BIMBINGEN KHOTBAH 23 JULI 2017

BIMBINGEN KHOTBAH 23 JULI 2017

MINGGU PENINGKATAN EKONOMI JEMAAT

THEMA“NGATURKEN KINILITEN ALU MEHULI”

Invocatio : Matius 22 : 39

Ogen : Matius 14 : 13 – 21

Khotbah : Kejadin 41 : 47 – 39, 53 - 57

Pdt. Maria E br Sitepu

-          Pengantar

Adi siperdiateken bahan PJJ bagepe kategorial ibas minggu enda, memang cenderung kita melala ngerana uga kita ngaturken perdalanen nggeluhta enda alu mehuli khususna guna ngaturken kiniliten si lit ibas kita, terkhusus mamre ras PJJ hal si enda cukup tegas ikataken uga penting ngaturken perbeliten jabu janah la ngelakoken kai si la ngena ate Dibata erkiteken enda banci maba kesontaran ntah pe ketidakraturen ibas perdalanen geluhta.

Gundari adi siidah melala manusia nggo cubaken erban kai pe guna cukupi kebutuhen geluhna kerina, subuk e darami pendahin si agak galang gajina asangken si mbarenda ntah pe si gundari eme darami dahin sampingan si banci mereken masuken guna perdalanen geluhna. Hal si enda tentuna kerina ilakoken erkiteken kebutuhan geluh si semakin luar biasa wari lepas wari. Tapi sadar ntah la sisadari mungkin lit perpayona kebutuhennta  e la bias erkiteken kurang pemasukan, tapi adi siukuri la kin si e terjadi erkiteken melala kebocoran-kebocoran keuangan si terjadi ibas perdalanen geluhta.

Maksudna bagenda, tentu kita ibas ngaloken sen ntah pe gaji ibas bena bulan ntah pe awal bulan, kerina pasti lit sura-sura ntah pe pos-posna, tapi ibas perdalanenna banci kai si nggo iaturken e berubah 180 derajat erkiteken kebutuhen-kebutuhen si deban si reh. Mungkin saja kebutuhen si reh enda penting tapi adi kuidah kebutuhen sideban enda turah erkiteken kemerhatan ngenca, emakana asakai pe si lit bas kita adi bage la bias-bias erkiteken kita memenuhi hasrat ntah pe nafsu kita labo kebutuhannta. Emakana ibas minggu perekonomian jemaat enda, kita iajuk guna mulihi rukur erkiteken kegeluhennta. sedekah enda adi minggu perekonomian jemaat tema biasana mbuen ngerana uga memanfaatkan kai si lit ibas kita, ibas minggu enda kita ngerana uga ngaturken si lit ibas kita gundari, erkiteken aminna pe nggo melala si lit bas kita tapi adi la iaturken la lit gunana. Emakana ibas minggu enda kita erlajar ibas ngaturken kiniliten alu mehuli arah pustaka Si Badianta eme padan simbaru ras Padan Sindekah.

Ibas padan simbaru, ibuat ibas   

-          Matius 14 : 13-21

Tentuna bahan enda lanai bo asing man kita kerina, erkiteken bahan enda nggome rusur si begi, tapi adi ngerana masalah ngaturken kiniliten arah bahan enda, tentuna hal simbaru ibas kita, erkiteken bahan enda biasana ngerana masalah kekelengen Dibata, penghargaan Dibata nandangi kalak si la iargai masyarakat rsdna kerina. Tapi erkiteken si e me maka menarik bahan enda. Si pertama lebe kai si lit si man aturenken ibas paksa si enda.

1. Jelma si kurang lebih lima ribu kalak Dilaki si lenga man ntah pe melihe
2. Lima roti ras dua ikan
3. Kiniteken man Dibata

 hal enda me si harus iaturken Dibata ibas persoalen kalak lenga man. Adi siidah si pertama ibas ngaturken kiniliten eme :

1. Uga Yesus nuruh kerina kalak gelah kundul

Gambaran enda situhunna cidahken uga keteraturen enda banci jadi adi lit dukungan kerina misalna sada jabu labo banci sekalak saja

2. Lima Roti ras Dua ikan ipake Yesus

Ertina enda gambaren kai pe si lit ibas manusia aminna pe sitik harus me iaturken, labo erkiteken melala maka man aturken tapi ibas si sitik enda pe adi iaturken   kerina seh maka  tercukupi ,enda icidahken Yesus  mere man alu lima roti ras dua ikan ija Yesus mencukupken pangan jelma sinterem sikurang lebih 5000 kalak dilaki

3. Kiniteken man Dibata

Hal si enda me si jarang ipake manusia guna ngaturken kiniliten erpalasken  kiniteken man Yesus. Salah sada hal si penting eme kepercayaan bahwa Dibata pasti nampati. Maun-maun melala terjadi adi sangana  ngaturken kiniliten ntah pe keuangan melala kebiaren kita erkiteken kebutuhen, tapi harus siinget bahwa lit Dibata si banci mereken penampat man kita, emakana aminna nggo siaturken alu mehuli harus tetap si endesken man baNa.

Janah ibas bahan pengogennta sipeduaken ibas padan Si ndekah, ibuat ibas :

-          Kejadin 41 : 47 – 39, 53 - 57

Bagin enda seri ka ras bahan si pertama eme bahan si lanai bo asing ibas kita kalak Kristen, erkiteken bahan enda nuriken kebeluhen Jusup guna ngaturken kerina si nggo jadi tanggung jawabna nandangi bangsa Mesir erkiteken ibere Raja tanggung jawab man bana. Arah si enda situhuna  banci erlajar :

1. Ngaturken kiniliten enda seh kal pentingna

Siidah ibas bahan pengogennta uga Jusup tuhu-tuhu tutus janah ia ka mis turun tangan guna si e kerina. Hal  enda cidahken uga pengaturen ibas kiiliten enda perlu ketutusen gelah si man aturenken pe banci kerina bagi sura-sura

2. Harus teratur

Maun-maun melala ka kita ngaturken tapi la teratur ndabuhna ka kita ku ngaturkensa,  perlu siukuri   adi memang kin teratur ate kerinana harus teratur terkhusus dirinta ka. Ula kari siatur kalak, tapi la nggit kita iatur

3. Ngendesken kerina kiniliten man Dibata.sitik bias mbue kurang.

-          Aplikasi

Emakana ibas minggu enda, moderamen khususna PPWG ngingetken kita guna ngasup guna ngaturken kiniliten  alu mehuli, gelah arah si e pe perdalanen geluhta banci jadi mehuli. Erkiteken bagi si kataken arah pemenana ndai, la mungkin banci bias ntah pe cukup adi la siaturken. Mbue ras sitik labo jadi patokan, tapi si pentingna uga kita ngaturken si e kerina gelah banci jadi mehuli man banta.