BIMBINGEN MAMRE Tgl 09-15 Juli 2017

BIMBINGEN MAMRE Tgl 09-15 Juli 2017

Thema:NGOGELAH! GELAH KAM PENTAR

Bahan:Ulangen 6 : 7 - 9

Pdt. Maria E br Sitepu

-          Penjelasen Teks

Nina piga-piga media, Indonesia menduduki rangking 60 ibas tingkat kemerhatan ngoge i doni enda, jadi adi secara persen 0,001 % ngenca si rajin ngoge emakana adi jumlah masyarakat Indonesia gundari kurang lebih 200 juta jiwa maka si rajin ngoge eme 200.000 kalak.

Tentuna kinata kegeluhen si cukup memprihatinkan. Mbera-mbera kita termasuk ibas 200.000 kalak ndai. Adi siidah ka piga-piga penelitian si ernin engkai maka minat ngoge ibas masyarakat Indonesia enda kurang, emaka banci siidah kepeken lit piga-piga alas an eme :

1.      Warisan budaya membaca

La banci ipungkiri kalak si nggeluh ibas lingkungan kalak si rajin ngoge, la banci lang ia pe pasti rajin ngoge, tapi adi siidah kinata kegeluhennta i Indonesia enda, kita cenderung jarang ngoge, budaya lisan contoh cerita sinuria, adat istiadat e kerina nusur alu babah ku babah labo arah pengogen. Emakana hal si enda membentuk masyarakat si kurang merhat guna ngoge.

2.      Sistem pembelajaran i Indonesia

Pasif, enda istilah si mungkin banci sipake guna ernin sistem pembelajaran i Indonesia enda nandangi anak murid ntah pe anak didik. System pembelajarannta cenderung mengarah ku keaktifan guru guna ngajari peserta didik. peserta didik la i motivasi guna datken informasi ntah pe pengetahuan arah literatur-literatur sideban.

3.      Teknologi ras sarana hiburan

Hal si enda tentuna berdampak cukup signifikan ibas tingkat kerajinan ngoge masyarakat Indonesia, erkiteken teknologi ras sarana hiburan si melala erbahanca kalak cenderung ndarami hal si enda asangken guna ngogen

4.      Sarana si kurang

Sarana si kurang janah harga buku si cenderung mahal enda ka erbahanca tingkat kerajinan kalak guna ngoge kurang

Hal-hal si enda me si erbahanca kurangna kemerhatan kalak guna ngoge ibas paksa gundari. Padahal adi siukuri minat baca ras tingkat kemajuan pendidikan ibas sada bangsa enda berbanding lurus. Emakana ibas minggu enda mamre iarapken gelah turut aktif guna ngelakoken si e kerina.

Adi siidah ibas bahan pengogennta ibas ulangen 6 : 7-9, enda adi si perdiatekan mulai pemenana nari situhuna ngerana uga Dibata nuruh bangsa Israel guna nginget sepuluh perentah Dibata si berekenna man bangsa Israel arah musa i deleng Sinai.

Undang-undang enda seh kal pentingna nandangi bangsa Israel, erkiteken adi ingetna bagepe idalankenna emaka mejuah-juah  ras jadi bangsa si mbelin me bangsa Israel enda (bnd Ul. 6:3). Emakana ibas :

Ayat 7

Ikataken Dibata gelah enda iajarken man anak-anak. Tentuna adi ngerana kita masalah ngajari siharus lebe eme sipahami, sope ipahami emaka perlu ioge. Ja nge banci ipahami ras iajarken man kalak adi lenga pernah ioge.

Ayat 8 ras ayat 9

Bagin enda encidahken uga pentingna undang-undang enda, emakana gelah ula sempat lupa e perlu ibahan cara gelah rusur kita ngoge undang-undang enda.

-          Aplikasi

Adi siidah pengalamen bas kegeluhennta, tentuna si eteh lit bedana adi kita ngoge ras ipebetehken kalak man kita ntah pe bahasan lisan. Biasana dekahen ka siinget adi sioge asangken si begi. Emakana minat kita guna ngoge enda seh kal pentingna guna nambahi kepentaren ibas perdalanen geluhta. Mungkin melala ibas kita si erpengakap ngoge enda membutuhken wakti sindekah guna datken pemeteh tapi inget adi kita ngoge banci melala si dat kita asangken si begi. Janah ngoge eme olahraga man otakta. Emakana marilah man kita mamre si benaken ibas kita nari guna rajin ngoge gelah arah enda banci langket kubas jabu ras keluargannta.