manusia guna datken kebayaken, emakana adi kita ngerana masalah judi enda, salah sada masalah judi adi

1.      Sura-sura guna bayak

Adi taruhan kam ras kalak janah sura-surandu guna datken kebayaken ntah pe darami nakan ibas taruhenndu e e gelarna dosa janah e maba kemusilen man bandu, engkai erkiteken bandingken kejadin 3:19

a.       Judi labo erdahin, erdahin harus latih

b.      Judi la cidahken keleng ate Dibata man temannta

2.      Merangap

Ertina siarapken sikerajangen kalak si labo sikerajangennta epe penting si inget ibas judi enda.

-          Aplikasi

Emakana ibas minggu enda, khususna ibas pjjnta marilah siukuri kai positif ras negatifna erjudi, apai mbuen positifna ntah negatifna. Adi nggo sieteh kerina, emakana marilah si pengadi judi adi ibas kita gundari lit denga si ngelakokenca. Adi pikiranndu guna datken kebayaken, la pernah si begi kalak bayak arah judi enda, bayak banci tapi labo kebayaken situhu-tuhu, janah adi gelarna judi enda gelah hiburan labo ka banci kita seh kal melalana keri. Adi memang guna keriahen keri-keri 1000 rupiah kuakap labo masalah tapi adi nggo keri melala, rukurlah kita labo e maba keriahen, tapi maba kestressan man banta.