BIMBINGEN KHOTBAH 09 JULI 2017

BIMBINGEN KHOTBAH 09 JULI 2017

MINGGU PENDIDIKAN

THEMA:AJARILAH ANAKNDU ALU DISIPLIN.

Invocatio : Kuan-Kuanen 13 : 24

Ogen : Kuan-Kuanen 15 : 10 – 15

Khotbah : Heber 12 : 5 – 8

Pdt. Maria E br Sitepu

-          Pengantar

Pengajaren eme salah sada tanggung jawab si harus ilakoken orang tua nandangi anak. Hal si enda banci siidah ibas usaha siilakoken orang tua nandangi anakna, ija asa ngasup ras gegehna ibahanna pengajaran subuk e formal ntah pe informal, gelah sura-sura orang tua nandangi anak e banci tersehi. Tapi siidah ka ibas kinata kegeluhen labo sitik orang tua si salah ibas pengajaran e erkiteken :

1.       Ikutkenna kai si semal ilakoken kerina orang tua

Sieteh kerina manusia e berbeda sada ras sidebanna labo terjeng fisik ngenca tapi minat ras ketertarikan end ape pasti berbeda. Hal si enda si maun-maun si la perdiateken orang tua ibas ia nehken pengajaran man anak. Erkiteken kai si ajarkenna man anak ikutkenna arah kai si nggo biasa ilakoken kerina orang tua.

2.       Pengajaran ilakoken erkiteken kebutuhan

Maksudna ijenda, orang tua enterem siidah erban ntah ngelakoken pengajaran man anak erkiteken lit si harus iikuti ntah pe ujian misalna. Hal si enda si erbahanca pengajaran enda la maksimal hasilna.

Emakana perlu kita kerina orang tua meteh kai kin situhunna pengajaran si payo si ngena ate Dibata nandangi anak-anakta. Ibas bahannta ibas minggu enda,  

-          Heber 12 : 5-8

Adi kita ngerana erkiteken surat heber enda tentuna sieteh adi penulis bagepe tujun kuja surat enda itulis memang melala persepsi, tapi adi sinin temannta ibas minggu enda, emakana si penting guna sipahami kita eme engkai maka surat enda itulis.

Surat ibrani enda itulis nina piga-piga sumber guna mereken gegeh bagepe semangat nandangi kalak Kristen sisangana ibas paksa si e ngenanami penyiksaan penderitan si seh kal mesangatna. Emakana adi siperdiateken bahan pengogennta ibas paksa enda adi sioge menaken ayat 1 tentuna  siidah uga penulis berusaha mereken semangat man perpulungen Kristen si lit ibas paksa si enda.

Secara terkhusus ibas bagin pengogennta siidah uga penulis berusaha guna ngingetken mulihi kai siajarken Dibata man anak-anakna. Adi siidah jenda menarik kal adi siperdiateken uga tekhnik pengajaran si bereken Dibata man kita anak-anakna.

Siidah ibas : 

Ayat 5

1. Pengajaran enda maun-maun perlu sitik keras. Adi ibas pustakanta je itulis “Merawa” ntah pe bas pustaka badia bahasa Indonesia “diperingatkan”

Hal si enda me harus radu sipahami ibas kita nehken pengajaran man anak, erkiteken pengajaran labo terjeng bicara masalah kognitif tapi kita ngerana masalah sifat ntah pe budi pekerti. Tapi perlu ka siinget  tentuna lita batasan-batasan si perlu ipahami kita tole nari adi ngerana masalah kekerasan ibas mendidik anak. Kekerasan si mendidik tentuna perlu ilakoken guna tujun si mehuli.

Ayat 6

1. Pengajaran eme bentuk ate keleng

Memang adi rikutken konteks surat ibrani mesera siakap apai kin keleng apai kin menghukum gelarna. Tapi ibas bahan pengogennta si peduaken banci situriken uga kin tanda kalak si tuhu tuhu ngidah pengajaran Dibata ibas geluhna

Ayat 7

1.       Lit resiko si pasti si dat kita ibas Pengajaran e

Ibas pengajaran tentu ras pasti lit penolakan,erkiteken kecendrungan manusia ise pe la nggit iajari, tapi enda labo mpesurut manusia guna tetap nggit ngajari ras iajari.

Ayat 8

1. Pengajaran eme tanggung jawab

Enda si pentingna ibas kita nehken pengajaran. Janah perlu enda perlu ibangun lalap ibas dirinta selaku orang tua nandangi anak.

Emakana nggo me siidah uga kin cara Dibata ngajar man anak-anakna ntah pe kita, janah ipersingetina ka tole ibas

-          Kuan-kuanen 15 : 10-15

Nuriken kai si banci si dat anakta adi kita ngajari ia alu disiplin.

1. Ipedauh ibas hukuman si mesangat
2. Jadi kalak si meteruk ukur
3. Meriah ukurna
4. Beluh ia rukur

Ras tentuna hal-hal sideban si banci sidatken anak-anakta erkiteken pengajaran silakoken orang tua alu kedislinan.

-          Aplikasi

Kedisplinan tentuna hal si labo menukah dalankenca ibas kegeluhennta enda, erkiteken adi ngerana kita masalah kedisplinan tentuna kita ngerana masalah aturan si mengatur kita ibas geluh enda. Manusia adi siidah ibas kinata kegeluhen gundari enda melala si la atena iatur ibas geluhna. Khususna anak-anakta si nggo terpengaruhi kegeluhen anak gundari. tapi perlu siinget kedisplinan enda situhuna labo terjeng masa gundari saja man anakta, tapi enda pe persiapan man bana ibas ia memasuki tahapan-tahapan selanjutna ibas geluhna. Emakana marilah siajari anakta alu kedisplinan, gelah kai sura-suranta ntah pe kai tujunnta banci sidatken kita. guna menutup bahan enda, lit sekali sekalak perpulungen ngerana man bangku bagenda nina “o Pendeta tehndu, kai si terjadi bas geluhku enda gundari (dokter ia) labo erkiteken kepentaren, kebayaken si lit bas aku, tapi erkiteken kedisplinan saja emakana aku banci bagi si gundari”. emakana kedisplinan enda seh kal pentingna ibas geluhta enda.